Marilyn Monroe
|
C'l artìcul chè 'l è scrit in
Miranduléś |
La Norma Jeane Mortenson Baker Monroe, cgnusùda méj c'n al nóm 'd art ad Marilyn Monroe (Los Angeles, 1 ad Śugn dal 1926 - Los Angeles, 5 'd Agóst dal 1962, a s lèś /ˈmæɹɪlɪn mənˈɹoʊ/ in ingléś) l'è stada n'atōra, cantànta, mudèla e prudutōra 'd film americàna.
In dla sò caréra l'è dvintàda famóśa girànd soquànti pelìculi 'd sucès cuma Niagara, Gli uomini preferiscono le bionde, Come sposare un milionario, Quando la moglie è in vacanza e A qualcuno piace caldo, cumèdia ch'la gh'à frutâ 'n Golden Globe.
Fra 'l sò canti più cgnusùdi a 'rcurdém Diamonds Are a Girl's Best Friend e I Wanna Be Loved by You.
L'è stada spuśàda c'n al śugadōr ad baseball Joe DiMaggio e c'n al scritōr Arthur Miller ma la gh'à abû anc dal stòri cun John Fitzgerald Kennedy e cun Robert Kennedy.