Fulda

Fulda estas urbo en la germana federacia lando Hesio. Ĝi estas administra sidejo de la distrikto Fulda. Krome ĝi estas sidejo de episkopo (diocezo Fulda) kaj ankaŭ sidejo de la germana episkoparo (Deutsche Bischofskonferenz). Fine de decembro 2022 la urbo havis 69 968 loĝantojn.

Fulda
Fulda (Germanio) DEC
ĉefurbo de distrikto en Germanio • urbo kun aparta statuso • urba komunumo de Germanio
Ĝemelurboj Komo • Arles • Sergijev Posad • Wilmington • Litoměřice vd
Administrado
Federacia lando	Hesio
Distriktaro	Distriktaro Kaselo
Distrikto	Distrikto Fulda
Urborajtoj	Urbo (Stadt)
Telefona antaŭkodo	0661
Poŝtkodo	36037, 36039, 36041, 36043
Aŭtomobila kodo	FD
Oficiala Municipokodo	06631009
LOCODE	DE FUL
Politiko
Komunumestro	Heiko Wingenfeld
Titolo de komunumestro	Bürgermeister
Partio de komunumestro	CDU
Adreso de la administrejo	Schlossstraße 1 36037 Fulda
Demografio
Loĝantaro	69968 (stato 2022-12-31) [fonto: landa statistika oficejo]
Geografio
Geografia situo	50° 33′ N, 9° 41′ O (mapo)50.5527777777789.6775
Alto super la marnivelo	261 m
Areo	104,05 km²
Oficiala retejo	https://www.fulda.de/

Katedralo de Fulda

Kongresa halo "Esperanto"

Ĉefa turisma allogaĵo estas la Katedralo de Fulda, en kiu troviĝas la tombejo de la misiisto Sankta Bonifacio.

Esperanto

En Fulda troviĝas la hotelo kaj Kongresejo Esperanto. Apud ĝi, situas strato nomata "Esperantostraße" kaj placo je nomo "Esperantoplatz" - kaj ankaŭ granda subtegmenta naĝejo nomiĝas Esperanto. Ĉar la tuto troveblas tute en la urbokerno kaj la urba ĉefstacidomo situas tre proksime, la komplekson oni ankaŭ facile vidas el interregionaj trajnoj, kiuj pasas la urbon.

Trafiko

Norden kaj suden la urbo trajne konektiĝas per la rapidtrajna fervoja linio Hanovro-Würzburg, sudokcidenten per plia rapidtrajna linio al Frankfurto ĉe Majno. Al aliaj direktoj gvidas lokaj trajnoj. Aŭtomobile ĝi bone atingeblas per la germana aŭtovojo A7 (de nordo al sudo) kaj per la germana aŭtovojo A66 (al Frankfurto ĉe Majno).

Elstaruloj

• Philipp Kisel
• Ratgario, tria abato je Fulda