Pergi ke kandungan

Wilayah Nagasaki

Coordinates: 32°45′00″N 129°52′03″E / 32.75000°N 129.86750°E / 32.75000; 129.86750
Mantad Wikipedia
Wilayah Nagasaki
長崎県
Wilayah
Japanese transcription(s)
 • Jepun長崎県
 • RōmajiNagasaki-ken
Obon Festival with tōrō nagashi lantern release on the Albuquerque Bridge over the Sasebo River, Sasebo City, Nagasaki Prefecture
Obon Festival with tōrō nagashi lantern release on the Albuquerque Bridge over the Sasebo River, Sasebo City, Nagasaki Prefecture
Flag of {{{official_name}}}
Flag
Official logo of {{{official_name}}}
Symbol
Anthem: Minami no kaze
Location of {{{official_name}}}
Coordinates: 32°45′00″N 129°52′03″E / 32.75000°N 129.86750°E / 32.75000; 129.86750
Country Japan
UgamaKyushu
PulauKyushu
ibu kotaNagasaki
SubdivisionsWatas: 4, Municipalities: 21
Government
 • GovernorKengo Oishi since 2 March 2022
Area
 • Total4,130.88 km2 (1,863.94 sq mi)
 • Rank37th
Population
 (June 1, 2020)
 • Total1,314,078
 • Rank27th
 • Density320/km2 (820/sq mi)
 • Dialects
Nagasaki・Tsushima
GDP
[1]
 • TotalJP¥4,800 billion
US$43.9 billion (2019)
ISO 3166 codeJP-42
Websitewww.pref.nagasaki.jp/en
Symbols of Japan
BirdMandarin duck (Aix galericulata)
FlowerUnzentsutsuji (Rhododendron serpyllifolium)
TreeSawara (Chamaecyparis pisifera)

Wilayah Nagasaki (長崎県, Nagasaki-ken) nopo nga wilayah id Jepun, i poinladsong id pulau Kyūshū. Populasi id Wilayah Nagasaki diti nopo nga soginumu 1,314,078 tulun (1 Mahas 2020) om ginayo kinoyonon geografi nopo nga 4,130 km2 (1,863 sq mi). Wilayah Nagasaki diti nopo nga mirontob miampai Wilayah Saga id boogian rahat kosilahon.

Nagasaki nopo nga ibu kota om kakadayan bobos tagayo id Wilayah Nagasaki, om kakadayan-kakadayan tapangkal suai nopo nga kohompit no do Sasebo, Isahaya, dan Ōmura. Wilayah Nagasaki nopo nga poinladsong id Kyūshū kotonobon miampai wilayah mantad kogumuan tanah tagayo id semenanjung, i poinlongkod id posorili do Teluk Ōmura, om pulau-pulau miagal do Pulau Tsushima om Pulau Iki id Selat Korea om Kepulauan Gotō id Rahat China Kosilahon. Wilayah Nagasaki nopo nga otutunan kopio miampai sajara papadagang miampai tulun Eropah solinaid piipiro abad, om iti no kinoyonon montok padagangan potilombus om pialanan do Jepun om pogun labus maamaso timpu Sakoku. Wilayah Nagasaki nopo nga panakawalai montok piipiro Tapak Kristian Poinlisok id Wilayah Nagasaki i noisytihar sabaagi do Tapak Tungkuson Pomogunan UNESCO.

Sajara

[simbanai | simbanai toud]
Intangai nogi: Historic Sites of Nagasaki Prefecture

Pinoimbulai o Wilayah Nagasaki miampai piomungan do sampapas kotonobon bagas wilayah Hizen miampai wilayah pulau Tsushima om Wilayah Iki.[2] Pointoguang miampai China om Korea, wilayah id posorili do Hirado nopo nga longkod koubasanan montok papadagang om nogi lanun.

