Preĝejo Sankta Jozefo (Malgranda Kvartalo)
La Kirko Sankta Jozefo (ĉeĥe kostel Sv. Josefa) en la urbokerno de Prago, Ĉeĥio, apartenis al la iama Karmelana monaĥinejo. Konstruita en la jaroj 1686-1692; ĝia masiva, impone konceptita frontmuro estas ornamita per skulptaĵoj de M. Jäckl el la jaro 1691. La aliĝintaj barok-stilaj konstruaĵoj de la estinta monaĥinejo devenas el la 17-a jarcento; nuntempe oni adaptis ilin al la bezonoj de la Ministerio de financoj. Al la monaĥinejo apartenis granda ĝardeno, fondita en la dua duono de la 17-a jarcento (hodiaŭ "Vojanovy sady"). La enirejo troviĝas en la strato "U lužického semináře" kontraŭ la domo n-ro 110/40. Tiu ĉi parko estas unu el la plej belaj en la Malgranda urbo. Sur ĝia loko staris siatempe palaco de la episkopoj de Prago; dum la konstruo de la nova minister-iejo en la jaro 1928 oni malkovris ĝiajn malfruromanikajn postrestojn, kiuj estas konservitaj en la kelaro de la nov-konstruaĵo. Unu restaĵo de tiu granda, unue romanika, poste gotika komplekso, estas turo en la korto de la domo en la strato "Mostecká ulice".
| Preĝejo Sankta Jozefo | |||
|---|---|---|---|
 | |||
kristana preĝejo 
| |||
| Bazaj datoj | |||
| Konstrustilo | baroka arkitekturo vd | ||
| Lando | Ĉeĥio vd
| ||
| Situo | Prago | ||
| Adreso | Josefská 4, Praha 1-Malá Strana | ||
| Situanta sur | Josefská | ||
| Situo | |||
| Geografia situo | 50° 5′ 18″ N, 14° 24′ 23″ O (mapo)50.088314.4064Koordinatoj: 50° 5′ 18″ N, 14° 24′ 23″ O (mapo) | ||
| |||
 Preĝejo Sankta Jozefo | |||
| Parto de | Carmelite convent in Malá Strana (en)  vd
| ||
