Laborista Esperanto-Asocio

Laboristaj Esperanto-Asocioj estas asocioj, kiuj propagandas Esperanton en laborista medio.

Post la fondiĝo de SAT kelkaj el tiuj asocioj akceptis kunlaboron kun ĝi, fiksita en la kadro de la Gotenburga Konvencio, akceptita ĉe la 8-a SAT Kongreso en 1928.

Nunaj LEAoj ligitaj al SAT

Ili funkcias laŭ la Gotenburga konvencio kaj celas:

• informi pri Esperanto kaj instrui la lingvon en progresemaj medioj
• varbi tiujn progresemulojn al SAT
  • Sennacieca Asocio Tutmonda en Britio (SATEB) [1] Arkivigite je 2004-12-08 per la retarkivo Wayback Machine
  • Libera Esperanto-Asocio por germanlingvaj regionoj (LEA/G) libera esperanto-asocio
  • SAT en Hispanio (SATeH)
  • SAT-Amikaro
  • Sveda Laborista Esperanto-Asocio (SLEA)
  • Popola Rusia Esperanto-Movado
  • Itala Laborista Esperanto-Asocio (iLEA)

Amikaj asocioj de SAT

• Progresema Esperanto-Forumo (nederlandlingva regiono)

Historiaj LEAoj

• Bulgara Laborista Esperanto Asocio
• Fédération Espérantiste Ouvrière
• Federacio de Laboristaj Esperantistoj (aktiva inter 1911 kaj 1994 en Nederlandlingvio)
• Sovetrespublikara Esperantista Unio (aktiva de 1921 ĝis la stalinisma "Granda purigo" fine de la 1930-aj jaroj)
• Aŭstria Socialista Ligo Esperantista (ASLE)

Publikigaĵoj

• LEA-Kantaro, kolekto de proletaj, batalaj, liberpensulaj kaj popolaj kantoj.

„ Se oni volas traduki au originale verki versaĵojn, oni almenaŭ scipovu la regulojn de versfarado kaj la gramatikon de nia lingvo! Mi nur mencias la plej gravajn erarojn. Precipe la akuzativon je la versfino la tradukintoj oftege ne atentas (komp. pĝ. 14, 16, 27f. 72), same ili intermiksas „por ke“ kun imperativo kaj „por“ kun infinitivo (20, 24, 38). Kelkajn esprimojn (17 mondorado, 28 ĝemero) oni eĉ ne komprenas. La ritmo de la poeziaĵoj kutime estas belsona (ne ĉiam, komp. pĝ. 15 „sonas pri venĝ’ horloĝbat“), la „rekantaĵo“, kiun la tekstoj tiom ofte montras, pruvas, ke ili apartenas al la politika kaj radikala poezio. Pli modernan stilon mi rimarkis en Vaŝavjanka; laŭ historia vidpunkto interesas la kanto el la milito de 1625. La tendencon de la tuta verko mi eble plej bone esprimus per la vortoj de Hagen (ĉe Geibel) Mensoga estas amo kaj vera nur malam’! Sed laŭ mia opinio ne la spirito de Hagen, sed tiu de nova Siegfried sanigas la mondon. ” — D-ro fil. Wolfgang Biehler, Aŭstria Esperantisto n080 (okt 1931)

Eksteraj ligiloj

• Gotenburga konvencio