Arabia plato

Estas neniuj versioj de ĉi tiu paĝo, do ĝi eble ne estis kvalite kontrolita.

La Arabia plato estas inter la mezgrandaj tektonaj platoj de la mondo. Kiel ĉiuj tektonaj platoj ĝi estas parto de la litosfero. La plato ampleksas preskaŭ la tutan Araban Duoninsulon kaj iom el la ĉirkaŭaj maroj kaj teritorioj (ekzemple mallarĝan strion de la suda marbordo de Irano).

Norde la arabaia plato limas kun la multe pli granda eŭrazia, oriente kun la hindia, la arabia, sude kaj okcidente kun la afrika platoj. En la tuŝaj zonoj al la grandaj najbaraj kontinentaj platoj ankoraŭ ekzistas iuj tiel nomataj mikroplatoj', kies ekzisto tamen ne jam sendube pruviĝis - el tiuj mikroplatoj sendube ekzistas la eta anatolia plato nordokcidente de la arabia.

La arabia plato moviĝas nordokcidenten kaj tie kunpuŝiĝas kun la pli norda kaj signife pli granda eŭrazia plato (interpremante la anatolian mikroplaton). Tial ekestas tektonikaj tensioj, kiuj kaŭzas oftajn tertremojn en orienta Anatolio, la centra parto de Turkio. Ekzemplo estu du tertremoj de la jaro 1999 kun forteco de pli ol 7,5 laŭ la skalo de Richter, kiuj kostis la vivon de pli ol 19.000 lokaj enloĝantoj.

	Tektonaj platoj

Grandaj (ĉefaj) platoj

Malgrandaj platoj

Mikroplatoj

Kategorio Arabia plato en la Vikimedia Komunejo (Multrimedaj datumoj)