Afrika Komisiono de UEA
La Afrika Komisiono de UEA (ankaŭ nomita Afrika Agado de UEA) estas laborgrupo de reprezentantoj de UEA kaj ĝiaj landaj asocioj en Afriko. La Komisiono estas financita de la rento de la Fondaĵo Afriko de UEA.
Celo
redaktiLaŭ mesaĝo de Adjévi Adjé je la 2014-06-28, “La laboro de la komisiono estas fakte laboro por disvastigi Esperanton kaj plivigligi la Afrikan Esperantistaron. Tio okazas precipe rete per plifortigo de la ligoj en Afriko per interŝanĝo de spertoj kaj opinioj. La komisionanoj estas helpataj en ties taskoj de helpkomisionanoj, kiuj disponas tiucelan komunik-liston sub la mastrumado de la kunordigantoj. Ĉiuj intervenas en la debatoj kaj el la konkludoj de la diskutitaj temoj, la komisiono faras proponon aŭ konsilas al estraro de UEA pri Esperanto en Afriko.”
Komunikado
redaktiEkde 2006 la komisiono publikigas bultenon nomatan Esperanto en Afriko.
Afrikaj Kongresoj de Esperanto
redaktiLa Komisiono ankaŭ zorgas pri organizado de la Afrikaj Kongresoj de Esperanto (AKE).
| AKE | Datoj | Urbo | Ŝtato | Rimarkoj |
|---|---|---|---|---|
| 8-a AKE | 2022-12-26 – 30[1] | Tieso |  Senegalo |
60[2] |
| 7-a AKE | 2019-12-21 – 27[3][4] | Buĵumburo |  Burundo |
135 partoprenantoj[5] |
| 6-a AKE | 2016-12-24 – 31 | Bunda |  Tanzanio |
74 partoprenantoj[6] |
| 5-a AKE | 2013-12-29 – 2014-01-04 | Kotonuo |  Benino |
32 partoprenantoj[6] Prez de KOKo : Privas Tchikpe |
| 4-a AKE | 1995-12-26 – 1996-01-03 | Arusha Moshi | Tanzanio |
38 partoprenantoj[6] |
| 3-a AKE | 1994-12-23 – 1995-01-02 | Winneba |  Ganao |
48 partoprenantoj[6] |
| 2-a AKE | 1991-12-28 – 31 | Kotonuo | Benino |
90 partoprenantoj[6] Prez de LKK : Privas Tchikpe |
| 1-a AKE | 1990-12-27 – 1991-01-02 | Noce |  Togolando |
104 partoprenantoj[6] |
Pri la kvina AKE estas pluraj ĉapitroj en la blogo de Mireille Grosjean.[7]
La 6a-AKE devis okazi en Rumonge (Burundo) somere de 2016, sed pro subita malpliboniĝo de la politika situacio en la lando, la Afrika Komisiono decidis fine de 2015 organizi la kongreson en Tanzanio, kaj en januaro 2016 decidis prokrasti ĝin al decembro 2016.[8]
Pri la sepa AKE estas ĉapitro en la blogo de Mireille Grosjean.[9] [10]
La 8-a AKE iĝis plej internacia, en ĝi ĉiuj membroj de Afrika Komisiono povis kunveni ĉeeste.
Membraro
redaktiAfrika komisiono por la periodo 2022-2025: [11]
- S-ro Patrick MANIRAKIZA: kunordiganto (Burundo)
- S-ino Ranja Robertine Jeanne d’Arc ZAFINIFOTSY: vic-kunordiganto (Madagaskaro)
- S-ro Koffitche KOUFIONOU: sekretario (Togolando)
- Espoir NGOMA KASATI: vic-sekretario (DR Kongo)
- S-ino Miora RAVELOHARISON: komisionanino (Madagaskaro)
- S-ro John E. MAGESSA: komisionano (Tanzanio)
Afrika komisiono por la periodo 2019-2022:[12][13]
- Francois Housounou el Benino
- Gilbert NIYUKURI el Burundo
- Cedrick IRAKOZE el
Kenjo - Joel MUHIRE Ndaziboneye el
Demokratia Respubliko Kongo - ADJE Adjévi el Togolando
- Opa Moses GBETOGO el
Niĝerio - Miora RAVELOHARISON el
Madagaskaro - Viktor NTOTO el
Kameruno
Antaŭaj ordigantoj
redaktiEn 2017-2019
- kunordiganto: Emile Malanda Nianga
- vickunordiganto: François Hounsounou
Financo
redaktiLa ordinaraj spezoj de la Komisiono estas financataj per Fondaĵo Afriko de UEA. En 2021 ĝi faris eksterordinaran elspezon por aĉeti komputilojn por siaj membroj, kio ebliĝis pro speciala mondonaco.[14]
Bibliografio
redaktiClaude Piron, Se comprendre entre Africains - Kompreniĝi inter afrikanoj (Elfrancigita de Vilhelmo Lutermano). Dulingva eldono. MAS, 2016, 62 p., ISBN 978-2-36960-044-2
Referencoj
redakti- ↑ 8-a AKE ĉe Eventa Servo
- ↑ preciza nombro sekvos
- ↑ 7a AKE Arkivigite je 2019-12-10 per la retarkivo Wayback Machine ĉe esperanto-afriko.org
- ↑ 7a AKE ĉe Eventa Servo
- ↑ Raporto pri la 7-a Afrika Kongreso en la revuo Esperanto (februaro 2020)
- ↑ 6,0 6,1 6,2 6,3 6,4 6,5 Esperanto Afriko - Arkivoj pri kongresoj alirita 24-dic-2022
- ↑ https://mirejo3.blogspot.com/2013/12/kvina-afrika-kongreso.html
- ↑ Vidu artikolojn en la numeroj januaro kaj februaro 2017 de la Revuo Esperanto
- ↑ https://mirejo3.blogspot.com/2020/01/7-afrika-kongreso-de-esperanto-de-uea.html
- ↑ Vidu artikolojn en la Revuo Esperanto decembro 2018, decembro 2019 kaj februaro 2020
- ↑ La konsisto de la nova Afrika Komisiono de UEA (2022-2025), gazetara komuniko de UEA, N-ro 1075 (2022-11-03)
- ↑ La konsisto de la nova Afrika Komisiono de UEA (2019-2022), gazetara komuniko de UEA, N-ro 826 (2019-09-21)
- ↑ Nova AK Arkivigite je 2020-05-05 per la retarkivo Wayback Machine de UEA ĉe esperanto-afriko.org
- ↑ Grosjean, Mireille. 2022. "Komputiloj por ĉiuj membroj de la Afrika Komisiono de UEA." Esperanto 1364(1), p. 7.
Eksteraj ligiloj
redakti- Oficiala retejo
- Afero de Espero, bitlibra versio kiu koncize skizas la historion de la Esperanto-movado en Afriko (libere elŝutebla)