Barcelono (Venezuelo)

Barcelono
urbo ; urbego vd
Flago	Blazono
Administrado
Lando	Venezuelo
Ŝtato	Anzoátegui
Komunumo	Municipo Simón Bolívar, Anzoátegui
Fondita	1671
Ĝemelurboj	Koimbro, Barcelono kaj Bonaero
Poŝtkodo	6001
En TTT	Oficiala retejo [ ]
Demografio
Loĝantaro	550 122 (2023) [ ]
Loĝdenso	779 loĝ./km²
Geografio
Geografia situo	10° 7′ N, 64° 43′ U (mapo)10.116667-64.716667Koordinatoj: 10° 7′ N, 64° 43′ U (mapo)
Alto	13 m
Areo	76,5 km² (7 650 ha)
Horzono	UTC-04:30
	Barcelono (Anzoátegui)
	Situo de Barcelono
	Barcelono (Venezuelo)
	Situo de Barcelono
Alia projekto
	Vikimedia Komunejo Barcelona (Venezuela) [ ]
	v • d • r

Por samtitola artikolo vidu la paĝon Barcelona.

Barcelono^{[mankas fonto]} (hispane Barcelona) estas la ĉefurbo de la ŝtato Anzoátegui en Venezuelo. Ĝi havis 550 122 loĝantojn en 2023. Fondita en 1671, la urbo Barcelono kun Puerto la Cruz, Lecheria kaj Guanta komune formas unu el la plej gravaj urbaj regionoj de Venezuelo. En Barcelono troviĝas la flughaveno Aeropuerto Internacional General José Antonio Anzoátegui.

Kontraste al Puerto la Cruz, konstruita ĉefe en la 20-a jarcento, Barcelono havas bone konservitan kolonistilan arkitekturon. Pro ĝiaj historiaj konstruaĵoj kaj turismaj institucioj la urbo ofertas allogajn eblecojn por la turistoj vizitantaj la orientan bordon de Venezuelo. Kolonistilaj konstruaĵoj ĉirkaŭas la placon Boyaca, la originan placon konstruitan kiam la urbo fondiĝis. La katedralo de la urbo, nomita Iglesia El Carmen, estis konstruita inter 1748 kaj 1773; longa periodo, kiu inkluzivis ampleksan riparadon pro damaĝo kaŭzita per tertremo. La ĉirkaŭaĵo kontrastas kun la modernismo trovebla en la centro de la urbo.

Unu el la plej interesaj kolonistilaj konstruaĵoj estas la Muzeo de Anzoátegui, la plej malnova konstruaĵo en la urbo, konstruita en 1671. Aliaj gravaj historiaj regionoj troviĝas ĉirkaŭ la tri ĉefaj placoj: Bolivar, Miranda kaj Boyacá.

Ĉe la Avenida 5 de Julio estas La Casa Fuerte (forta domo), nacia historia monumento, kiu estis origine konstruita super la ruinoj de la malnova monakejo Convento de San Francisco. En 1811, dum la sendependeca milito, La Casa Fuerte estis prenita de la fondintoj de la respubliko, transformita al fortikaĵo per Simón Bolívar kaj armita per du kanonoj por defendi la urbon kontraŭ la atakoj de la hispanoj. Post kelkaj atakoj je la 17-a de aprilo 1817, la domo estis prenita kaj detruita per la reĝa militistaro, kiu poste senkapigis ĉiujn ĝiajn loĝantojn. Ĝi staras nun kiel memorigo por la sendependeca spirito. Estas tie statuo de Eulolia Buroz, virino kiu mortis dum la sieĝo.

Turismo

Inter Barcelono kaj Puerto la Cruz troviĝas El Morro, grandega komplekso konstruita por loĝigi milojn da turistoj kaj venezuelanoj en apartamentoj kaj hoteloj.

La komplekso enhavas multajn plezurhavenojn kaj boatfarejojn, kaj estas populara celo por jaktistoj. Multaj kanaloj trairas la komplekson kaj permesas aliron al la maro. Unu el la plej ambiciaj konstruaĵoj en El Morro estas la ripozejo kaj banejo Maremares, origine konstruita de Daniel Camejo. Iam kvin-stela hotelo, kiu gastigis pintkunvenon inter la venezuela prezidento Hugo Chavez kaj la kuba ĉefministro Fidel Castro, ĝi nun spertas malfacilan periodon kaj ĝiaj basenoj, lagunoj kaj golfejoj estas malmulte flegataj. Iumomente en frua 2006 ĝia tuta klimatizilo ne funkciis dum kelkaj semajnoj kaj gastoj malfacile marŝis suben al la albordiĝejo de ĝia plezurhaveno stumblante super detruitaj plankobretoj. Proksime al El Morro estas la moderna butikuma centro Centro Comercial Plaza Mayor, konstruita en la kolorplena nederlanda kolonia stilo, simila al tiu trovebla en Curaçao.

La ĉefaj plaĝoj ĉirkaŭ Barcelono kaj Puerto la Cruz troviĝas sur la istmo El Morro, kaj estas Isla de Plata, Conoma, Arapito, Cangrejo, Lecherias kaj playa Mansa.

Ĉi tiuj plaĝoj ofertas multajn subĉielajn restoraciojn, kiuj servas pladojn de fiŝoj kaj marestaĵoj. Puerto la Cruz estas ankaŭ la enirejo por Mochima Nacia Parko, unu el la laŭopinie plej impresaj en la lando. De ĝia haveno la turisto povas iri per pramo al la insulo Margarita, kaj ankaŭ lui boaton por veturi al la najbaraj insuloj, ekzemple Las Chimanas, Cachicamo kaj Borracha. Je la fino de la tago turistoj kaj lokuloj iras al la Paseo Colón (Columbus-promenejo) por promeni.

Ĝemelurboj

Barcelona estas ĝemelita kun:

Notindaj loĝantoj

Ángel Mottola
Cayaurima
Cumanagoto
Diego Bautista Urbaneja
Joan Orpí i del Pou
José Antonio Anzoátegui
Juan Manuel Cajigal
Miguel Otero Silva
Pedro María Freites