Gambal Kuichi Uchida id Nagasaki di toun 1872

Maamaso abad ko-16, Mubaligh Katolik om dudumagang mantad Portugal nopo nga nokorikot om oporogot kopio yolo id Hirado om Nagasaki, i nokosiliu sabaagi longkod tapangkal montok pamadagangan labus. Kalapas noonuan do kosinggawaan id suang do timpu Oda Nobunaga, sorokuukuri do tongomubaligh nopo di nga siansagan do sumoliwan, gisom maamaso timpu Tokugawa, noduhan kopio o Uugama Kristian id siriba do Sakoku dasar popisuai do pogun: pinorontob o Pordagangan labus Jepun kumaa do papadagang Cina om Belanda i poinlongkod id Dejima, id Nagasaki. Hali pia miagal di, poingkakal kasari poindalanon o Kirishitan (Kristian Jepun) id siriba do tana. Kakure Kirishitan (Kristian poinlisok) nopo diti nga pibarasan id monikid laang, sinansagan montok mongulok do fumi-e ("mongulok do gambal", gambal di Bunda Maria om tulus-tulus olidang) montok popokito do yolo nopo nga okon ko' Kristian. Miampai pataaman toinsanan mubaligh Katolik, papadagang mantad pogun-pogun Katolik nogi nga sinansagan do lumabus mantad pogun dii. Miampai diolo nopo nga tangaanak diolo, sampapas tulun jepun om sampapas tulun Eropah, sinansagan do mogidu. Majoriti nopo nga pinaatod id Jagatara (Jakarta) om hondomon kasari po tulun songkinoyonon sabaagi tulun di minonuat surat-surat pedih i nooit sumoborong do rahat kumaa pogun diolo sondii.

Baino, Nagasaki nopo nga haro no di gereja Katolik di otutunan kopio, om Tapak Kristian Poinlisok id Wilayah Nagasaki nopo nga pinosuang id UNESCO Tapak Tinungkusan Pomogunan id Jepun.

Upis Pongintangan Nagasaki, Timpu Meiji

Maamaso ponondulian Meiji, Nagasaki omSasebo nopo nga nokosiliu sabaagi tuundorongon kapal rahat montok pordagangan labus, om nokosiliu sabaagi longkod tantara om longkod pamansayan kapal montok Tantara Rahat Imperial Jepun om Mitsubishi Heavy Industri gisom do Sangod Pogun II. Antakan di 9 Magus 1945, pinaparatu o Amerika Syarikat do bom atom id Nagasaki, i minomirumbak do koinsanai bongunan id suang do radius 1.6 kilometres (1.0 mi) mantad titik kinorotuan om korumbakan kinoyonon di agayo om nokoontok do kakadayan suai. Lobi kuang 39,000 tulun napatai, kohompit no 27,778 kukumalaja pinulu Jepun, 2,000 kukumaraja suhuon mantad Korea om 150 tantara Jepun. lobi kuang 68-80% mantad koposoliwanan porindustrian nopo nga nara'ag gisom au no milo potondulionon gisom piipiro tulan toi ko' maganu timpu bobos toruhai nopo nga sontoun.

Kopokitanan do luyud Isahaya 1957

Wilayah Nagasaki nopo nga haro ogumu kinoyonon di oontok kopio do rasam tasapou om korumbakan notuhan. Antakan di Madas 1957, korumbakan gama do rasam tasapou, luyud om notuhan nopo nga pinapasabap do kapatayon soginumu 586, 136 tulun natagak om 3,860 notogu. Antakan di Madas 1982, korumbakan gama do taufan id Nagasaki pinapasabap do 299 kapatayon, tumanud do luputan mantad kerajaan Jepun.[minog do kisukuon]

Geografi

[simbanai | simbanai toud]

Nagasaki nopo nga mirontob miampai Wilayah Saga id kosilahon, om nosorilian do waig, kohompit no Teluk Ariake, Selat Tsushima (osodu mantad Busan om Wilayah Gyeongsang Kabaatan , Korea Kabaatan), om Rahat China Kosilahon. Nagasaki nogi nga kahangkum no pulau miagal do Pulau Tsushima, Pulau Iki om Pulau Goto. Kogumuan wilayah nopo nga poinladsong somok do kotogisan om kiwaa piipiro tuundorongon kapal rahat miagal do Nagasaki om longkod Tantara Rahat Amerika Syarikat id Sasebo.

