Esperanto kaj Libera Scio

Esperanto kaj Libera Scio (mallonge ELiSo, angle: Esperanto and Free Knowledge) estas grupo de Esperanto-parolantaj vikimedianoj. Fondaĵo Vikimedio, kiu funkciigas libersciajn kunlaborajn projektojn inkluzive de la Vikipedio en Esperanto, agnoskis ELiSon kiel sian oficialan uzantogrupon (angle: Wikimedia User Group) la 4-an de aprilo 2013. Ĉefa celo de la grupo estas kunigi la Esperanto-parolantojn, kiuj kontribuas al Vikipedio kaj aliaj projektoj de la Fondaĵo Vikimedio aŭ alimaniere deziras subteni liberan scion. Krome la projekto celas subtenon de Daŭripovaj evoluigaj celoj de Unuiĝintaj Nacioj.

Esperanto kaj Libera Scio
Emblemo de Esperanto kaj Libera Scio
esperanto-organizaĵo Vikimedia Uzanto-Grupo (2013–) civitana asocio (2019–)
Komenco	4-a de aprilo 2013 vd
Lando(j)	Slovakio vd
Sidejo	Zvolen, Slovakio
Estr(ar)o	Michal Matúšov
vicprezidanto	Javier Ramos Nistal
Retejo	Oficiala retejo
Jura formo	civitana asocio

Reprezentantoj de ELiSo (Marek Blahuš kaj Michal Matúšov) dum la Vikimedia konferenco 2014 en Berlino

Diferenco inter Vikimedio kaj Vikipedio

Kontraste al vikipediistoj, kiuj precipe kontribuas al Vikipedio, la vikimedianoj organizas movadon iom similan al la Esperanto-movado, kies celo estas disvastigi la uzadon de la vikimediaj projektoj kaj de libersciaj principoj kaj projektoj ĝenerale. Malgraŭ tio, multaj membroj de ELiSo estas samtempe aktivaj vikipediistoj.

Listo de estraroj de ELiSo

Estraranoj oficas dum 3 jara oficperiodo, jen la nuna estraro ĝis 2025.

Estraro	Ekde	Komitato			Revizia komisiono
		Prezidanto	Vicprezidanto	Membro	Prezidanto	Membro	Membro
1-a	2023-01-07	Michal Matúšov	Javier Ramos Nistal	Arno Lagrange

Vidu ankaŭ

• Vikipedio:Esperanto kaj Libera Scio (projekta vikipedia paĝo, en kiu la grupo formiĝis)
• Scioj sen bariloj

Eksteraj ligiloj

• Oficiala retejo
• Esperanto kaj Libera Scio ĉe Facebook
• Esperanto kaj Libera Scio ĉe Twitter
• Diskutejo de ELiSanoj en Telegram