Azova maro

Azova maro
	maro • golfeto
	Satelita foto de la Azova maro
	Profundeco
Averaĝa	8 m
Maksimuma	14 m
Areo	37 600 km²
Speco	Enlanda maro
Oceano	Atlantiko
Loko	Apudmaro de la Nigra maro inter Ukrainio kaj Ruslando
Koordinatoj	46° 6′ 0″ N, 36° 30′ 0″ O (mapo)46.136.5Koordinatoj: 46° 6′ 0″ N, 36° 30′ 0″ O (mapo)
	Azova maro
Alfluantoj	Don
Insuloj	neniu, sed kelkaj terlangoj
Urboj	Mariupolo, Azov, Berdjansko
Apartaĵo	tre malprofunda, tial en somero tre varma
Mapo de la Azova maro Mapo de la Azova maro
	v • d • r

La Azova maro aŭ Maro de Azov (ukraine Азовське море, ruse Азовское море, krime-tatara: Azaq deñizi), estas duonfermita maro ligita al Atlantiko per diversaj markoloj: Kerĉa Markolo (al la Nigra Maro) - Bospora Markolo (al la Marmora Maro) - Dardaneloj (al la Egea Maro) - Ĝibraltara Markolo (al Mediteraneo). Laŭ distanco de la oceano, la Azova Maro estas la plej kontinenta maro sur la planedo. La Kerĉa Markolo estas en la manoj de Rusio ekde la aneksado de Krimeo en 2014 kaj depost tiam Ukrainio ne plu havas aliron al la Azova Maro^[1].

La Azova Maro estas la plej malprofunda maro en la mondo: la profundo ne superas 13,5 metrojn , la averaĝa profundo estas ĉirkaŭ 7,4 m (laŭ diversaj taksoj - de 6,8 ĝis 8 m)^[2]

Etimologio

La nomo devenas de la rusia urbo Azov, kiu situas en la loko, kie la riveroj Don kaj Kubano enfluas la maron.

Geografio

La ĉebordaj ŝtatoj estas Ukrainio okcidente kaj Rusio oriente. La preskaŭinsulo Krimeo kaj la Tamanja duoninsulo dividas la Azovan Maron disde la Nigra Maro. La okcidenta bordo de la maro estas malprofunda sistemo el multaj insuloj kaj duoninsuloj, golfetoj kaj lagoj de sala akvo.

Ekonomio

Trafiko

Ĉar la rivero Don per kanaloj estas ligita kun la rivero Volgo (kaj pere de ĝi kun la Kaspia Maro, la Balta Maro kaj la Blanka Maro), la Azova Maro estas grava ligo por la ŝipa trafiko de Rusio kaj orienta Ukrainio al la direkto de la Nigra Maro - al Rumanio, Bulgario, Grekio kaj Turkio.

Ripozo

La areo de la maro estas 38.000 km², kaj la pleja profundeco nur 15 m. Pro tio dum la somero la akvo atingas relative altajn temperaturojn, tre agrablajn por banado. La nekrutaj deklivoj estas aparte oportunaj por ripozo kun infanoj. Ĉe la maro situas kelkaj ripozlokoj, inter ili plej popularas Jejsk, Primorsko-Aĥtarsk kaj Taganrog en Rusio, Berdjansko en Ukrainio.

Fiŝkaptado

Laŭ biologia produktivo la maro havas la unuan lokon en la mondo. Plej grande kreskas en ĝi bentoso kaj fitoplanktono. Tio kaŭzas ankaŭ grandan produktadon de fiŝo.

Kategorio Azova maro en la Vikimedia Komunejo (Multrimedaj datumoj)
Azova maro en Vikinovaĵoj (Liberaj novaĵoj)

Referencoj

↑ (de) Alexander Rosemann, Der russische Überfall auf die Ukraine – eine militärische Lageanalyse, SIRIUS – Zeitschrift für Strategische Analysen, vol. 6, no. 3, 2022, pp. 253-270.
↑ (ru) Dobrovolsky A.D., Zalogin B.S. , Maroj de Sovetunio, 1982, 191 p.

Ĉi tiu artikolo ankoraŭ estas ĝermo pri geografio.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

Bibliotekoj

[1] (de) Alexander Rosemann, Der russische Überfall auf die Ukraine – eine militärische Lageanalyse, SIRIUS – Zeitschrift für Strategische Analysen, vol. 6, no. 3, 2022, pp. 253-270.

[2] (ru) Dobrovolsky A.D., Zalogin B.S. , Maroj de Sovetunio, 1982, 191 p.

[1]

[2]