William Percy Merrick

William Percy MERRICK (prononco laŭ sistemo IFA wˈɪljəm pˈɜːsi mˈɛɹɪk, naskiĝis la 2-an de novembro 1868 en Shepperton, urbeto en la tradicia graflando Surrey en suda Anglio, mortis la 7-an de novembro 1956) estis angla blindulo kaj esperantisto, kiu kolektis tradiciaĵojn. Li esperantistiĝis en 1903 kaj aktive propagandis favore al Esperanto inter blinduloj. Kasisto de la blindula gazeto Esperanta Ligilo.

Verkoj

• A Blind Esperantist's trip to Finland and Sweden to attend the Fourthenth International Esperanto Congress. Eld. Esperanta-grupo de Hastings, Hastings, 1923

„ Kvankam blindulo ne vidas pejzaĝan belecon, li povas plene ĝui vojaĝadojn precipe en Esperantujo, kie li ĉiam sin trovas inter bonkoraj amikoj, de kiuj li lernas multon pri la homa vivo tute ne kompreneblan al li dum li restas hejme. La enmiksado kun samideanaj viduloj kaj samsortanoj, la novaj temoj priparolitaj, la malsamaj vidpunktoj rekontataj, eĉ la gusto de la aero, kiun li spiras kaj la sonoj, kiujn li aŭdas en fremda lando faras al blindulo impresojn, kiuj plivastigas liajn simpatiojn kaj plenigas lian memoron por daŭra reĝuo dum horoj de izoleco. Kiu komprenas la anglan lingvon ne preterlasu peti tiun tre agrable verkitan broŝuron. ” — Belga Esperantisto n. 101-102 (jul-aŭg 1923)