Oldenburga dinastio

La Oldenburga dinastio (germane Haus Oldenburg) devenas de malnova nordgermana nobela dinastio kun originoj en la regiono norde de Osnabrück. Ĝia plej unua certe dokumentita ano estis Egilmar la 1-a en 1091. La nomdona kastelo Burg Aldenburg en la urbo Oldenburg situis ĉe la rivero Hunte, unuafoje menciita en 1108 kaj estis ekde la meza 12-a jarcento rezidejo de la grafoj de Oldenburg(i)o.

Oldenburga dinastio
Dinastio
Blazono
dinastio
Dinastiaj rilatoj
Fondinto	Egilmar la 1-a de Oldenburgio vd
Branĉoj	dinastio Holstein-Gottorp vd
vd	Fonto: Vikidatumoj

Blazono de la grandduka dinastio Oldenburg

Blazono de la duka dinastio Schleswig-Holstein-Sonderburg-Glücksburg, branĉa linio de la dinastio Oldenburg

La oldenburga dinastio regis unue kiel grafoj de Oldenburgio, poste kun siaj branĉaj linioj kiel reĝoj en pluraj eŭropaj landoj, interalie Grekio kaj Rusio, kaj en Danio kaj Norvegio eĉ ĝis hodiaŭ.

La oldenburga dinastio akiris eŭropan gravecon kiam en 1448 la oldenburga grafo Kristiano estis elektita kiel reĝo Kristiano la 1-a de Danio, Norvegio kaj Svedio.

Post li la dinastio dividiĝis en plurajn branĉojn.

La plej gravaj branĉoj

• Oldenburg (origine grafa linio, ekde 1448 reĝoj de Danio, formortis 1863)
  • Oldenburg (grafa linio ekde 1448, formortis 1667)
  • Schleswig-Holstein-Gottorp (ekde 1544 dukoj de Ŝlesvigo-Holstinio)
    • Romanov-Holstein-Gottorp (fondita per Karl Peter Ulrich, kiu fariĝis rusa caro Petro la 3-a)
    • Holstein-Gottorp, pli aĝa linio (1751-1818 reĝoj de Svedio, formortis 1818)
    • Holstein-Gottorp, pli juna linio (1773-1918 dukoj de Oldenburgio)
  • Schleswig-Holstein-Hadersleben (1544-1580)
  • Schleswig-Holstein-Sonderburg, kun multaj pliaj branĉaj linioj, i.a.
    • Schleswig-Holstein-Sonderburg-Glücksburg pli juna linio, dukoj de Schleswig-Holstein-Sonderburg-Glücksburg (1825–1918), reĝoj de Danio (ekde 1863), Grekio (1863–1924 kaj 1935-1974) kaj Norvegio (ekde 1905)

Gravaj dinastianoj

Oldenburg (origine grafa linio)

Reĝoj de Danio-Norvegio

Reĝoj de Danio-Norvegio ekde 1448. La unuaj tri (ĝi Kristiano la 2-a) estis ankaŭ reĝoj de Svedio. La unio Danio-Norvegio daŭris ĝis 1814; ekde tiam la lastaj tri reĝoj (ĝis Frederiko la 7-a) nur estis reĝoj de Danio, ne plu de Norvegio.

Nomo	Jaroj	Rimarkoj
Kristiano la 1-a	1448 - 1481	reĝo de Danio, Norvegio, kaj Svedio
Johano la 1-a, Hans	1481 - 1513	reĝo de Danio, Norvegio, kaj Svedio
Kristiano la 2-a	1513 - 1523	reĝo de Danio, Norvegio, kaj Svedio
Frederiko la 1-a	1523 - 1533	reĝo de Danio kaj Norvegio
Kristiano la 3-a	1534 - 1559	reĝo de Danio kaj Norvegio
Frederiko la 2-a	1559 - 1588	reĝo de Danio kaj Norvegio
Kristiano la 4-a	1588 - 1648	reĝo de Danio kaj Norvegio
Frederiko la 3-a	1648 - 1670	reĝo de Danio kaj Norvegio
Kristiano la 5-a	1670 - 1699	reĝo de Danio kaj Norvegio
Frederiko la 4-a	1699 - 1730	reĝo de Danio kaj Norvegio
Kristiano la 6-a	1730 - 1746	reĝo de Danio kaj Norvegio
Frederiko la 5-a	1746 - 1766	reĝo de Danio kaj Norvegio
Kristiano la 7-a	1766 - 1808	reĝo de Danio kaj Norvegio
Frederiko la 6-a	1808 - 1839	reĝo de Danio kaj (ĝis 1814) ankaŭ de Norvegio
Kristiano la 8-a, Kristiano Frederiko	1839 - 1848	reĝo de Danio kaj (en 1814 mallongtempe) ankaŭ Norvegio
Frederiko la 7-a	1848 - 1863	reĝo de Danio

Romanov-Holstein-Gottorp

Caroj de Rusio

Fondita per Karl Peter Ulrich, kiu fariĝis rusa caro Petro la 3-a.

• Petro la 3-a
• Katerina la 2-a
• Paŭlo la 1-a
• Aleksandro la 1-a
• Nikolao la 1-a
• Aleksandro la 2-a
• Aleksandro la 3-a
• Nikolao la 2-a

Holstein-Gottorp

Reĝoj de Svedio

Holstein-Gottorp, pli aĝa linio (1751-1818 reĝoj de Svedio, formortis 1818)

Nomo	Jaroj	Rimarkoj
Adolfo Frederiko	1751–1771
Gustavo la 3-a	1771–1792	murdita dum maskobalo
Gustavo la 4-a Adolfo	1792–1809
Karolo la 13-a	1809–1818	Ekde 1814 unio Svedio-Norvegio. Lasta reĝo de dinastio Holstein-Gottorp

Schleswig-Holstein-Sonderburg-Glücksburg

Al la Schleswig-Holstein-Sonderburg-Glücksburg pli juna linio, mallonge nomata dinastio Glücksburg, apartenis la dukoj de Schleswig-Holstein-Sonderburg-Glücksburg (1825–1918), kaj la reĝoj de Danio (ekde 1863), Grekio (1863–1924 kaj 1935-1974) kaj Norvegio (ekde 1905).

Vidu ankaŭ: Schleswig-Holstein-Sonderburg-Glücksburg