Erasma premio

La Erasma premio aŭ premio Erasmo estas ĉiujara premio donita de la estraro de la fondaĵo Praemium Erasmianum en Nederlando al individuoj aŭ institucioj kiuj faris esceptajn kontribuojn al kulturo, socio aŭ socia scienco en Eŭropo kaj la resto de la mondo. Ĝi estas unu el la plej eminentaj premioj de Eŭropo. La premio estas nomita laŭ Erasmo de Roterdamo, siatempe ofte latine nomita Desiderius Erasmus, nederlanda renesanca humanisto.

Erasma premio
scienca premio • honorigo
Nomita laŭ	Erasmo de Roterdamo
Organizanto	fondaĵo Praemium Erasmianum
Lando	Nederlando
Fondita de	Bernardo de Nederlando vd
Fondita en	1958
En TTT	Oficiala retejo vd

Premio kaj ornamo

Laŭ la stato de 2024, la premio konsistas el mondono de 150 000 € kaj medalo kiu estis dizajnita fare de Bruno Ninaber van Eyben en 1995. La medalo estas rubando faldita en la stilo de buŝharmoniko, kun finoj el platoj de titanio. La rubando portas tekston en la manskribo de Erasmo prenita de letero al Jean Carondelet skribita la 5-an de januaro 1523. La teksto estas latine "Variae sunt ingeniorum dotes multae seculorum varietates sunt. Quod quisque potest in medium proferat nec alteri quisquam invideat qui pro sua virili suoque modo conatur publicis studiis utilitatis aliquid adiungere", kiu tradukeblas pli-malpli kiel "Diversaj estas la donacoj de geniuloj kaj estas multaj variaĵoj laŭ la jarcentoj. Ke ĉiu montru sin en la centro kaj neniu estu envia al alia kiu konforme al sia propra kapablo kaj stilo provas fari utilan kontribuon al la edukado de ĉiuj."

Laŭreatoj

• 1958: la aŭstroj
• 1959: Robert Schuman, Karl Jaspers
• 1960: Marc Chagall, Oskar Kokoschka
• 1962: Romano Guardini
• 1963: Martin Buber
• 1964: Internacia Akademia Unio
• 1965: Charlie Chaplin, Ingmar Bergman
• 1966: Herbert Read, René Huyghe
• 1967: Jan Tinbergen
• 1968: Henry Moore
• 1969: Gabriel Marcel, Carl Friedrich von Weizsäcker
• 1970: Hans Scharoun
• 1971: Olivier Messiaen
• 1972: Jean Piaget
• 1973: Claude Lévi-Strauss
• 1974: Ninette de Valois, Maurice Béjart
• 1975: Ernst Gombrich, Willem Sandberg
• 1976: Amnestio Internacia, René David
• 1977: Werner Kaegi, Jean Monnet
• 1978: Marioneta teatro
  • La Marionettistica de la fratoj Napoli
  • Țăndărica de Margareta Niculescu
  • Théatre du Papier de Yves Joly
  • Bread and Puppet Theater de Peter Schumann

• 1979: Die Zeit, Neue Zürcher Zeitung
• 1980: Nikolaus Harnoncourt, Gustav Leonhardt
• 1981: Jean Prouvé
• 1982: Edward Schillebeeckx
• 1983: Raymond Aron, Isaiah Berlin, Leszek Kołakowski, Marguerite Yourcenar
• 1984: Massimo Pallottino
• 1985: Paul Delouvrier
• 1986: Václav Havel
• 1987: Alexander King
• 1988: Jacques Ledoux
• 1989: Internacia Komisiono de Juristoj
• 1990: Sir Grahame Clark
• 1991: Bernard Haitink
• 1992: Simon Wiesenthal, Ĝenerala Arkivo de Indioj
• 1993: Peter Stein
• 1994: Sigmar Polke
• 1995: Renzo Piano
• 1996: William Hardy McNeill
• 1997: Jacques Delors
• 1998: Mauricio Kagel
• 1998: Peter Sellars
• 1999: Mary Robinson
• 2000: Hans van Manen
• 2001: Adam Michnik, Claudio Magris
• 2002: Bernd kaj Hilla Becher
• 2003: Alan Davidson
• 2004: Abdolkarim Soruŝ, Sadik al-Azm kaj Fatima Mernissi
• 2005: Simon Schaffer, Steven Shapin
• 2006: Pierre Bernard
• 2007: Péter Forgács
• 2008: Ian Buruma
• 2009: Antonio Cassese, Benjamin Ferencz
• 2010: José Antonio Abreu
• 2011: Joan Busquets
• 2012: Daniel Dennett
• 2013: Jürgen Habermas
• 2014: Frie Leysen
• 2015: Vikipedio
• 2016: Antonia Susan Byatt
• 2017: Michèle Lamont
• 2018: Barbara Ehrenreich
• 2019: John Adams
• 2020: ne atribuiĝis
• 2021: Grayson Perry
• 2022: David Grossman
• 2023: Trevor Noah
• 2024: Amitav Ghosh