Cubbon Park

Cubbon Park (kabn-park; kanare ಕಬ್ಬನ್ ಪಾರ್ಕ್) estas konata kiel la “pulmo” de la urbo Bengaluro, Barato. Ĝi situas en la koro de la urbo en la centra administra kvartalo. La parko estis kreita en 1870 en la tiama regno Majsuro. Tiam ĝi kovris 0,40 km². La nuna areo estas ĉirkaŭ 1,2 km². Kune kun la riĉa flaŭro kaj faŭno, la parko havas ankaŭ multajn statuojn de famuloj kaj estetikajn konstruaĵojn.

Cubbon Park
parko [ ]
Lando	Barato
Regiono	Karnatako
Situo	Bengaluro
- koordinatoj	12° 58′ 30″ N, 77° 35′ 36″ O (mapo)12.97577.593333333333 [ ]
Akvokolektejo	1,2 km² (120 ha) [ ]
Areo	1,2 km² (120 ha) [ ]
Cubbon Park (Karnatako) DEC
Cubbon Park
Vikimedia Komunejo:  Cubbon Park [ ]
En TTT: Oficiala retejo [ ]

Historio

La publika parko estis unue nomita Meade [mid] Park. Poste oni ŝanĝis la nomon al Cubbon Park, omaĝe al Mark Cubbon, komisaro de la Brita Orienthinda Kompanio, de 1834 ĝis 1860. Cubbon estis konata kiel bona administranto. Li ankaŭ estis subtenanto de la kannada lingvo kaj literaturo.

En 1927 oni denove ŝanĝis la nomon de la parko al Sri Chamarajendra [sri ĉaamaraaĝendra] Parko, por memorfesti la arĝentan jubileon de la reĝo Sri Krishnaraja Wodeyar [sri kriŝnaraaĝa vodejaar]. La parko estis kreita dum la regno de Chamarajendra. Sed la parko daŭre estas konata kiel Cubbon Park. Nun la Hortikultura Sekcio de la registaro de la gubernio Karnatako prizorgas la parkon.

Enhavo

En la parko troveblas proksimume 68 genroj kaj 96 specioj de indiĝenaj kaj ekzotaj botanikaĵoj. Kelkaj el la vidindaĵoj kaj historiaj konstruaĵoj en kaj ĉirkaŭ la parko estas

• la infana biblioteko Indira Priyadarshini
• la infana kulturcentro Jawahar Bal Bhavan
• la artgalerio Venkatappa
• la akvario Aquarium
• la gubernia kortumo High Court
• la arkeologia muzeo State Archeological Museum
• la gubernia ĉefbiblioteko Seshadri Iyer Memorial Hall

Bildaro

• 
  La parko
• 
  reĝo Eduardo la 7-a.
• 
  Statuo de reĝino Viktoria.
• 
  K.Sheshadri Iyer.
• 
  Attara Kacheri.
• 
  La biblioteko.