Atirau

Atirau (kazaĥe kaj ruse: Атырау, en iuj okcidenteŭropaj lingvoj transliterigata Atyrau) estas havenurbo en Kazaĥio. Ĝi estas la ĉefurbo kaj la administra centro de la samnoma provinco Atirau. Atirau estis fondita en 1640. Komence de la jaro 2014 ĝi havis 196 494 loĝantojn. Atirau havas riverhavenon. Neoficiale ĝi estas la naftoĉefurbo de Kazaĥio.

Atirau
la rivero Uralo en Atirau la rivero Uralo en Atirau
urbo urbego city of regional significance (en) vd
Flago	Blazono
Administrado
Lando	Kazaĥio
Provinco	Provinco Atirau
Fondita	1640
Ĝemelurboj Aŝdod (2006–) Siktivkar Astraĥan Aktobe Aktau Oralo Aberdeen vd
Poŝtkodo	060001-060011
Aŭtokodo	E
Telefonkodo	7 7122
En TTT	Oficiala retejo [ ]
Demografio
Loĝantaro	196 494  (2014)
Geografio
Geografia situo	47° 7′ N, 51° 53′ O (mapo)47.11666666666751.883333333333 [ ]
Alto	−20 m [ ]
Horzono	UTC 6
Atirau (Atirau) DEC Situo de Atirau
Atirau (Kazaĥio) DEC Situo de Atirau
Alia projekto
Vikimedia Komunejo Atyrau [ ]

Geografio

Geografia Loko

La urbo situas en la nordokcidenta parto de Kazaĥio ĉe la rivero Uralo, 45 km de la norda bordo de la Kaspia Maro. Ĝiaj geografiaj koordinatoj estas 47,12 ° N kaj 51,88 ° E.

Laŭ la kutima difino de la limoj de Eŭropo, Atirau situas parte en Azio kaj parte en Eŭropo. La rivero Uralo dividas la urbon en eŭropan kaj azian distriktojn. La urbo situas proksimume egale sur eŭropa kaj azia teritorioj. Dum la flughaveno Atirau situas sur eŭropa teritorio, la du stacidomoj de la urbo estas jam sur azia teritorio.

Historio

Atirau estis fondita en 1640 de la fratoj Gurjew, rusaj komercistoj. La setlejo nomiĝis Jaick (Niĵnij Jaick) ĝis 1708. Ĝi poste estis nomita Gurjev laŭ siaj fondintoj ĝis ĝi ricevis sian nunan nomon post la sendependiĝo de Kazaĥio.

Loĝantaro

Komence de 2020, la urbo havis 290 700 loĝantojn. La distrikto Atirau, kiu inkluzivas ankaŭ aliajn, pli malgrandajn komunumojn, havis 201 924 loĝantojn la 1-an de oktobro 2005.

Religioj

La urbo estas la sidejo de la Romkatolika Apostola Administranto de Atirau.

Ekologio

Estas 3 ĉefaj fokusoj, kiuj venenas la urbon. La unua estas naftokompanioj. La dua estas rubodeponejo por hejmaj ruboj de la urbo. La tria estas vaporiĝa lageto ambaŭflanke de la urbo.

Edukado kaj Kulturo

Atirau estas la sidejo de la Universitato de Atirau kaj diversaj altlernejoj. Ekzistas pluraj muzeoj kaj la urbo ankaŭ ofertas teatron, filharmonian orkestron, du kinejojn kaj 84 bibliotekojn.

Eksteraj ligiloj

Oficiala retejo de la urbo Atirau Arkivigite je 2014-10-07 per la retarkivo Wayback Machine

Fotoj pri Atirau Arkivigite je 2014-10-13 per la retarkivo Wayback Machine (rusa)

Fotogalerio

• 
  La nova "nuptopalaco"
• 
  La flughaveno de Atirau