Putatan
Putatan ڤوتاتن | |
|---|---|
 | |
 | |
| Negara |  Malaysia |
| Negeri |  Sabah |
| Bahagian | Bahagian Pantai Barat |
| Majlis Perbandaran | 2021 |
| Government | |
| • MP | Datuk Shahelmey Yahya (BN-UMNO) (Putatan) |
| Population (2010) | |
| • Total | 85 454 |
| Nombor plat | SA (1980-2018) SY (2018-2023) SJ (2023-) |
Putatan nopo nga iso kakadayan id Watas Putatan, Boogian Pantai Timur, Sabah, Malaysia. Putatan nogi nga iso sub-kakadayan do Kota Kinabalu om soboogian mantad do Greater Kota Kinabalu. Putatan nopo nga longkod pomuruanan montok Watas Putatan. Surupu Parlimen Putatan nopo nga Y.B. Datuk Shahelmey Yahya, mantad BN-UMNO.[1]
Nontodonon
[simbanai | simbanai toud]Putatan nopo nga iso watas/kakadayan i pinosiliu do longkod pomuruanan id suang pomorintaan Inggeris id siriba do North Borneo Chartered Company ontok toun 1884 soira id siriba jajahan do Kerajaan Kesultanan Brunei. Nakaanu ngaran o Putatan mantad iso kawo puun i roitan do Puun Putat i ogumu poinsuni id posorili do watas Putatan. Tumanud susuyan; Putatan nopo nga iso kakadayan tokoro i ointutunan sabaagi do 'Putat Town' kumaa mononolod Inggeris di pogulu po. 'Putat Town' ointutunan sabaagi do Putatan kumaa mogigion sabap do pomoroitan id suang dialek tampatan gisom dinondo.[2]
Mogigion
[simbanai | simbanai toud]Tumanud bancian 2010, na'aga do soginumu 85,454 tulun o populasi mogigion id Putatan.[3] Mogigion Putatan nopo nga kaampai no tinaru Melayu, Brunei, Kadazandusun, Bajau(Samah), Kina om nogi piipiro tinaru suai.
Koburuon
[simbanai | simbanai toud]
Nokoingkawas o koburuon do kakadayan Putatan id aspek do infrastruktur awam miagal do dewan ginumuan, masjid watas, piipiro longkod kolidasan, piipiro pasaraya miagal ko' Giant om Servey Hypermarket, suai ko' piipiro longkod perbankan miagal ko' CIMB, Maybank, Bank Simpanan Nasional (1992) om Bank Rakyat.
Longkod pomolian id kakadayan diti nogi nga guminumu miagal do' kulat sabap do koburuon id posorili do Kota Kinabalu, kaampai no One Place Mall, Putatan Square om Royal Putatan Plaza i wonsoyon nogi. Id kakadayan diti nogi nga, haro duo institusi ponginabasan takawas, ii nopo nga INTI College om Sabah Institute of Studies.
Suai ko' ii, haro iso baloi cerap i pinungaranan do Baloi Cerap Al-Biruni id Tanjung Dumpil, amu osodu mantad kakadayan diti. Baloi cerap diti nopo nga iso no id Sabah i nointutunan sabaagi kinoyonon montok manantu' ahal di mionit do ugama miagal do takwim hijrah, ponontuan timpu solat om nuludan pongukaban kodos om nogi imsak, om pinoingkakat nogi sabaagi longkod kinalantayon toilaan astronomi id Sabah.[4] Haro 3 mukim id Putatan, mukim Putatan, mukim Petagas, om mukim Ketiau. Haro nogi Kem Lok Kawi markas 5 briged soudor tindal Kota Kinabalu, Sabah.
Piromutan
[simbanai | simbanai toud]Osonong kopio rumikot kumaa id kakadayan om watas Putatan diti tu poinsumpak id wawayaan Ralan Pan Borneo. Pinoromut o kakadayan diti miampai do lebuh raya duo lorong duo paka'yaan tu kinoyonon dau nopo nga sabaagi totobon sumuang kumaa id Kakadayan Tagayo Kota Kinabalu. Putatan nga haro nogi stesen koritapui i nowonsoi nogi tu Putatan nopo nga tuundorongon toponsol montok wawayaan koritapui om kinoyonon dau i misampaping do Kota Kinabalu, suai mantad ko' stesen koritapui Tanjung Aru, Papar, Beaufort, om Tenom.
Podtuongisan
[simbanai | simbanai toud]Haro piipiro kinoyonon di kagayat id Putatan, miagal do Lok Kawi Wildlife Park i asaru rikoton do tutumombului suang om labus pogun. Taman diti nopo nga piomungan do zoo om taman botanikal.
Suai ko' ii, Baloi Cerap Al-Biruni id Tanjung Dumpil nga kinoyonon di apangkal montok do tombuluyon tu iti nopo nga balai cerap di iso no id Sabah montok koburuon ilmu falak.
Sukuon
[simbanai | simbanai toud]- ↑ http://www.parlimen.gov.my/ahli-dewan.html?uweb=dr&
- ↑ http://www.sabah.gov.my/pdptn/index.php?option=com_content&view=article&id=148&Itemid=610
- ↑ Putatan, World Gazetteer, pinoopi mantad sand̠ad ontok 2013-02-09, linoyog ontok 2009-10-04
- ↑ http://www.bernama.com.my/bernama/v3/bm/news_lite.php?id=292845