Neŭŝatelo (distrikto)

La distrikto Neŭŝatelo estas administra unuo de Kantono Neŭŝatelo. Ĝi havis 52669 loĝantojn la 31-an de decembro 2010. Ĝia ĉefurbo estas la samnoma urbo Neŭŝatelo.

Distrikto Neŭŝatelo
Blazono de la distrikto Neŭŝatelo
Neŭŝatelo kaj ĉirkaŭo
Mapo de la distrikto Neŭŝatelo
Distriktoj de Kantono Neŭŝatelo
Kantono	Neŭŝatelo
Ĉefloko	Neŭŝatelo
Geografia situo	CH1903: 561351 / 204483 (mapo)46.9902777777786.9305555555556 f1
Nombro de loĝantoj	52669  (2010-12-31)
Areo	80,02 km²
Loĝantardenseco	658,2 loĝantoj/km²
Federacia Kodo	2404

Geografio

La distrikto Neuŝatelo estas laŭ areo la plej malgranda kaj laŭ loĝantaro la plej granda, do evidente la plej dense loĝata distrikto de la kantono. Ĝi situas en oriento de la kantono nordoriente de la Neŭŝatela Ĵuraso. Ĝian sudorientan limon formas la bordo la Lago de Neŭŝatelo, Zihl-Kanalo kaj poste Lago de Bielo.

Komunumoj de la distrikto Neŭŝatelo

La distrikto Neŭŝatelo konsistas (stato en 2010) el 9 komunumoj, el kiuj la ĉefloko Neŭŝatelo estas la plej granda. Jen la listo:

Blazono	Nomo	Loĝantoj (2010-12-31)	Areo en km²	Komunumkodo
	Cornaux	1528	4.72	6451
	Cressier	1901	8.55	6452
	Enges	271	9.59	6453
	Hauterive	2550	2.12	6454
	La Tène	4825	5.44	6461
	Le Landeron	4441	10.31	6455
	Lignières	957	12.51	6456
	Neŭŝatelo	33045	18.1	6458
	Saint-Blaise	3142	8.87	6459
Totale	9	52669	80,02	2404

Historio

La historio de la distrikto Neuŝatelo estas forte konektita kun la historio de la urbo Neuŝatelo. La unua historia mencio datiĝas el la jaro 1011 kiel castellum novum kiam la reĝo Rudolfo la 3-a de Burgonjo donacis kastelon al sia edzino. Ĝis la Neŭŝatela Revolucio de 1848 la Grafejo Neŭŝatelo apartenis al la reĝo de Prusio. Formale Prusio nur en 1857 rezignis pri la suvereneco pri Neŭŝatelo, kiam dank al la perado de Napoleono la 3-a povis esti evitita milito inter Svislando kaj Prusio.

Eksteraj ligiloj

•  Vidu ankaŭ en la Vikimedia Komunejo la kategorion distrikto Neŭŝatelo – (Kolekto de bildoj kaj plurmediaj dosieroj)