Socialisma kaj Demokratia Unuiĝo de la Rezistado (Francio)

La Socialisma kaj Demokratia Unuiĝo de la Rezistado (france "Union démocratique et socialiste de la Résistance" aŭ UDSR), estis franca politika movado de la kvara Franca Respubliko, fondita la 25-an de junio 1945 kaj kies ĉefaj personoj estis Eugène Claudius-Petit, François Mitterrand kaj René Pleven.

Socialisma kaj Demokratia Unuiĝo de la Rezistado
Union démocratique et socialiste de la Résistance
partio
Lando	Francio
Eksaj estroj	René Pleven, François Mitterrand
Fondiĝo	1945
Dissolvo	1964
Ideologio	Socialismo, Socialliberalismo

Kelkfoje lokita en la centro, la UDSR estas konsiderita per freŝdata historia esploro kiel aŭtenta provo de nemarksisma liberala socialismo. Ĝi apartenis al la organizaĵoj, kiuj fondis la Liberalan Internacion.

Historio

Origino

Okaze de la franca rezistado en la dua mondmilito, iuj rezistantoj kiaj Pierre Brossolette kaj Jean Moulin konsideris la kreon de unika partio devenanta de la Rezistado, por anstataŭi la malnovajn politikajn partiojn. Tiu projekto, kiu verŝajne havis konsenton de generalo De Gaulle, estis forlasita post la morto de tiuj viroj, kaj la graveco akirita de la Franca Komunista Partio (PCF).

Bibliografio

• france Éric Duhamel, L'UDSR ou la genèse de François Mitterrand, antaŭparolo de Hubert Védrine, kolektivo "Histoire", eldoninto "CNRS éditions", Parizo, 2007, (ISBN 2-271-06503-2)
• france Éric Duhamel, L'UDSR un parti charnière, revuo " Pouvoirs"[1] Arkivigite je 2022-06-18 per la retarkivo Wayback Machine

La arkivoj de la Socialisma kaj Demokratia Unuiĝo de la Rezistado estas konservitaj en la nacia arkivejo.