La tri muskedistoj

La tri muskedistoj, antikve ankaŭ La tri musketeroj' (france Les Trois Mousquetaires, [le trŭa musketer]) estas mondfama romano de la franca verkisto Alexandre Dumas (patro), origine eldonita laŭ ĉapitroj ekde 1844. Ĝi estas la unua parto de trilogio (kun Vingt Ans après, trad. Dudek Jaroj poste, kaj Le Vicomte de Bragelonne, trad. La Vicgrafo de Bragelonne) pri d’Artagnan kaj liaj tri amikoj Athos, Porthos kaj Aramis.

Les trois mousquetaires
literatura verko
Aŭtoroj
Aŭtoro	Alexandre Dumas (patro)
Lingvoj
Lingvo	franca lingvo
Eldonado
Eldondato	1844
Ĝenro	serie eldonita fikcio • aventura fikcio
Loko de rakonto	Parizo • Meung-sur-Loire • Londono • Kalezo • La Rochelle • Béthune
Roluloj D'Artagnan • Athos • Porthos • Aramis • Cardinal Richelieu • Ludoviko la 13-a • Anna de Aŭstrio • George Villiers • Jean-Armand du Peyrer • Marie de Rohan, Duchess of Chevreuse • John Felton • Milady de Winter • Comte de Rochefort • Constance Bonacieux • Planchet • Grimaud • Bazin • Mousqueton • executioner of Lille • Bonacieux • Lord de Winter • Ketty • D'Artagnan's father vd

La nomo de la romano en Esperanto estas malunueca.

Jen (parta) esperantigo de 1907:

• Tri musketeroj, kvina ĉapitro de la unua volumo (Internacia Krestomatio de Kabe), rete legebla ĉi tie

Pli multaj modernaj mencioj estas tamen pri Tri musketistoj aŭ Tri muskedistoj. Muskedisto aŭ musketero estas soldato ekipita per muskedo (tiel laŭ PIV 2020, laŭ PIV 2002 kaj PV 1934) aŭ musketo (tiel laŭ PIV 1970), france mousquet [muske], pafilo kiu gravis dum la 18-a jarcento en Reĝlando Francio.

Intrigo

En aprilo de 1625 la juna gaskoniano d’Artagnan ekiras al Parizo por fariĝi membro de la "musketeroj de la gvardio". Li baldaŭ ekkverelas kun tri musketeroj Athos, Porthos kaj Aramis, sed rapide fariĝas ilia amiko.

Ĉefa kontraŭulo de la kvar amikoj estas la kardinalo Richelieu, kiu havas siajn spionojn ĉie.

Roluloj

La romanfiguroj estas libere bazitaj sur veraj historioj personoj:

• d’Artagnan → Charles d’Artagnan de Batz-Castelmore
• Aramis → Henry d’Aramitz
• Porthos → Isaac de Portau
• Athos → Armand de Sillègue d'Athos d'Autevielle
• kardinalo Richelieu
• Ludoviko XIII (tiel ĉe Kabe)
• Anno Aŭstria (tiel ĉe Kabe)

Adaptoj

La tri libroj de la trilogio estis plurfoje filmigitaj. Inter la filmigoj troveblas:

• 1959: Les trois mousquetaires de Claude Barma, televido, kun aktoro Michel Galabru
• The Musketeer (filmo) de 2001

Vidu ankaŭ

• Tri Muskedistoj (ludo)
• 14238 d'Artagnan, asteroido