Olivetti

Ing. C. Olivetti & C., S.p.A. – "prima fabbrica nazionale di macchine per scrivere" (unua nacia fabriko de skribmaŝinoj) – estis fondita de Camillo Olivetti la 29-an de oktobro 1908 en Ivrea (Italio). Ĝi havis 20 dungitojn kaj produktejon de 500 m². La semajna produktokvanto estis proks. 20 maŝinoj. La unua tajpilo de la kompanio, la M1, estis prezentita dum la Universala Foiro en Torino en 1911.

Olivetti
Olivetti
negoco • entrepreno • firmao pri teknologio vd
Dum	1908 - nekonata/nuntempe
Jura formo	S.p.A.
Fondintoj	Camillo Olivetti vd
Sidejo	Ivrea (Italio)
Lando	Italio
Estr(ar)o	Francesco Forlenza, Patrizia Greco
Dungitoj	479 (2017)
Spezosumo	227 milionoj da eŭroj (2017)
Agokampo	Informadiko
	aparataro • tajpilo • informa teknologio
Posedata de	TIM Group vd
Posedataj kompanioj	Olivetti Exhibition centre in Venice, Italy • Olivetti Synthesis vd
TTT	www.olivetti.it

Unua fabriko el 1908 de la firmao

Ĉefkonstruaĵo de la firmao

Manĝejo de la firmao

La interno de la Divisumma 24 (elektro-mekanika kalkulilo)

En la komenco la konzerno fabrikis nur kontormaŝinojn; hodiaŭ ĝi estas pliampleksigita per pluraj kompanioj kaj fabrikas multajn produktojn. Konataj produktoj estis i.a. la Divisumma (elektromekanika kalkulilo), la Audit (librotena maŝino) kaj ankaŭ la mekanikaj tajpiloj kiel Lexicon 80 kaj Linea 98. Post la jaro 1970 oni transiris al elektronikaj aparatoj kiel P101, Auditronic A770, A7 kaj TC800. La unua persona komputilo, la M20, estis farita en 1982. La plej gravaj sekcioj nun estas telekomunikado kaj komputiko.

Fasonmejloŝtonoj

• 
  Olivetti M40; fasono Camillo Olivetti
• 
  Olivetti MP1 Ico el 1932 (konstruktisto: Riccardo Levi; fasono: Aldo Magnelli)
• 
  Studio 42 el 1935, Fasono: Xanti Schawinsky kun Büro Figini & Pollini
• 
  Sumigilo Summa 15 el 1949, fasono Marcello Nizzoli
• 
  Lettera 22 el 1950, fasono Marcello Nizzoli
• 
  Kalkulilo MC 24 el 1956, fasono Marcello Nizzoli
• 
  Komputilo Programma 101 el 1965, fasono Mario Bellini
• 
  Komputilo Programma 203 el 1967, fasono Marcello Nizzoli
• 
  Summa 19 von 1969, fasono Ettore Sottsass kaj Hans von Klier
• 
  Kofrotajpilo „Valentine“, el 1969 de Ettore Sottsass
• 
  Kalkulilo Logos 58, el 1972, fasono Mario Bellini
• 
  Komputilo P6060 el 1976
• 
  Tekokomputilo Echos 44, el 1993, fasono Michele De Lucchi
• 
  Komputilo BCS (Business Computer Systems) 2035 System el 1978.

Vidu ankaŭ

• Marcello Nizzoli
• Ettore Sottsass
• Mario Bellini
• Underwood

Eksteraj ligiloj

• Virtuala muzeo
• Oficiala retejo de Olivetti
• Historio de Olivetti (i.a. A770)
• Olivetti maŝinoj Arkivigite je 2021-05-18 per la retarkivo Wayback Machine
• Olivetti Spiegel Online Arkivigite je 2016-05-03 per la retarkivo Wayback Machine
• Teknika priskribo de la Olivetti Programma 101 kun fotogalerio (angle), de Alfredo Logioia.