Hepatologio

Hepatologio estas speciala temaro ene de la medicina subfako gastroenterologio, kiu traktas la fiziologion kaj malsanojn de la hepato, la gala veziko kaj la galaj kondukiloj. Ĝi ne estas memstara fako. La vorto "hepatologo" signas kuraciston unue specialiĝintan pri gastroenterologio kaj poste aparte pri la hepataj kaj ligitaj malsanoj.

Tiuj malsanoj inkluzivas

• denaskajn misformiĝojn kaj metabolajn problemojn,
• akiritajn malsanojn pro
  • inflamoj kaŭze de
    • bakterioj,
    • virusoj,
    • fungoj aŭ
    • parazitoj,
  • kanceroj (jen necesas kunlaboro kun kuracistoj pri onkologio),
  • aŭtoimunajn malsanojn,
  • malsanojn pro ĝenita galoforfluo kaŭze de galaj ŝtonoj, kaj
  • damaĝojn pro deeksteraj venenoj, kiel proalkohola hepata cirozo.