Peter Glover Forster
Peter Glover FORSTER (naskiĝis en 1944, mortis la 10-an de januaro 2003) estis brita sociologo, konata precipe pro la disertacio The Esperanto Movement ("La Esperanto-Movado", aperinta en 1982), en kiu li superrigardis la historion de la organizita Movado, okupiĝis pri ideologiaj kaj teoriaj demandoj kaj precipe prezentis siajn esplorojn pri la esperantistoj en Britio. Plurajn semajnojn li estis konsultinta la Bibliotekon Hector Hodler de UEA. Post la doktoriĝo en 1977 Forster akceptis funkciojn en Afriko, interalie en la universitato de Malavio. Li edzinigis afrikaninon kaj patris tri infanojn. Pro sia instrufunkcio interalie en la universitato de Hull (Britio) kaj pro la familio li ne havis multe da tempo por Esperanto, sed fariĝis membro de la studgrupo "Perspektivo" kaj funkciis kiel ĝia prezidanto de 1996 ĝis 2001.
| Peter Glover Forster | |
|---|---|
| Persona informo | |
| Naskiĝo | 1944 |
| Morto | 10-an de januaro 2003 |
| Lingvoj | Esperanto |
| Ŝtataneco | Unuiĝinta Reĝlando (Britio) 
|
| Okupo | |
| Okupo | esperantisto
|
(Tiu ĉi nekrologo estas prenita el revuo Esperanto.)