Motril

Motril estas komunumo en la hispana provinco Granada en la regiono Andaluzio kun areo de 109 km². En 2005 Motril havis 58 020 loĝantojn (INE, 2019). Ĝi estas apud la Mediteranea Maro, kaj apartenas al la marborda komarko Costa Tropical. La municipa teritorio estas la plej suda de la provinco kaj enhavas la kernojn Motril, El Varadero, Carchuna, Calahonda, Puntalón, Playa Granada, Las Ventillas, La Perla, La Garnatilla, Los Tablones kaj La Chucha.

Motril
municipo en Hispanio vd
Flago	Blazono
Administrado
Ĝemelurboj Melilo Agounit (en) Marple (en) Villa General San Martín (en) Smoljan vd
Poŝtkodo	18600
En TTT	Oficiala retejo [ ]
Demografio
Loĝantaro	58 939  (2023) [ ]
Loĝdenso	537 loĝ./km²
Geografio
Geografia situo	36° 45′ N, 3° 31′ U (mapo)36.745277777778-3.5205555555556 [ ]
Alto	45 m [ ]
Areo	109,77 km² (10 977 ha) [ ]
Horzono	UTC 01:00 [ ]
Motril (Provinco Granado) DEC Situo de Motril
Motril (Hispanio) DEC Situo de Motril
Alia projekto
Vikimedia Komunejo Motril [ ]

Municipa teritorio de Motril en la provinco Granado.

Ĝenerala panoramo de Motril en la 21a jarcento.

Geografio

La municipa teritorio de Motril limas kun tiuj de Salobreña, Vélez de Benaudalla, Lújar, Torrenueva Costa kaj Gualchos-Castell de Ferro. Inter Motril kaj Salobreña estas la elfluejo de la rivero Guadalfeo.

La ĉefaj kultivoj estas de ĉerimolio kaj avokado (oni produktas ankaŭ mangon, gujavon, bananon kaj aliajn tropikajn fruktojn) same kiel kultivoj en forcejo (tomato kaj kukumo) kaj la sukerkano (kvankam en 2006 okazis la lastaj rikolto kaj produktado de sukero, ĉar oni fermis la fabrikon. Tamen restas plantejoj por propra konsumo en la Vega de Motril. Motril estas la elirejo al la maro de la provinco Granado. La geografia situo faras ĝin centro kaj industria kaj komerca (fabrikado de papero). La Haveno de Motril estas siavice komerca kaj fiŝkapta haveno. Estas ankaŭ sporta haveno (Real Club Náutico de Motril) kiel distra haveno.

La koordinatoj estas jenaj: (36° 45′ N; 03° 31′ U ^Mapo).

Historio

Estis restoj de fenicoj kaj romianoj. En la 10a jarcento jam estis kultivo de sukerkano fare de araboj.

Estas nun kvar muzeoj: pri industrio de sukerkano, pri fabriko de sukero, pri historio kaj Centro de Arte José Hernández Quero.

Reĝo Baldueno de Belgio havis somerloĝejon en Motril kaj mortis tie je la 31-a de julio 1993.

Eksteraj ligiloj

• Motril rete
• Komunuma retejo
• Virtuala marŝo laŭlonge Motril