Pergi ke kandungan

Muzium Pogun (Malaysia)

Coordinates: 3°8′15.29″N 101°41′14.60″E / 3.1375806°N 101.6873889°E / 3.1375806; 101.6873889
Mantad Wikipedia

3°8′15.29″N 101°41′14.60″E / 3.1375806°N 101.6873889°E / 3.1375806; 101.6873889

Muzium Pogun
Muzium Negara
موزيوم نݢارا‎
Muzium Pogun di 2023
Map
Established1963
LocationJalan Damansara, Kuala Lumpur, Malaysia
TypeNational museum
Public transit accessKL Sentral (KTM Komuter, KJ Line om Monorail)
Muzium Negara (SBK MRT)
Websitewww.muziumnegara.gov.my

 

Frieze depicting Malaysian history at the National Museum

Muzium Pogun nopo nga muzium umum id Kuala Lumpur, Malaysia montok do koinusan Malaysia, koubasanan, om sajara. Poinladsong id Ralan Damansara miinsomok do Taman Tasik Perdana, katalib do Stesyen KL Sentral. Labus do bongunan nopo nga kiroromu Melayu tradisional om nokoburu. Nokohimagon iti di 31 Magus 1963,[1] om kifungsi sabaagi repositori tinungkusan koubasanan om sajara Malaysia.[2]

Muzium Pogun nopo iso struktur tolu simbou, 109.7 meter (359 kaki 11 in) ninaru om 15.1 meter (49 kaki 6 in) linaab, 37.6 meter (123 kaki 4 in) kinawas mantad titik taatanga. Muzium diti nopo nga popoion do apat galeri toponsol montok etnologi om sajara sandad (geologi). Kopokitanan nopo nga miagal do tableaux mingkakat obibas i popokito do ababayan koubasanan miagal do pisasawaan, karamayan om tongorasuk; kumaa sanjata koubasanan, tuunion, inus om tinunturu, om winoun posorili.[3]

Sajara

[simbanai | simbanai toud]

Muzium Selangor Laid

[simbanai | simbanai toud]

Muzium Selangor nopo nga muzium pogun de facto pogulu do nakagabas o pogun.[4] Nokohimagon o Muzium Selangor di 1887 sabaagi ababayan amatur do kukumalaja awam kolonial.[5] Nanu iti do karajaan koloniol gama do pombontukan Pogun-Pogun Melayu Borsokutu di toun 1896, di toun 1904 nopo nga piniamung o pontadbiran miampai Muzium Perak id Taiping sabaagi Muzium Pogun-Pogun Melayu Borsokutu id siriba pomorintaan di Leonard Wray Jr.[6] Iso bongunan muzium i winonsoi miampai poimbida, i numaan reka'o do arkitek bobos otutunan, i Arthur Benison Hubback, nukaban di toun 1907.[7]

Muzium Selangor Laid

Koleksi Muzium Selangor nopo nga nokoinggumu kopio id siriba do kurator (monguungulud), potilombus nopo nga pongarah, i Herbert Christopher Robinson.[8] Surupu bobos otutunan suai id Muzium Selangor nopo nga kohompit no i Cecil Boden Kloss om Eibert Carl Henry Seimund.[9] Muzium diti nogi nga minambayar do huhumombo om moninimung mantad Sarawak, kohompit no i Charles Ulok.[10]

Kogumuan karaja zoologi montok moninimung do kakamot posuangon id muzium nopo nga poinlongkod id konuluhan ponong pogun tanga' semenanjung, Bukit Fraser, Genting Highlands, Cameron Highlands, minongukab do impohon montok popokito longkod kotombuluyan nuluhon id Malaysia antakan timpu baino.[11][10] Pinapaharo o muzium diti do ekspedisi tagayo kumaa id Nulu Tahan di toun 1905.[12][13] Tinumimung nogi yolo id Kabaatan Thailand [14] om Indonesia. Ekspedisi om koleksi diti nopo nga sinuat id suang do Journal of the Federated Malay States Museums.[15] Spesimen di notimung miampai rutin nopo nga pinoundalio kumaa Muzium British (Sajara Winoun), haro nogi i pinaatod kumaa Muzium Liverpool di toun 1914, om koleksi vertebrata nopo nga pinoundaliu ngawi mantad Muzium Selangor kumaa Muzium Raffles Singapura di toun 1926.[5]

