Pegedoj

Pegedoj (Picidae) estas familio de birdoj en la ordo pegoformaj.

Kiel legi la taksonomion

Pegedoj

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birda klaso Aves
Ordo:	Pegoformaj birdoj Piciformes
Familio:	Pegedoj Picidae Vigors 1825
Genro:	Melanerpes Sevsuĉuloj, Sphyrapicus Xiphidiopicus Dendropicos Dendrokopoj,Dendrocopos Picoides Veniliornis Campethera Geocolaptes Dinopium Meiglyptes Hemicircus Micropternus Pegoj, Picus Mulleripicus Driokopoj, Dryocopus Celeus Piculus Colaptes Kampefiloj, Campephilus Chrysocolaptes Reinwardtipicus Blythipicus Gecinulus Sapheopipo

Aliaj Vikimediaj projektoj

Sistematiko en Vikispecioj

Komunejo pri Pegedoj

v • d • r

Tiuj birdoj surgrimpas la trunkojn kaj branĉojn de la arboj. Ili nutras sin per la insektoj trovitaj en la putrinta ligno, la arbŝeloj aŭ surtere. Tiucele ili frapas sur ligno por ke la bruo elirigu la insektojn el siaj truoj, kaj tiam povi kapti ilin. Multaj virbirdoj havas ruĝan makulon surkape aŭ surventre. Ondiĝanta flugmaniero. Pleje el inter la specioj "tamburas" ĉe printempo: elektinte sekan trunkon, ili frapadas la lignon per la beko rapide kaj multfojsinsekve, tio eligas bruon, kiu sonoras plimalpli, ĝismalproksime aŭdeblas kaj rolas kiel ties kanto.

Taksonoj

Oni distingas 216 aŭ 218 speciojn en tri subfamilioj

Koltorduloj, Jynginae
- Eŭrazia koltordulo Jynx torquilla
- Ruĝgorĝa koltordulo Jynx ruficollis
Pikumnoj aŭ Rondvostaj pegoj, Picumninae aŭ Pikumnenoj (artikolo kun kompleta taksonomio)
- Blankastria pikumno, Picumnus cirratus
- Teminka pikumno, Picumnus temminckii
Picinae aŭ Pegenoj (artikolo kun kompleta taksonomio)
- Picus
  - Vermiljona pego, Picus mineaceus
  - Malgranda flavnukulo, Picus chlorolophus
  - Verda pego Picus viridis
  - Griza pego Picus canus
  - Flavnuka verdpego Picus flavinucha
  - Japana verdpego Picus awokera
  - Vaijanta pego, Picus vaillantii
  - Nigrakapa verdpego, Picus erythropygius
- Dendrokopoj kaj aliaj Buntpegoj
  - Granda buntpego Dendrocopos major
  - Siria buntpego, Dendrocopos syriacus
  - Mezgranda buntpego Dendrocopos medius
  - Malgranda buntpego Dendrocopos minor aŭ Picoides minor
  - Blankdorsa buntpego Dendrocopos leucotos
  - Trifingra buntpego Picoides tridactylus
  - Strivizaĝa buntpego Picoides pubescens
  - Amerika trifingra buntpego, Picoides dorsalis
  - Hararpego, Picoides villosus
  - Blankkapa buntpego, Picoides albolarvatus
- Driokopoj
  - Strivizaĝa nigropego, Dryocopus lineatus, kiu montras blankan strion sur vizaĝo.
  - Blankvizaĝa nigropego, Dryocopus pileatus, kiu montras blankajn zonojn sur vizaĝo.
  - Blankventra nigropego, Dryocopus javensis.
  - Nigra pego Dryocopus martius
  - Eburbeka pego Campephilus principalis

Aparte oni klasas nuntempe la ununura specion de Nesoctitinae, Nesoktinenoj aŭ Antila pikumno.

Anekdoto montras ilian inteligentecon: la verkisto Elian-J. Finbert vidis en Cabris (en la franca departemento Alpes-Maritimes) pegon, kiu estis trovinta la taŭgan manieron malfermi la malmolegan ŝelon de migdaloj, fiksinte ilin inter du ŝtonoj, kiel en ŝraŭbtenilo, ĝi estis trovinta la oportunan flankon kaj la ĝustan manieron laŭ kiuj ĝi devis bati la ŝelon por ĝin frakasi por povi eltiri la manĝeblan migdalon.

En Esperanto

Marjorie Boulton kolektas tradician popolrakonton el Rumanio pri la mita deveno de pegoj. Laŭ tiu, Dio volis puni scivolemon de longnaza maljunulino kaj donis al ŝi sakon plenplena de zumantaj insektoj, vespoj, kuloj ktp., kun rekomendo nemalfermi ĝin, sed tion ŝi ne kapablis, malfermis la sakon kaj la tuta insektaro fuĝis; ŝi klopodis remeti ili en la sakon, sed tio tute maleblis. Do, Dio konvertis ŝin en pego, kiu ankoraŭ serĉas insektojn tra la arbotrunkoj.^[1]