Vladimir Korolenko

Membrecoj
Membrecoj	Peterburga Akademio pri Sciencoj vd

**Vladimir Korolenko**
Vladimir Korolenko
Persona informo
Naskiĝo	15-an de julio 1853; en Ĵitomir
Morto	25-an de decembro 1921 (68-jaraĝa); en Poltavo
Tombo	Poltavo vd
Etno	ukrainoj vd
Lingvoj	rusa • ukraina • pola vd
Ŝtataneco	Rusia Imperio ; Ukraina Ŝtato ; Ukraina Popola Respubliko ; Ukraina Soveta Socialisma Respubliko vd
Alma mater	Sankt-Peterburga Ŝtata Instituto de Teknologio vd
Subskribo
Familio
Gefratoj	Korolenko, Julian Galaktionovych (en) vd
Edz(in)o	Evdokiya Ivanovskaya (en) (1886–nekonata valoro) vd
Infanoj	Sofya Korolenko (en) vd
Profesio
Okupo	verkisto ; aŭtoro ; prozisto ; ĵurnalisto ; aŭtobiografo ; literaturkritikisto ; publikigisto vd
Membrecoj
Membrecoj	Peterburga Akademio pri Sciencoj vd
vd	Fonto: Vikidatumoj
	v • d • r

Vladimir Galaktionoviĉ KOROLENKO (ruse Владимир Галактионович Короленко naskiĝis la 15-an/27-an de julio 1853 en Ĵitomir; mortis la 25-an de decembro 1921 en Poltava) estis rusia verkisto de ukraina deveno.

De 1876 ĝis 1885 li estis en ekzilo en Siberio. Li 1889 li ekkonis Maksim Gorkij.

La asteroido 3835 Korolenko estis tiel nomita en lia honoro.

Li partoprenis en la gazeto Severni Vestnik.

En Esperanto aperis

Fantomoj, rakonto. Tradukis Vladimir Gernet. Odessa: Presejo "Centralnaja", 1895. 49 paĝoj. ([Biblioteko de la Lingvo Internacia Esperanto] 87.)
- Fragmento troviĝas en Esperantaj prozaĵoj paĝoj 187-193.
Arbaro Bruas, legendo el Polesje. Tradukis Maria Ivanova Ŝidlovskaja. Paris: Presa Esperantista Societo, 1914. 42 paĝoj.
La Senlingvulo. Tradukis Maria Ŝidlovskaja.
- 1-a eldono. Godesberg: Butin & Jung, 1922. 295 paĝoj
- 2-a eldono Parizo, SAT, 1939 191 pĝ.
- 3-a eldono. Amsterdam: Libroservo FLE, [proks. 1950]. 191 paĝoj.
- 4-a eldono. Dansk Esperanto-Forlag, 1976. 191 paĝoj.
La Sonĝo de Makaro (Сон Макара). kristnaska rakonto. Tradukis Maria Ŝidlovskaja. Berlin: Mosse, Esperanto-Fako, 1927. 48 paĝoj. (Biblioteko Tutmonda 9.)
La maljuna sonorigisto (Esperanto, 1929, p. 219-221, tr. C. Rosen)

„Ĝi unue priskribas la malgasteman nordan Siberion kaj due vive pentras popolanon. Bona traduko.“ (Georges Stroele en Esperanto, 1927, paĝo 64)

Recenzoj

Pri La Senlingvulo (dua eldono)

„ La mondo Esperantista ŝuldas varman dankon al la S.A.T.-eldonejo pro la represo de ĉi tiu traduko. Ĝi aperis unue en 1922, sed (mi kredas) ne estis vendata en Anglujo, kaj antaŭ longe elĉerpiĝis. Inter aliaj verkoj de Korolenko tradukitaj en Esperanton estas La sonĝo de Makaro, Arbaro bruas, La fantomoj, Unu momento, kaj Paska nokto ; sed certe La Senlingvulo estas la plej grava. Maria Ŝidlovskaja estas konata kiel Esperanta stilistino: ni ŝuldas al ŝi interalie La sonĝo de Makaro, La Kapitanfilino, kaj Princo Serebrjamij.

En aldonita biografio ni vidas la aŭtoron kiel homon simpatian kaj bonfaran, kies idealo estis plenumi la postulojn de la konscienco, kaj kies plej bela verko estis lia propra vivo. La verko mem temas pri la aventuroj de tri simplanimaj Rusaj vilaĝanoj, vojaĝintaj Usonon, kaj kiom ili sukcesis aŭ ne sukcesis sin adapti al la nova medio, en lando, kie ĉio estas nekonata, fremda : fremda ĉielo, fremda naturo, fremda nekomprenebla gaĵeco, fremda sunsubiro, fremda maro —kaj fremda lingvo ! Por ne difekti la plezuron de la leganto, malkaŝante la historion, ni diros nur, ke ĉi tie ni havas libron, kies legado estas vera plezuro ; egale pro la literatura valoro de la verko kaj pro la boneco de la traduko. Kiel kutime en ĉi tiu serio, komitato ĝustigis kelkajn lingvajn detaletojn : tamen la teksto restas esence la sama : plejparte (tamen ne ĉiam) la korektoj faritaj estas plibonigoj.

De lingva vidpunkto oni povas nur laŭdi la tradukon. Notindaj esprimoj : brubolis la oceano ; rigardi el post nubo; soni de post monto ; tio kaj jeno (this and that) ; porĉiamaj amikoj ; ĝisteraj salutoj[...] ”

— La Brita Esperantisto - Numero 419, Marto (1940)