Maamaso 10 Gomot 1945, id kolimpupuson do Pisangadan Pogun II, boogian wanan do musium nopo nga noontok do bom o norumbak[16] gama do pengebom US B-29, mantad do Allied Forces.[17] Koleksi muzium di noolu nopo nga pinoundaliu id Muzium Perak id Taiping.[18]

Kalapas Pisangadan Pogun II, boogian wanan do Muzium Selangor nopo nga kakal gunoon montok liwang sajara. Maamaso kagabasan do Porsokutuan Tanah Melayu, Luguan Montiri Tunku Abdul Rahman nopo nga pinoposoliwan do tua pomusarahan montok momonsoi iso muzium montok poopian do khazanah sajara[4] om koubasanan pogun. Struktur muzium di nokodori nopo nga hinumput miampai poimponu montok manahak liwang kumaa pamansayan do muzium wagu. Muzium Pogun di wagu nopo nga nokohimagon id bagas kinoyonon do Muzium Selangor.[1]

Reka bontuk om kapamansayan

[simbanai | simbanai toud]
Avalokitesvarai i nokito id Bidor, abad ko-8 gisom ko-9 CE
Kopokitanan id liwang dewan

Pamansayan montok Muzium Pogun di wagu nopo nga nokotimpuun di toun 1959 om nopongo di toun 1963. Nokohimagon di Tuanku Syed Putra Ibni al-Marhum Syed Hassan Jamalullail, Yang di-Pertuan Agong kotolu, o muzium diti di 31 Magus 1963.

Reka bontuk muzium diti nopo nga naanu di arkitek Ho Kok Hoe, nakaanu do inspirasi mantad inus kapamansayan istana diraja Melayu om inus kapamansayan vernakular Melayu tradisional. Reka bontuk dii nopo nga kohompit no poruntukan montok liwang koposolimbahan om ababayan. Totobon sumuang nopo nga popokito do mural mozek tagayo i popokito do boogian taatanga do bangunan i numaan inlumisai momoguno jubin poimbida, tutungkap tinahak do kerajaan Pakistan. Pinopouhan nogi o UNESCO do pirundingan do tangaabaal muzium mantad mogikaakawo muzium sompomogunan.

Antakan di 4 Ngiop 1996, bangunan diti nopo nga pinosuang id Akta Antikuiti 169/1976 sabaagi monumen purba om kinoyonon kisajara.

Sukarelawan Muzium Malaysia (MVM)

[simbanai | simbanai toud]

Miampai sokodung mantad Jabatan Muzium Pogun, tulun di orohian do koubasanan om sajara i poingion id Kuala Lumpur miampai ginumu di agayo nopo nga minombontuk fo tinimungan manananud do tutumombului muzium miampai sukarela di toun 2007 montok monguhup do kinorikatan tutumombului sompomogunan di mingkawas. Id nonggo-nonggo timbu, lobi kuang 20 gisom 100 sukarelawan mantad mogikaakawo pogun pinopotounda do kotombuluyan id suang do boros Inggiris, Korea, Jepun om Perancis. Tinimungan diti nopo nga pinohimagon montok tutumombului id pogun Malaysia, om kumalaja lobi-lobi po antakan tadau minggu.[minog do kisukuon]

MVM nogi nga mompromosi do koubasanan tinungkusan om sajara Malaysia id sikul om papaanjul do kotombuluyan montok surupu kumaa kinoyonon id posorili do Kuala Lumpur om Malaysi. Poomitanan nopo nga tumombului id Kuala Kangsar om Georgetown, Santuari Gajah Kuala Gandah,[19][20] Diraja Selangor id Setapak om mamaramai Tadau Moyang id kampung Hma' Meri Orang Asli id Pulau Carey. Tinimungan diti nogi nga papaanjul do caramah om kalas kokomoi koubasanan tinungkusan om sajara pogun.[minog do kisukuon]

Di 2009, pinapaanjul o MVM do koposolimbahan "Jom Main" miampai posokodungan do Muzium Pogun, i minogintong kawagu do pomoinan koubasanan di koumbal pomoinon do tangaanak id pogun Malaysia.[minog do kisukuon]

Galeri

[simbanai | simbanai toud]

Kopokitanan om koposolimbahan id muzium diti nopo nga poinlongkod kumaa sajara, koubasanan om tradisi songkinoyonon, inus om tinunturu, aktiviti ekonomi, flora om fauna songkinoyonon, sanjata om tusin.[minog do kisukuon]

