Januaro de 2009

Jen listo de okazaĵoj en januaro 2009.

1-a de januaro

Post malsukcesaj konsultigoj la Rusio ĉesis transferi la nafton por Ukraino pro la dungo de tiu lando (2 miliardoj dolaroj). La Ukraino limigis sian transferon de rusa nafto al aliaj landoj de centra Eŭropo.
Okaze de la kvindekjariĝo de la revolucio, la kuba prezidento Raúl Castro plenumis paroladon kontraŭ la "usona malamiko" kaj antaŭsciigis la kubanojn, ke 2009 verŝajne estos malfacila jaro.

Armeo de Israelo invadas la Gazan zonon post intensaj bombardadoj, kaŭzante 40 mortintoj inter palestinanoj kaj 1 (laŭ la israelaj aŭtoritatoj) inter israelanoj. La totala operaco kaŭzis dum 9 tagoj pli da 500 mortintoj inter palestinanoj kaj 5 mortoj inter israelanoj, krom tutmonda tajdo de kontraŭstaraj manifestacioj. La urbo Gazao estas sieĝita kaj la Gaza Sektoro dividita. La anoncita kialo estas finigi la lanĉadon de misiloj el palestina teritorio.

La nederlanda urbo Roterdamo ricevis novan urbestron per instalado de Ahmed Aboutaleb. La elekto de Aboutaleb vekis grandan publikan atenton, ĉar unuafoje granda nederlanda urbo ricevis urbestron, kiu ne estas denaska nederlandano. Aboutaleb naskiĝis en Maroko en 1961 kiel filo de imamo kaj transloĝiĝis al Nederlando kiel 15-jarulo. UEA, kiu havas sian sidejon en tiu urbo, sendis al li gratulmesaĝon.

Okazis grava tertremo en Kostariko. Mortis almenaŭ 15 homoj, kaj ankoraŭ restas multaj retrovendaj malaperintoj. Pluraj centoj da eksterlandaj turistoj estis cetere forveturitaj.

La franca prezidento Nicolas Sarkozy oficiale inaŭguris la novan malsanulejon de Strasburgo, kaj samokaze anoncis grandskalan reformon de la strukturo de ĉiuj francaj malsanulejoj dum la jaro 2009.

En Bruselo estis instalita skulptaĵo Entropa kiu montras stereotipojn pri la landoj de EU. La verko kiu oficiale reprezentas la prezidantecon de Ĉeĥio en la Konsilio elvokis internacian diskuton.
Mortis franca kinisto Claude Berri en Parizo, Francio.

Pluas la Konflikto de la Gaza Sektoro (2008-2009) en kiu la armeo de Israelo jam kaŭzis pli da 1,000 mortintojn (inter ili ĉirkaŭ la duono civiluloj, el ili ĉirkaŭ 100 virinoj kaj pli ol 300 geinfanoj), dum la milicarmeo de Hamas kaŭzis inter israelanoj 13 mortintoj (inter ili 3 civiluloj). Krome, la israelanoj bombardis, krom siajn militajn celojn, ejojn de kuracistoj, ĵurnalistoj, rifuĝintoj kaj manĝomagazenon.

Militpaŭzo en la Konflikto de la Gaza Sektoro (2008-2009). Unue la registaro de Israelo kaj poste Hamas proklamis militpaŭzon, kvankam kelkaj izolitaj konfliktoj pludaŭris. La rezulto estas pli da 1,300 mortintoj inter palestinanoj (duono civiluloj, ĉefe virinoj kaj geinfanoj) kaj 13 inter israelanoj (el ili 3 civiluloj). Oni supozas, ke la internacia komunumo helpos en la kontrolo de la landlimoj kun Egipto por eviti pason de armiloj al palestinaj organizaĵoj.

Barack Obama ricevas povon en solena ceremonio kiel la unua nigrula prezidento de Usono.

Psike malsana frenezulo pikmortigis en infanvartejo de orientflandra Dendermonde (Belgio) du infanetojn kaj ilian prizorgantinon. Pliaj dek unu infanoj kaj du plenkreskuloj estis vunditaj.

Ĉe disfalo de sporthalo en Sant Boi de Llobregat sude de Barcelono (Hispanio) dum uragano estis mortigitaj kvar infanoj kaj pliaj dek kvin estis vunditaj. Sume pro la super Hispanio furiozanta ventego jam pereis naŭ homoj.

La zurika glacihokeklubo ZSC Lions gajnis la finalon de la Ligo de la glacihokeĉampionoj kaj tiel fariĝis eŭropa glacihokeĉampiono.
En la svisa urbo Davos estis malfermita la Monda Ekonomia Forumo.

2 000 homoj organizis manifestacion en la stratoj de Antananarivo, pro alvoko de la urbestro de la madagaskara ĉefurbo. Ili celis protesti kontraŭ la rigora politiko de la prezidento Marc Ravalomanana. Pluraj ŝtonoj estis ĵetitaj direkte al ĝendarmoj.