Linda Fiorentino
|
C'l artìcul chè 'l è scrit in
Miranduléś |
La Clorinda Fiorentino, cgnusùda méj cuma Linda Fiorentino (Filadèlfia, 9 ad Mars dal 1958), l'è n'atōra americàna.
Biugrafìa
Nada in dla Pennsylvania ma carsùda in dal New Jersey da na famìja cun di urìgini itagliàni, la Linda la spatìna in di prim an Utànta a New York par studiàr recitasiòṅ. Par tiràr avànti la s adàta a lauràr cuma camaréra in un bar insém a 'n àt'r aspirànt atōr, Bruce Willis, ch'al divìd 'l apartamènt sèg. Al sò prim film 'l è Crazy for You, film dal 1985 'd Harold Backer in du la Madonna la canta i pès Gambler e Crazy for You, pò in dal stés an la rècita anc par Martin Scorsese in Fuori orario.
La Fiorentino la s mét in luś in séguit cun la pelìcula L'ultima seduzione faghénd la part dla prutagunìsta, la dark lady Bridget. Cla part chè la gh fruta soquànt prèmi e la gh vèra dal pòrti par di film più ambisióś cuma 'l thriller ad William Friedkin dal 1995 Jade che però al sarà 'n flòp acsè cuma i sucesìṿ Specchio della memoria e Colpo di fulmine.
In dal 1997 la Linda l'è la prutagunìsta dal film ad fantasiénsa Men in Black, blockbuster ad sucès in tut al mónd. Dòp al film Dogma recitâ insém a Ben Affleck, a Matt Damon e a la cantànta Alanis Morissette ch'la fà Dio, in dal 2000 la Fiorentino la tōś part a tri pelìculi, Un perfetto criminale insém a Kevin Spacey, Per amore... dei soldi cun Paul Newman e a la cumèdia Da che pianeta vieni? ad Mike Nichols.
Filmugrafìa
- 1985 - Crazy for You (Vision Quest), regìa ad Harold Becker
- 1985 - Toccato! (Gotcha!), regìa ad Jeff Kanew
- 1985 - Fuori orario (After Hours), regìa ad Martin Scorsese
- 1988 - All'improvviso, un maledetto amore (Wildfire), regìa ad Zalman King
- 1988 - Moderns (The Moderns), regìa 'd Alan Rudolph
- 1989 - The Neon Empire, regìa ad Larry Peerce – film TV
- 1991 - Sognando Manhattan (Queens Logic), regìa ad Steve Rash
- 1991 - Shout, regìa ad Jeffrey Hornaday
- 1992 - Strangers, regìa ad Joan Tewkesbury – film TV
- 1992 - Chain of Desire, regìa ad Temístocles López
- 1992 - L'infiltrato (Beyond the Law), regìa ad Larry Ferguson
- 1993 - Impulso omicida (Acting on Impulse), regìa ad Sam Irvin – film TV
- 1994 - L'ultima seduzione (The Last Seduction), regìa ad John Dahl
- 1995 - Il fantasma di Charlie (Charlie's Ghost Story), regìa 'd Anthony Edwards
- 1995 - Sentieri disperati (The Desperate Trail), regìa ad P.J. Pesce
- 1995 - Jade, regìa ad William Friedkin
- 1996 - Legame di sangue (Bodily Harm), regìa ad James Lemmo
- 1996 - Specchio della memoria (Unforgettable), regìa ad John Dahl
- 1996 - Per amore di Vera (Larger Than Life), regìa 'd Howard Franklin
- 1997 - Colpo di fulmine (Kicked in the Head), regìa ad Matthew Harrison
- 1997 - Men in Black, regìa ad Barry Sonnenfeld
- 1998 - Body Count, regìa ad Robert Patton-Spruill
- 1999 - Dogma, regìa ad Kevin Smith
- 2000 - Un perfetto criminale (Ordinary Decent Criminal), regìa ad Thaddeus O'Sullivan
- 2000 - Per amore... dei soldi (Where the Money Is), regìa ad Marek Kanievska
- 2000 - Da che pianeta vieni? (What Planet Are You From?), regìa ad Mike Nichols
- 2002 - Liberty Stands Still, regìa dla Kari Skogland
- 2009 - Once More with Feeling, regìa ad Jeff Lipsky