Muzium diti nopo nga papaladsong do mogikaakawo galeri, miampai tima poinsondii. Simbou siriba nopo nga popokito do sajara geografi om sandad semenanjung Tanah Melayu i tumimpuun do Timpu Batu, Timpu Gangsa om Timpu Besi, kerajaan Hindu-Buddha gisom kesultanan Islam Melaka. Negeri-negeri Melayu Hindu-Buddha nokodori miagal do Gangga Negara, Srivijaya om Majapahit nopo nga sinuku. Piipiro koleksi di haro nopo nga miagal do patung watu makara, gangsa Avalokiteshvara id Bidor, model candi Lembah Bujang id Kedah, om nogi popokito do niadaan timpu pogulu miagal do Borobudur Jawa om kapal Majapahit. Kopokitanan nopo nga tumilombus kumaa Kesultanan Islam Melaka om mogikaakawo pogun id Malaysia. Kopokitanan dii nopo nga popokito do kapansalan kesultanan Melaka montok identiti kabansaan Malaysia. Simbou koduo nopo nga montok sajara kolonial i minogoit do Kagabasan. Kiwaa kodolinan montok ponompon tulu diraja raja-raja Melayu.

Korita koubasanan

Toinsanan galeri nopo nga kohompit no do Galeri Sipoot Kabansaan om Galeri Sajara Posorili.[minog do kisukuon]

Id posorili do bongunan muzium, kiwaa piipiro kopokitanan do padsakayan labus id Malaysia, di pogulu po om timpu baino. Pameran Korita Lembu Melaka nopo nga kaagal-agal do korita kuda pogulu id Amerika. Kapansalan i au milo soguluanan nopo nga Lokomotif Stim i winonsoi di Kitson & Co, England, i gunoon di toun 1921 gisom notingkod di toun 1969. Kohompit iri do 1.5 riong watu rel; Korek Timah i kopiagal do kilang poinhampung, id tasik sandad toi ko' winonsoi. Pinokito nogi o padsakayan komotor, miagal do padsakayan sivik antik om padsakayan sondii, kohompit no do Proton Saga 1.3 liter di bobos tosopung, korita kabansaan kumoiso i pinosoliwan di 9 Mahas 1985.[minog do kisukuon] Suai ko' iri, haro nogi duo monumen id kinoyononon dii: patung gangsa Raja Edward VII, om patung Sir Frank Swettenham.

Muzium Pogun nogi nga pinapaharo do kopokitanan kitema koubasanan i popokito do aspek koposion om koubasanan pomogunan di pointantu. [minog do kisukuon]

Dewan Longkod

[simbanai | simbanai toud]

Ponginlumis montok silu do Dewan Longkod nopo nga jubin mozek miampai reka bontuk geometri obulou mantad Pakistan, miampai panel ukiran di apangkal id siling do dewan. Dewan Longkod nopo nga popoopi do kopokitanan toruhai, om kopokitanan kitema om poimbida i pohoroon id dewan diti miampai pialatan timpu montok mompromosi do kopurimanan kokomoi kopogikaakawaan koubasanan om tinungkusan do pogun. Koposolimbahan labus pogun nogi nga pohoroon do monoroinsan.[minog do kisukuon]

Koposolimbahan di nakatalib nopo nga kohompit no do The Islamic Civilization, Our King, The World of Flowers,Durian King of Fruits, Topeng dari Sarawak, 'World Currency, Islamic Frontiers of China, American Frontiers, om Seni Bina Agama dari Belanda. [minog do kisukuon]

Muzium diti nopo nga manahak panatalan di agaras kopio kumaa Alam Melayu, om soboogian tagayo nopo nga montok kopohimaganan do Koisaan Kabansaan Melayu Miiso (Pertubuhan Kebangsaan Melayu Bersatu), iso parti Barisan Nasional. Kiwaa okuri kokomoi kohompitan do Koisaan Sina Malaya (Persatuan Cina Malaya) om Kongres India Malaya, hinonggo tolu parti misokodung montok mamagampot do Kagabasan Tanah Melayu di 31 Magus 1957. [minog do kisukuon]

Istana Satu

[simbanai | simbanai toud]
Istana Satu

Iso kawagu pamagayat do muzium diti nopo nga istana kayu Terengganu di nokodori, miampai ginayo sandad i otutunan sabaagi Istana Satu. Winonsoi iti di Sultan Zainal Abidin III, Sultan Terengganu di toun 1884 id natad do Kota Istana Maziah, Kuala Terengganu. Bongunan diti nopo nga inus winonsoi tradisional Melayu Terengganu, id suang do bontuk di lohowon sabaagi "Rumah Tiang Dua Belas". Kayu i ginuno nopo nga cengal. Istana Satu diti nopo nga winonsoi id natad do Muzium Pogun di Ngiop April 1974.[minog do kisukuon]

