Pilgrimado
Pilgrimado estas tradicia vojaĝo por viziti difinitajn religiajn pilgrimlokojn. Persono, kiu pilgrimas estas nomita pilgrimanto aŭ pilgrimulo. Ekzistas pluraj formoj de pilgrimado, religiaj kaj nereligiaj. Eĉ antaŭ la grandaj religioj, kiujn ni konas hodiaŭ (la katolika, islama, hindua kaj budhisma) ekzistis jam pilgrimadoj al sanktaj ejoj.
Pilgrimejoj en diversaj epokoj kaj kulturoj
redaktiAntikva epoko
redaktiMultaj maljunaj religioj havas sanktajn ejojn, kien pilgrimadoj estas faritaj.
- Karnak, Egiptio.
- Thebes, Egiptio.
- Kurukshetra, Barato
- Delphi, Grekio. Oraklo.
- Dodona, Epirus, Grekio. Oraklo.
- Ephesus, Templo de Diana.
- Baalbek, Libano.
Hinduoj ne estas devigitaj pilgrimi dum sia vivo, sed tamen ekzistas multaj hinduaj pilgrimejoj:
- Kedarnath
- Gangotri
- Yamunotri
- Rishikesh
- Haridwar
- Benares
- Mandher Devi templo en Mandhradevi
- Vrindavan
- Mayapur
- Udupi
- Kateel
- Talapady
- Tirupati
- Palani Murugan Templo
- Jakoba vojo al Santiago-de-Kompostelo
- Al Romo
- Lourdes
- Caravaca de la Cruz
- Monaĥejo de Sankta Toribio de Liébana
- Tro Breizh (rondirado al urboj kaj katedraloj de la sep sanktuloj fondintaj Bretonujon
- Ĵemajta Kalvario en Litovio
La Bahaa Pilgrimado kutime konsistas el vizitoj al la Sanktejoj en la israelaj urboj de Ĥajfo kaj Akko ( 'Akká) kaj ties ĉirkaŭaĵo. Nuntempe la bahaanoj ne povas viziti la aliajn lokojn, kiuj estas difinitaj al ili kiel pilgrimceloj.
Bahá'u'lláh dekretis en sia Kitáb-i-Aqdas (versoj 32/133, respondoj 25/29/32 kaj notoj 54/55/154 [1]) la "Pilgrimadon" al du lokoj :
- La Domo de Bahá'u'lláh en Bagdado (Baghdád), Irako ( 'Iráq).
- La Domo de la Báb en Ŝirazo (Shíráz), Irano (Irán)
En du apartaj epistoloj, konataj kiel Súriy-i-Ḥajj (la Surao de la Pilgrimado), li preskribis specifajn ritojn por ĉiu el tiuj pilgrimoj. La Pilgrimado estas deviga por virbahaano kaj libera por bahaanino, "se iu havas monon kaj kapablon por plenumi ĝin, kaj se neniu obstaklo baras la vojon". Bahaanoj povas libervole elekti inter la du domoj, ĉar sufiĉas pilgrimi al unu el la du por plenumi la riton.
Poste 'Abdu'l-Bahá indikis la Maŭzoleon de Bahá'u'lláh en Bahjí, kiu estas la Kiblo (Qiblih) por la bahaanoj, kiel vizitlokon. Neniu rito estas preskribita por tiu vizito.
La indikitaj pilgrimejoj aktuale ne estas alireblaj de la plimulto de la bahaanoj, ĉar ili situas respektive en Irako kaj Irano. Kiam nuntempaj bahaanoj kutime parolas pri la Pilgrimado, ili aludas al la "Naŭtaga Pilgrimado", kiu okazas al la Bahaa Mondcentro en la israelaj urboj de Ĥajfo kaj Akko. La "Naŭtaga Pilgrimado" ne anstataŭas la pilgrimon al la lokoj indikitaj en la Kitáb-i-Aqdas kiel pilgrimceloj. Kiam la cirkonstancoj tion permesos ili en la estonteco pilgrimos al la "Domo de la Báb" kaj al la "Domo de Bahá'u'lláh".
Japana pilgrimado
redaktiSur la insulo Shikoku ekzistas malnova pilgrimvojo, laŭ kiu la pilgrimuloj piediiras tra la insulo por viziti 88 sanktejojn.
Modernaj pilgrimadoj
redaktiKelkaj pilgrimadoj estas ankoraŭ nun farataj ĉirkaŭ la mondo: Santiago de Compostela, la Haĝo kaj la pilgrimado al Monto Kailash.
En la nuntempa epoko, la vortoj pilgrimanto kaj pilgrimado estas uzataj por nereligiaj aferoj. Ekzemple, adorantoj de Elvis Presley devus pilgrimi ĝis ties domo, Graceland. Same, oni povas priskribi Venecion kaj Bjalistokon kiel pilgrimejon por amantoj.