Gisom do 1 Ngiop 2014, 18% mantad ginayo wilayah nopo nga pinatatap sabaagi Taman Sandad Posorili, i otutunan sabaagi Taman Pogun Saikai om Taman Pogun Unzen-Amakusa; Taman Sampapas Pogun Genkai om Taman Sampapas Pogun Iki-Tsushima; om Taman Sandad Posorili Wilayah Hokushō, Taman Sandad Posorili Wilayah Nishi Sonogi Hantō, Taman Sandad Posorili Wilayah Nomo Hantō, Taman Sandad Posorili Wilayah Ōmurawan , Taman Sandad Posorili Wilayah Shimabara Hantō, om Taman Sandad Posorili Wilayah Taradake.[3]

Kakadayan

[simbanai | simbanai toud]
Intangai nogi: Katayadan kakadayan id Wilayah Nagasaki tumanud do populasi
Pata Wilayah Nagasaki
     City      Town
Kopokitanan totuong id Kakadayan Nagasaki
Sasebo
Shimabara

Hopod om tolu kakadayan nopo nga poinladsong id Wilayah Nagasaki:

Ngaran Ginayo kinoyonon (km2) Populasi Pata
Rōmaji Kanji
Gotō 五島市 420.81 37,775
Hirado 平戸市 235.63 31,192
Iki 壱岐市 138.57 28,008
Isahaya 諫早市 341.79 135,546
Matsuura 松浦市 130.37 23,566
Minamishimabara 南島原市 169.89 45,465
Nagasaki (ibu negara) 長崎市 240.71 407,624
Ōmura 大村市 126.34 95,146
Saikai 西海市 242.01 28,815
Sasebo 佐世保市 426.06 247,739
Shimabara 島原市 82.77 44,936
Tsushima 対馬市 708.61 31,550
Unzen 雲仙市 206.92 42,457

Watas

[simbanai | simbanai toud]

Iti nopo nga katayadan do kakadayan om kampung montok monikid watas:

Ngaran Ginayo kinoyonon (km2) Populasi Watas Kawo Pata
Rōmaji Kanji
Hasami 波佐見町 56 14,940 Watas Higashisonogi Kakadayan
Higashisonogi 東彼杵町 74.29 8,175 Watas Higashisonogi Kakadayan
Kawatana 川棚町 74.25 9,219 Watas Higashisonogi Kakadayan
Nagayo 長与町 28.81 42,570 Watas Nishisonogi Kakadayan
Ojika 小値賀町 25.46 2,588 Watas Kitamatsuura Kakadayan
Saza 佐々町 32.3 13,825 Watas Kitamatsuura Kakadayan
Shin-Kamigotō 新上五島町 213.98 19,886 Watas Minami-Matsuura Kakadayan
Togitsu 時津町 20.73 30,084 Watas Nishisonogi Kakadayan

Piomungan

[simbanai | simbanai toud]
Main article: Katayadan do piomungan id Wilayah Nagasaki

Kakadayan id siriba nopo nga nobubar mantad di toun 2000.

Koubasanan

[simbanai | simbanai toud]

Religion

[simbanai | simbanai toud]

Denominasi ugama id Wilayah Nagasaki (1996)[4]

  Kinoyonon sandad Buddha (19.5%)
  Zen Buddhism (3.6%)
  Tendai toi ko' Shingon Buddha (4.9%)
  Soka Gakkai (3%)
  Nichiren Buddha (5.1%)
  Sikul Buddha suai (3%)
  Kristian (5.1%)
  Shinto sects (2%)
  Tulun Shinto toi ko' aiso ugama (53.8%)

Nagasaki nopo nga kinoyonon Kristian id Jepun miampai misi Roman Katolik nopo nga nokohimagon do hilo mantad po di abad ko-16. Novel Shusaku Endo Silence naanu mantad sajara lisan tulun Kristian songkinoyonon (Kirishitan), naanu mantad Kakure Kirishitan om nogi Hanare Kirishitan.

Gisom 2002, soginumu 68,617 Gereja Roman Katolik id Wilayah Nagasaki, minonguhup do 4.52 piatus mantad mogigion do wilayah dii.

Sipoot

[simbanai | simbanai toud]
Stadium Transcosmos id Nagasaki id Isahaya.

Kakadayan nopo diti nga haro iso tinimungan do buul sipak, otutunan sabaagi V-Varen Nagasaki, i mamain id Liga J2.

Tulun Olidang Nagasaki, bagas mantad Liga Pulau Shikoku-Kyūshū pinoposiliu do Wilayah Nagasaki sabaagi walai diolo sobolum nobubar.

