Saul Friedländer

Saul Friedländer (hebree שאול פרידלנדר, naskiĝinta la 11-an de oktobro 1932 en Prago; denaske Pavel Friedländer) estas israela historiisto kaj verkisto.

Saul Friedländer
Persona informo
Saul Friedländer
Naskiĝo	11-an de oktobro 1932 (1932-10-11) (92-jaraĝa) en Prago
Lingvoj	franca vd
Ŝtataneco	Usono Aŭstrio Israelo Francio Germanio vd
Alma mater	Universitato de Ĝenevo Liceo Henri-IV vd
Profesio
Okupo	verkisto historiisto universitata instruisto vd
Honorigoj Honorigoj (2021)  Premio Balzan (2014)  Dan David Prize (en) (2008)  Premio Pulitzer por Ĝenerala Nefikcio (2007)  Leipzig Book Fair Prize/Non-Fiction (en) (2007)  Pacpremio de la germana librokomerco (1999)  MacArthur Fellows Program (en) (1998)  Premio Gefratoj Scholl (1983)  Premio Israelo (1980)  Andreas Gryphius premio vd
Membrecoj Membrecoj Usona Akademio de Artoj kaj Sciencoj vd
vd	Fonto: Vikidatumoj

Saul Friedländer naskiĝis en Prago, en burĝa familio de juda origino. Li estas agnoskita specialisto pri la historio de la persekutoj suferitaj de la judoj dum la Naziismo. Li mem pasigis sian infanaĝon (de 1942 ĝis 1944) kaŝante sin de la nazioj en katolika lerneja internulejo en la vilaĝo Montfalcon apud Vichy. Liaj gepatroj ne havis la saman sorton, ĉar ili estis arestitaj kiam ili provis forlasi Francion al Svislando kaj poste deportitaj al Auschwitz, kie ili estis murditaj.

Li instruis en la Instituto de altaj studoj internaciaj en Ĝenevo, en la Hebrea Universitato de Jerusalemo kaj en la Tel-Aviva Universitato, kaj, ekde 1988, en la Universitato de Kalifornio, Los-Anĝeleso.

Elstaras en lia bibliografio la monumenta La Tria Regno kaj la Judoj, kiu en du volumoj ("La jaroj de persekutado, 1933-1939", kiu aperis en la angla en 1997, kaj La jaroj de ekstermado", 1939-1945, aperinta dek jarojn poste) rakontas detale la persekutojn, deportadojn kaj ekstermon, al kiuj la Hitler-reĝimo, unue en Germanio kaj poste en preskaŭ la tuta eŭropa kontinento, submetis la judojn.

Al grandega dokumenta laboro, kiu kolektas grandegan kvanton da atestoj de viktimoj, ekzekutistoj kaj aliaj tiamaj protagonistoj, Friedländer aldonas sian analizkapablon por klarigi, kiuj estis la kaŭzoj de la holokaŭsto, kiajn gvidliniojn sekvis la nazioj kaj kiel ili plenumis sian kontraŭjudan politikon, kia estis la rolo de la Katolika Eklezio kaj la Sankta Seĝo kaj la registaroj de la cetera Eŭropo, kaj kiel la judoj mem travivis la persekuton kaj genocidon de la judoj, al kiuj ili estis submetitaj. Li honoriĝis per la premio Friedenspreis des Deutschen Buchhandels en oktobro 2007, kaj al la libro La Jaroj de Ekstermado estis aljuĝita la Premio Pulitzer en 2008.

Pli lastatempa libro estas Kafka, poeto de honto, bazita sur lia historia kaj kultura scio pri lia naskiĝurbo, Prago.

Literaturo

• David Dambitsch: Innen und Außen - Der Historiker Saul Friedländer. Aŭdlibro, etikedo: SMD NEO-SD, ASIN: B003ASV3Y6

Eksteraj ligiloj

• Informoj pri Saul Friedländer en katalogo de la Germana Nacia Biblioteko (germane)
• laŭdaj informoj pri li okaze de ricevo de la premio Friedenspreis des Deutschen Buchhandels en 2007, arkivigita en oktobro 2011 (germane)
• Brandstifter Hitler. Intervjuo de mrto 2007 kun historiisto Saul Friedländer pri sia granda verkaĵo pri la juda genocido de Nazia Germanio, arkivigita en januaro 2008 (germane)
• Das verhängnisvolle Stillhalten des Vatikans. Artikel über die Neuauflage von Friedländers Stude Pius XII. und das Dritte Reich.
• „Friedlander wins for his book 'The Years of Extermination: Nazi Germany and the Jews, 1939-1945'“
• Verkaro de Saul Friedländer.