L'inferno

C'l artìcul chè 'l è scrit in Miranduléś

'L inféran 1994
L'enfer
L'Inferno
François Cluzet e la Béart in na figùra dal film
Regìa: Claude Chabrol
Scritōr: Henri-Georges Clouzot • Claude Chabrol
Atōr: Emmanuelle Béart • Jean-Pierre Cassel François Cluzet • Yves Verhoeven • Amaya Antolin André Wilms • Nathalie Cardone • Marc Lavoine Christiane Minazzoli • Mario David • Noël Simsolo Thomas Chabrol • Dora Doll • René Gouzenne
Müsica: Matthieu Chabrol
Léngua: Francéś
Dürä dal film: 100 minüt
Nasiōṅ: Frància

«

In du sē't stada? Chi è'l? A 'l saìva! Incóra òṅ! Cuśa fà't? In du và't? D'in du daśvìn-at? Riv-at d'in dua? A vój savēr chi 'l è! Buśiàrda! At sē malàda! At m ingàn! Cun chi? A sò incòsa! Cunta-bali!»

(Tagline dal film)

L'Inferno (’L inféran) 'l è 'n film dramàtic dal 1994 ad Claude Chabrol, trat da na vècia scritùra dal 1964 'd Henri-Georges Clouzot che però al n à briśa psû purtàr-la a cumpimènt par di mutìṿ ad salùt.

Sunt

Paul Prieur (François Cluzet) al còmpra, faghénd di dèbit, un vèć albêrg davśèṅ a 'n lâg in dla Garòna Élta, minga luntàṅ da Tulóśa e 'l al fà dvintàr cuma nóṿ. Al sa spóśa pò cun la Nelly (Emmanuelle Béart) e al gh'à sèg un fiōl, al pìcul Vincent. Al n pōl pròpria minga lamintàr-as ad gnint parchè al gh'à un bèl lavōr ch'al fruta dimóndi, un fiōl e na mujér ch'la par na miss e ch'la gh vōl bèṅ.

Purtàr avànti 'l albèrg al dvènta però sèmpar più dûr e difìcil e al stress al custrìnś Paul a tōr dimóndi da spés dal madśìni par durmìr. Ma tōr cla ròba lè la gh fà un brut schèrs. Piàn piaṅ al taca a far-as l'idéa che sò mujér, ch'l'è gustóśa cun tut i cliènt, la gh faga i còran, specialmènt cun al mecànic Martinot (Marc Lavoine) dimóndi più śóvan ad lò.

Parchè la bèla Nelly, ch'la và in gir p'r al paéś cun cal stanèli lè che tut i la tìnan 'd òć, stà-la sèg? P'r amōr o p'r i bèsi? Cuś à'l fat lò par meritàr-as na bunàsa acsè?

Un dè a sucéd ch'al véd na prujesiòṅ ad diapuśitìvi cun lōr dū dèntar: i n àṅ fat gnint ma minga a i òć ad Paul ch'al pèrd la tèsta e al dvénta gelóś mat, al litga ad cuntìnuṿ cun sò mujér e i afàr i tàcan a 'ndàr a raméngo.

La Nelly la ciàma 'n dutōr ch'l al vìśita e al gh prumét ch'al dè dòp 'l al purtarà a far-as ricuveràr. Ma a gh'è incóra na nòt da pasàr insém e Paul 'l è prònt a far incòsa cóntar cla "malnéta" ad sò mujér.

Culegamènt estéran

v · d · m Film ad Claude Chabrol
An 1950	Le beau Serge (1958) • I cugini (1959) • A doppia mandata (1959)
An 1960	Donne facili (1960) • I bellimbusti (1961) • L'Oeil du malin (1962) • Ofelia (1963) • Landru (1963) • La tigre ama la carne fresca (1964) • Marie Chantal contro il dr. Kha (1965) • La tigre profumata alla dinamite (1965) • La linea di demarcazione (1966) • Le scandale - Delitti e champagne (1967) • Criminal story (1967) • Les biches - Le cerbiatte (1968) • Stéphane, una moglie infedele (1969) • Ucciderò un uomo (1969)
An 1970	Il tagliagole (1970) • All'ombra del delitto (1970) • Sul far della notte (1971) • Dieci incredibili giorni (1971) • Trappola per un lupo (1972) • L'amico di famiglia (1973) • Sterminate gruppo Zero (1974) • Una gita di piacere (1975) • Gli innocenti dalle mani sporche (1975) • Profezia di un delitto (1976) • Pazzi borghesi (1976) • Alice (1977) • Rosso nel buio (1978) • Violette Nozière (1978)
An 1980	Le Cheval d'orgueil (1980) • I fantasmi del cappellaio (1982) • Il sangue degli altri (1984) • Una morte di troppo (1985) • L'ispettore Lavardin (1986) • Volto segreto (1987) • Il grido del gufo (1988) • Un affare di donne (1988)
An 1990	Giorni felici a Clichy (1990) • Doctor M. (1990) • Madame Bovary (1991) • Betty (1992) • L'oeil de Vichy (1993) • L'inferno (1994) • Il buio nella mente (1995) • Rien ne va plus (1997) • Il colore della menzogna (1999)
An 2000	Grazie per la cioccolata (2000) • Il fiore del male (2003) • La damigella d'onore (2004) • La commedia del potere (2006) • L'innocenza del peccato (2007) • Bellamy (2009)