Georges Kersaudy
Georges KERSAUDY (naskiĝis en 1921; mortis la 18-an de junio 2015) estis franca esperantisto.
| Georges Kersaudy | |
|---|---|
| |
| Persona informo | |
| Naskiĝo | 10-an de februaro 1921 en Havro |
| Morto | 18-an de junio 2015 (94-jaraĝa) en Havro |
| Lingvoj | Esperanto |
| Ŝtataneco | Francio 
|
| Alma mater | Nacia instituto pri orientaj lingvoj kaj civilizacioj Universitato de Parizo
|
| Familio | |
| Infano | François Kersaudy
|
| Okupo | |
| Okupo | esperantisto membro de Franca rezistado
|
Tre juna li eklernis plurajn latinidajn kaj ĝermanajn lingvojn kaj ekkonis en 1936 ke la scio de Esperanto malfermas privilegian aliron al la centr- kaj orient-eŭropaj lingvoj. De 1941 ĝis 1946, li diplomitiĝis en la Sorbono pri germana lingvo, usona literaturo kaj civilizo, skandinavaj lingvoj kaj literaturoj kaj rumana filologio. Samepoke li diplomitiĝis ĉe École Nationale des Langues Orientales Vivantes (Langues Zo') pri rusa rumana hungara finna kaj akiris bonan konon de multaj aliaj lingvoj.
Eklaborinte ĉe la Franca Prieksterlanda Ministerio, li poste fariĝis tradukisto ĉe Unuiĝintaj Nacioj, kaj ĉe la Konsilio de la Eŭropa Unio li plenumis oficojn en diversaj ĉefurboj sur kvar kontinentoj, dume partoprenante misiojn en la tuta mondo kaj agante kiel oficiala faka tradukisto ĉe la Apelacia Tribunalo de Parizo. Li tiamaniere verkis oficialajn tradukojn el kvindeko da lingvoj.
En junio 2004, li partoprenis por la Eŭropaj elektoj, kiel unua de la listo de la Pariza regiono de Eŭropo - Demokratio - Esperanto, Francilio. La listo ricevis 5789 voĉojn (0,21% de la voĉdonoj).
Verkoj
redakti- Langues sans frontières. À la découverte des langues de l'Europe, (Lingvoj senlime. Malkovrante la lingvojn de Eŭropo), Éditions Autrement, Sept. 2001, Collection Frontières, ISBN 2-7467-0125-1, 383 paĝoj.
Eksteraj ligiloj
redakti- Intervjuo kun Georges Kersaudy el Le monde de l'espéranto
- Langues sans frontières Arkivigite je 2013-05-27 per la retarkivo Wayback Machine sur la TTT-ejo de SAT-Amikaro
- Pri Langues sans frontières sur la Forumo franc-germana
- Kersaudy ĉe Forumo de la lingvoj de la mondo (25-an de majo 2003, Tuluzo)