Everardo Backheuser

Everardo BACKHEUSER /eve'raRdŭ bakhojsaR/ (naskiĝis la 23-an de majo 1879 kaj mortis la 15-an de oktobro 1951) estis brazila inĝeniero, literatura verkisto kaj teoriisto pri geografio. Li estis profesoro ĉe la Politeknika Lernejo en Rio-de-Ĵanejro.

Everardo Backheuser
Persona informo
Naskiĝo	1879 en Niterói
Morto	1951
Lingvoj	Esperanto • portugala
Nacieco	brazilano
Ŝtataneco	Brazilo
Okupo
Okupo	esperantisto geografo pedagogo Brazilian state deputy (en) geologo verkisto inĝeniero ĵurnalisto

Agadoj en Esperantujo

Danke al ĵurnalisto Alcindo Guanabara, li faris per la gazeto O Paiz serion da Esperanto-lecionoj en 1906. Li fondis kun 100 kunuloj la Brazilan Klubon Esperantistan, la unua de Rio-de-Ĵanejro.

Backheuser estis reprezentanto de la brazila registaro ĉe la 20-a UK, kaj prezidanto de la 8-a Brazila Kongreso de Esperanto. Kiel deputito ĉe la parlamento de Subŝtato Rio-de-Ĵanejrio, li prezentis leĝoprojekton favoran al Esperanto. Li verkis propagandan komedion, faris multajn paroladojn kaj plurajn kursojn, kaj estis akademiano.

Li estis gravulo en Brazila pedagogia medio per movado “Nova Escola„ (Nova Lernejo), ĉefe katolika, kaj influis en oficiala pedagogia politiko. Lia geopolitika penso influis la brazilan diplomation antaŭ la militista periodo. Laŭ li, la plej bona maniero por ke lando estu forta, estus ke ĝi havu internan unuecon per bonaj vojoj kaj komunikiloj. Poste, faŝistoj misuzis lian ideon pri “unueco„ dum 1930-40 jardekoj.

Estas mezlernejo en Sankta Katarino kaj strato en Rio-de-Ĵanejro kun lia nomo.

Verkoj

Portugallingve

• (1920) Não me fale nisto…, Rio de Janeiro, Grupo de Amigos do Esperanto, 45 S.
• (1926) A Estrutura Política do Brasil – Brazila politika Strukturo).
• (1934) Técnica da pedagogia moderna: teoria e prática da Escola Nova – Tekniko de moderna pedagogio: teorio kaj praktiko de Nova Lernejo.
• Manual de pedagogia moderna: teórica e prática – Manlibro pri moderna pegagogio: teorio kaj praktiko.
• (1938) Um Mestre Insigne - Nerval de Gouveia.

En Esperanto

• Brazilio, Paris, Hachette, (1909).

Eksteraj ligiloj

• Libroj de kaj pri Everardo Backheuser en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine