Flandrio
 | Ĉi tiu artikolo temas pri norda parto de nuna Belgio. Por historia ŝtato rigardu la paĝon Graflando Flandrio. |
Flandrio aŭ Flandrujo estas la norda parto de Belgio, kie la oficiala lingvo estas la Nederlanda lingvo. Flandrio konsistas el la Flandra Regiono kaj la Flandra Komunumo. La administra sidejo de la Flandra Parlamento, kiu okupiĝas pri la rajtigoj de la Regiono kaj la Komunumo, troviĝas en Bruselo. Tio en si estas iom rimarkinda, ĉar nuntempe en Bruselo plej multaj homoj parolas la francan kaj ĉar la ĉefurbo de Belgio estas aparta lingve neŭtrala regiono, la Brusela Ĉefurba Regiono.
| Flandrio | ||
|---|---|---|
| Regiono | ||
 | ||
| etna teritorio [ ] | ||
| Lando | Belgio | |
| Ĉefurbo | [[]] | |
| - koordinatoj | 51° 0′ 0″ N, 4° 30′ 0″ O (mapo)514.5Koordinatoj: 51° 0′ 0″ N, 4° 30′ 0″ O (mapo) | |
|
||
 |
||
| Flandrio | ||
 Vikimedia Komunejo: Flanders [ ] |
||
| |
La flandra Regiono : 
|
La flandra Komunumo : 
|
La provincoj de Flandrio
| |
| Oficiala lingvo | nederlanda |
| Sidejo de la parlamento kaj registaro | Bruselo |
| Ministroprezidanto | Jan Jambon(ekde 2019) |
| Areo | 13 522 km² |
| Loĝantoj | 6 477 804 (januaro 2016) |
| Loĝdenso | 442/km² |
| Regiona himno | De Vlaamse Leeuw |
Oni ne konfuziĝu inter la nuntempa Flandrio kaj la historia Graflando Flandrio. Tiu konsistis el la provincoj Orienta kaj Okcidenta Flandrio, Franca Flandrio kaj la nederlanda provinco Zelanda Flandrio. En Francio la termino "Flandrio" estas ankaŭ uzata por la francaj departementoj 'Nord' kaj 'Pas-de-Calais'.
Flandraj provincoj
redakti
 |
Grandaj urboj
redaktiRegistaro
redakti
Pli detalaj informoj troveblas en artikolo Flandra Registaro.Flandrio ekde la ŝtata reformo estas aparta ŝtata institucio kun propra registaro, propra parlamento, propra buĝeto kaj (limigitaj) propraj enspezoj. La Flandra Parlamento elektiĝas ĉiun kvinan jaron. Ĝi havas laŭleĝajn rajtigojn en la regiono Flandrio kaj por ĉiuj flandraj instancoj, kiel nederlandlingvaj lernejoj (inkluzive de tiuj en Bruselo), sed ankaŭ por la franclingvaj lernejoj en la flandraj komunumoj kun facilecoj por franclingvanoj. La Flandra Parlamento ankaŭ indikas la ministrojn de la flandra registaro. Daŭre la rajtigoj de la Belga federacia ŝtato kaj Flandrio evoluas. Flandrio insistas pri pli da aŭtonomio.