Un disastro di ragazza
|
C'l artìcul chè 'l è scrit in
Miranduléś |
 Trainwreck
| ||
| Un disastro di ragazza | ||
 La Schumer e la Swinton in na figùra dal film | ||
| Un diśàst'r ad ragàsa 2015 | ||
|---|---|---|
| Regìa: Judd Apatow | ||
| Scritōr: Amy Schumer | ||
| Atōr: Amy Schumer • Bill Hader • Brie Larson Colin Quinn • Tilda Swinton • LeBron James Ezra Miller • John Cena • Amar'e Stoudemire Marisa Tomei • Randall Park • Vanessa Bayer Daniel Radcliffe • Jim Florentine • Jon Glaser Josh Segarra • Matthew Broderick • Chris Evert | ||
| Müsica: Jon Brion | ||
| Léngua: Ingléś • Cinéś | ||
| Dürä dal film: 125 minüt | ||
| Nasiōṅ: Stat Unî • Giapòṅ | ||
Un disastro di ragazza (Un diśàst'r ad ragàsa) l'è na cumèdia americàna dal 2015 ad Judd Apatow scrita par l’Amy Schumer ch'l'è anc la prutagunìsta dla pelìcula.
Al film, preśentâ a 'l South by Southwest Fèstival, 'l à fat sù da piò ad sènt-quarànta migliòṅ ad dòlar dòp ès'r-an custâ trénta-sinc.
Sunt
La Amy Townsend (Amy Schumer) l'è na ragàsa dimóndi alśēra e purcùsa ch'a gh piàś far sès sèmpar cun di óm difarènt ma minga però durmìr sèg, dòp al gusàdi la i para via. L'arà tòlt da cal galét ad sò pàdar Gordon (Colin Quinn) ch'adès 'l è finî a 'l ricòvar parchè sò surèla Kim (Brie Larson), ch'la gh'à d'avēr fiōl da sò marè Tom (Mike Birbiglia), la n s al cumpatìva piò a 'l cuntràri 'd lē ch'la gh'è incóra ligàda.
La Amy la fà la giurnalìsta laurànd par na rivìsta da óm insém a i sò culéga Bryson (Randall Park), Schultz (Jon Glaser), la Nikki (Vanessa Bayer) e 'l stagìsta Donald (Ezra Miller). Un dè cla strònsa dla sò diretōra Dianna (Tilda Swinton) la gh dà 'l incàr'g ad scrìvar 'n artìcul su 'l mèdag spurtìṿ Aaron Conners (Bill Hader), un dutōr ad Mèdag sénsa fruntéri ch'al lavóra anc par di campiòṅ dl'NBA cuma LeBron James (LeBron James) o Amar'e Stoudemire (Amar'e Stoudemire).
La Amy l'è custréta a star-ag anc se dimóndi malvluntéra parchè la n s cumpatìs pròpria briśa al sport e la gint ch'la gh tîṅ adrē. Mulàda da pôc da 'l sò muróś musculóś Steven (John Cena), ch'a n gh piaśìva minga 'l fat ch'la s fsis dar da tut, na sira dòp séna la Amy la decìd 'd andàr a cà dal dutōr par na ciulàda. Qvél ch'la n iva mia mis in cònt 'l è ch'l'è drē a inamuràr-as dabòṅ.