Jiangnanaj subtropikaj ĉiamverdaj arbaroj
La jiangnanaj subtropikaj ĉiamverdaj arbaroj estas tersupraĵa ekoregiono el la hindoĉina ekoprovinco de la orientalisa ekozono laŭ la tipologio de la Monda Natur-Fonduso (WWF). Biome la ekoregiono apartenas al la tropikaj kaj subtropikaj humidaj foliarbaroj de Jiangnano en sudorienta Ĉinujo. La ekoregiono estas parto de tutmondaj 200-regiono, la "sudorient-ĉinaj kaj hajnanaj humidaj arbaroj".
| Jiangnanaj subtropikaj ĉiamverdaj arbaroj | ||||
|---|---|---|---|---|
| ekoregiono | ||||
 | ||||
| ekoregiono laŭ Monda Natur-Fonduso [ ] | ||||
| Koordinatoj | 25° 15′ 0″ N, 113° 15′ 0″ O (mapo)25.25113.25Koordinatoj: 25° 15′ 0″ N, 113° 15′ 0″ O (mapo) [ ] | |||
| Akvokolektejo | 662 292 km² (66 229 200 ha) [ ] | |||
| Areo | 662 292 km² (66 229 200 ha) [ ] | |||
|
||||
 |
||||
| Jiangnanaj subtropikaj ĉiamverdaj arbaroj | ||||
 Vikimedia Komunejo: Jian Nan Subtropical Evergreen Forests Ecoregion [ ] |
||||
Priskribo
redaktiLa ekoregiono kovras 663 600 kvadratajn kilometrojn. Ĝi inkludas la vastan montetan regionon kiu troviĝas sude de la malsupra jangzia baseno kaj norde de la tropikaj marbordaj ebenaĵoj de sudorienta Ĉinujo. Ĝi etendiĝas ekde la sudorienta marbordo okcidenten al junanaj kaj gŭiĝoŭaj altebenaĵoj.
La klimato estas malsevera. La precipitaĵo-modeloj estas musono-dominataj kun somerpluvo kaj varma vetero printempe. Klimataj influoj el centra Ĉinujo alportas pli da vintra precipitaĵo al tiu areo ol la sezonaj tropikaj areoj kiuj troviĝas sudokcidente. Tiu parto de Ĉinujo estas ankaŭ submetita al oftaj tajfunoj.
Flaŭro
redakti La arbaroj de Nanling-Montaro estas superregataj de kastanopsoj (Castanopsis spp.) kaj aliaj membroj de la fagacoj (Quercus spp., Cyclobalanopsis spp.), kun Schima spp., membro de la teacoj kaj diversaj laŭracoj kiel gravaj asociatoj. Tiu kombinaĵo de kverko, laŭracoj kaj Schima spp. identigas tiun arbaron kun tiuj de aliaj regionoj de montara subtropika Azio kiuj estas larĝe disvastigintaj ekde Tajvano okcidenten al piedmontetoj de nepala Himalajo. Pli sekaj kreskejoj estas dominataj de kverkoj. Arbaroj sur kalkoŝtono troviĝas sub 1 000 m kaj subtenas kvazaŭ-deciduan foliarbaron superregatan de Cyclobalanopsis glauca, Cinnamomum calcarea, Ulmus parvifolia, Bridelia fordii, kaj Celtis spp. en humidaj ejoj kaj Canthium dicoccum, Cornus fordii, kaj Sapium rotundifolium en pli sekaj ejoj kun malprofundaj grundoj.
La arbaroj de sudokcidenta Gŭangŝio estas tipaj por tiu ekoregiono. Tie ĉi la konsisto de la arbaroj vegetantaj sur grejso kaj skistargilo-montetoj estas tute diferenca de tiu de la arbaroj sur kalkoŝtono-montetoj, kvankam ambaŭ samhavas la dominantaj arbospecioj Eberhardtia aurata, Hopea chinensis kaj Saraca chinensis. Ĉar ili ne taŭgas por la terkulturo, la kalkoŝtonmontetoj subtenas la plej vastajn sezonajn arbarojn, inkluzive de endemiaj specioj kiaj Parashorea chinensis kaj aliaj membroj de la tropika familio de la dipterokarpacoj.
La subtropikaj arbaroj de la malaltaĵoj estas nuntempe preskaŭ neniigitaj. La dominantaj arbospecioj inkludas fagacojn (Castanopsis spp., Cyclobalanopsis spp., Fagus spp.), teacojn (Shima spp., Camellia spp.) kaj laŭracojn (Phoebe spp., Persea spp., Cinnamomum spp.) kaj la proktetitan Cryptocaria chinensis (laŭracoj), kies arboŝelo produktas valoran volatilan oleon.
Faŭno
redaktiPluraj protektitaj mamulospecioj kun limigitaj arealoj troviĝas en Gŭangŝio kaj en la ekoregiono. El ili estas notindaj : Presbytis leucocephalus, P. francoisi (cerkopitekedoj), kaj Naemorhedus sumatraensis (kaprenoj). Manis pentadactyla estas relative abunda la regiono.
Iuj protektataj birdoj inkludas flavabdomenan tragopanon (Tragopan caboti) kaj nigran cikonion (Ciconia nigra). Pluraj amfibioj kaj rampuloj ankaŭ estas listigitaj, inkluzive de la giganta salamandro (Megalobatrachus davidiana) kaj kelonio (Chelonia mydas).
La ekoregiono estas birdospecioriĉa. Specialaj areoj ene de la ekoregiono tipe ampleksas 400 da specioj aŭ pli. Migrantaj paseroformaj birdoj povas travintri en la subtropikaj arbaroj aŭ trairi la areon por vintrumi en tropika Sudorienta Azio. Granatoriolo (Oriolus traillii) estas specio kun limigita arealo kiu vizitas arbarigitaj deklivoflankoj somere. Riveroj kaj lagoj (nuntempe malpli ĉeestantaj) provizas per decida vintra vivejo por multaj akvobirdoj.
Vidu ankaŭ
redakti
Eksteraj ligiloj
redakti
- angle Ekoregiono IM0118 : Jiangnanaj subtropikaj ĉiamverdaj arbaroj (WWF)
- angle Jiangnanaj subtropikaj ĉiamverdaj arbaroj (WWF-Wildworld)
- angle Jiangnanaj subtropikaj ĉiamverdaj arbaroj (Wildworld) - Nacia Geografia Societo
- angle Jiangnanaj subtropikaj ĉiamverdaj arbaroj (The Encyclopedia of Earth)
- angle Jiangnanaj subtropikaj ĉiamverdaj arbaroj (Globalspecies) Arkivigite je 2016-03-06 per la retarkivo Wayback Machine
- angle Situo de la ekoregiono : tajpu Jian Nan subtropical evergreen forests
- angle Tutmondaj 200 ; numero 23 : Sudorient-ĉinaj kaj hajnanaj humidaj arbaroj (WWF) Arkivigite je 2012-10-15 per la retarkivo Wayback Machine