Pamagayat tutumombului

[simbanai | simbanai toud]
Further information: Tourism in Japan
Kopokitanan do Walaitapui Osezaki id Pulau Fukue
Lobong di William Adams (pelayar, nosusu di 1564)
Istana Shimabara
Kuil Ōbaku Zen id Nagasaki
Pulau Kujūku id Sasebo

Sakayon

[simbanai | simbanai toud]

Koritapui

[simbanai | simbanai toud]

Tram

[simbanai | simbanai toud]

Talun-nalun

[simbanai | simbanai toud]

Lebuh raya om Ralan Tol

[simbanai | simbanai toud]
  • Lebuh raya Nagasaki
  • Lebuh raya Kyushu Kotonobon
  • Ralan Nagasaki Dejima
  • Ralan Tol Kawahira
  • Ralan Tol Kunimi
  • Ralan Tol Kawahira

Lebuh raya Pogun

[simbanai | simbanai toud]

Tuundorongon kapal rahat

[simbanai | simbanai toud]
  • Tuundorongon Kapal Rahat Nagasaki
  • Tuundorongon Kapal Rahat Sasebo
  • Tuundorongon Kapal Rahat Matsuura
  • Tuundorongon Kapal Rahat Hirado
  • Tuundorongon Kapal Rahat Shimabara
  • Tuundorongon Kapal Rahat Fukue
  • Tuundorongon Kapal Rahat Izuhara id Tsushima
  • Tuundorongon Kapal Rahat Gonoura id Pulau Iki

Totobpoon kapal tulud

[simbanai | simbanai toud]

Politik

[simbanai | simbanai toud]
Main article: Politics of Nagasaki

Gabenor Nagasaki dinondo nopo nga i Kengo Oishi, i minangala do mongingidit tolu penggal, i Hōdō Nakamura di toun 2022. Oishi, songulun dokutul, kiumul 39 toun maamaso minongigit jawatan, om gabenor wilayah bobos tomulok id Jepun.[5] Pinili i Nakamura di kumoinsan antakan di toun 2010 montok mongolon di Genjirō Kaneko om sobolum dii nopo nga songulun naib gabenor.

Pitimbungakan Wilayah Nagasaki [ja] nopo nga kiwaa 46 surupu poinkakal, pinili mantad 16 watas pilihan raya id suang do pilihan raya wilayah miiso (turugan kotohuri: 2011). Gisom Ngiop 2014, kaukus pinuruanan do Parti Demokratik Liberal Jepun nopo nga haro 23 surupu, Parti Demokrat Jepun (1998)-Parti Demokratik Sosial Jepun-pinuruanan di kaukus 17.

Id suang do Diet Kabansaan, soginumu apat mobi montok Nagasaki mantad surupu Dewan Rakyat i pinili miampai potilombus om duo (iso montok monikid pomilian raya koubasanan) Dewan Rakyat. Kalapas pomilian rakyat kabansaan bobos waygu di 2010, 2012 om 2013, pinapaatod o Nagasaki do delegasi toinsanan LDP kumaa Diet (au kohompit o surupu di naala id pilihan raya id watas Nagasaki, nga nopili montok segmen mongobi kikadar Dewan Rakyat id suang do Blok Kyūshū).

Sukuon

[simbanai | simbanai toud]
  1. ↑ "2020年度国民経済計算（2015年基準・2008SNA） : 経済社会総合研究所 - 内閣府". 内閣府ホームページ (id boros Jipun). Linoyog ontok 2023-05-18.
  2. ↑ Nussbaum, "Provinces and prefectures" in Japan Encyclopedia, p. 780, at Google Books.
  3. ↑ "General overview of area figures for Natural Parks by prefecture" (PDF). Ministry of the Environment. 1 April 2014. Linoyog ontok 8 February 2015.
  4. ↑ Religion in Japan by prefecture, 1996. English language bar table.
  5. ↑ "Incumbent defeated in Nagasaki governor election". The Japan Times. Linoyog ontok 21 December 2022.

Sukuon Umum

[simbanai | simbanai toud]

Noputan Labus

[simbanai | simbanai toud]
Wikimedia Commons has media related to Nagasaki prefecture.
Wikivoyage has a travel guide for Nagasaki (prefecture).
Naanu mantad "https://dtp.wikipedia.org/w/index.php?title=Wilayah_Nagasaki&oldid=16610"