Groto Adaŭro
La groto de Adaŭro (itale: Grotta dell'Addaura) estas komplekso el tri naturaj kavernoj situantaj sur la nordorienta flanko de Monto Pellegrino en Palermo, Sicilio, suda Italio. La graveco de la komplekso ŝuldiĝas al la ĉeesto de kavernaj muraj gravuraĵoj datitaj el malfrua Epigraveto (samtempa kun la Magdalenio) kaj la Mezolitiko.
| Groto Adaŭro | ||
|---|---|---|
.jpg) | ||
| frakcio [ ] | ||
| Supermara alteco | 15 m s.l.m. [ ] | |
| Koordinatoj | 38° 11′ 17″ N, 13° 20′ 56″ O (mapo)38.188175613.348904Koordinatoj: 38° 11′ 17″ N, 13° 20′ 56″ O (mapo) | |
| Horzono | UTC 01:00, UTC 02:00 [ ] | |
|
||
 |
||
| Groto Adaŭro | ||
Sur la flanko de Monto Pellegrino, preterpasante Palermo, sudoriente de Mondello je 70 metroj super la marnivelo, estas kelkaj malfermitaj grotoj kaj kavoj kie troviĝis ostoj kaj iloj por ĉasado, atestante la ĉeeston de homoj kiuj vivis en ili jam en la Paleolitiko kaj Mezolitiko. La eltrovaĵoj nun konserviĝas en la Regiona Arkeologia Muzeo de Palermo. Ilia graveco estas ĉefe pro la ĉeesto de eksterordinara komplekso de rokaj gravuraĵoj, kiuj ornamas la murojn, konstituante unikan okazon en la panoramo de prahistoria grota arto. La nomo Addaura venas de la araba: الدورة al-dawrah, 'la cirkvito'.