UK 1906

La 2-a Universala Kongreso de Esperanto okazis de la 28-a de aŭgusto ĝis la 2-a de septembro 1906 en Ĝenevo, Svislando. Venis 818 partoprenantoj el 30 landoj.

	Universala Kongreso
Bildo sur propaganda poŝtkarto por la 2-a Universala Kongreso de Esperanto. Kongresanoj malakceptas la oferton de tradukisto, ĉar ili ja parolas Esperanton
Urbo (lando)	Ĝenevo (  Svislando)
Datoj	28-a de aŭgusto 1906 - 2-a de septembro 1906
Prezidanto LKK
Alta protektanto
Aliĝintoj	818
Menciinde	fondo de KKK

La malferma ceremonio okazis en Victoria Hall. Aliaj eventoj okazis en "Amis de l'Instruction" kaj en la aŭditorio de la ĝeneva universitato. La bankedo okazis en "Kiosque des Bastions".

La LKK konsistis el prezidanto Friedrich Schneeberger, du sekretarioj Hector Hodler kaj Edmond Privat, tiam gimnazianoj 16- kaj 18-jaraj. Entute LKK konsistis el 15-persona grupo.

Dum la kongreso oni fondis Konstantan Kongresan Komitaton kaj aprobis deklaracion pri neŭtraleco de la Esperanto-kongresoj.

Victoria Hall, loko de la malferma ceremonio

Teatraĵoj prezentitaj

• La letero de rekomendo de Max Maurey, kun Leono Zamenhof, Carlo Bourlet, Frederic Pujulà i Vallès, ludata kun granda animeco.
• La floro de l'pasinto de Edmondo de Amicis, kun Rosa Junck, Edmond Privat
• Agrabla surprizo de Wilhelm Frerking, kun Karl Zacherl, f-inoj Stirn, A. Schmidheini, E. Schmidheini
• Pipamanto kaj Senhejmulo, de Frederic Pujulà i Vallès prezentitaj de la aŭtoro.