Istana di noinsanangan kawagu nopo nga walai kayu i winonsoi montok kinoyonon tropika, miampai torigi di kaanu papawaya do tongus miampai obibas id siriba do bongunan om taap rahami i otidong montok poposogit do boogian suang. Kiwaa pinatu kayu di apangkal id boogian totobon om liligaon.[minog do kisukuon]

Id sampaping do Istana Satu nopo nga haro duo kelirieng toi ko' torigi lobong. Kelieng nopo nga winonsoi mantad guas kayu tokodou di agayo, nopotuan mantad sawat kumaa siriba. Relung id tisan nopo nga liwang montok rata susuhuon om tutumanud, om kiluang id boogian sawat montok popoili do balang di kisuang do tulang montok momuruan.[minog do kisukuon]

Pongarah

[simbanai | simbanai toud]
  • 1959–1963: Mubin Sheppard[21][22]
  • 1963–1967: J.J. Lowry[22]
  • 1968–1991: Shahrum bin Yub[22][23]
  • 1991–1996: Zulkifli bin Abd. Aziz[22]
  • 1996–2002: Kamarul Baharin bin Buyong[22]
  • 2002–2007: Dr. Adi bin Taha[22]
  • 2007–2008: Paiman bin Keromo[22]
  • 2008–2015: Ibrahim bin Ismail[22]
  • April 2015 – Manom 2015: Wan Jamaluddin bin Wan Yusoff[22]
  • Manom 2015 – baino: Kamarul Baharin bin A. Kasim[22]

Padsakayan awam

[simbanai | simbanai toud]

Muzium Pogun nopo nga poinladsong id dolikud, om pinopoolos do ngaran dau kumaa  KG15  stesen MRT Muzium Pogun id siriba do tana. Stesen (okon ko' muzium) pinooput kumaa  KA01  KS01  KJ15  KE1  KT1  MR1  KL Sentral maya ralan mamanau soninaru 200 meter (660 kaki). [minog do kisukuon] Akses mantad muzium kumaa wayaan mamanau kumaa KL Sentral nopo nga nuru kawaya do kinoyonon kitiket id stesen MRT Muzium Pogun om pomolian tiket koritapui.

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ 1.0 1.1 "Muzium Negara". Tourism Malaysia. Pinoopi mantad sand̠ad ontok 25 Mikat 2014. Linoyog ontok 25 Mikat 2014.
  2. ↑ "Muzium Negara". jmm.gov.my. Linoyog ontok 24 Momuhau 2022.
  3. ↑ "National Museum, Malaysia - Virtual Tour". Joy of Museums Virtual Tours (id boros Inggeris AS). Linoyog ontok 24 Momuhau 2022.
  4. ↑ 4.0 4.1 Abu Talib Ahmad (2014). Museums, history, and culture in Malaysia. NUS Press. p. 4. ISBN 978-9971-69-819-5. OCLC 951429389.
  5. ↑ 5.0 5.1 Tan, Kevin Y. L. (2016). Of whales and dinosaurs : the story of Singapore's Natural History Museum. pp. 80–83. ISBN 978-9971-69-855-3. OCLC 953692385.
  6. ↑ Wells, David (2007). The birds of the Thai-Malay Peninsula : covering Burma and Thailand south of the eleventh parallel, Peninsular Malaysia and Singapore. Christopher Helm. p. 728. ISBN 978-1-4081-3313-2. OCLC 659739244.
  7. ↑ Federated Malay States.; States, Federated Malay; Museum, Perak State; Museum, Selangor State (1906). Journal of the Federated Malay States Museums. Vol. 2. Kuala Lumpur: the Museums.
  8. ↑ "Herbert Christopher Robinson". Ibis (id boros Inggilis). 71 (3): 523–531. 13 Mikat 2008. doi:10.1111/j.1474-919X.1929.tb08772.x.
  9. ↑ "Search Results". www.nhm.ac.uk. Linoyog ontok 7 Gomot 2023.
  10. ↑ 10.0 10.1 Wilson, John-James (2021). "Colonial birding in the Thai-Malay Peninsula: Birds from the Selangor Museum now in World Museum, Liverpool". Journal of the Malaysian Branch of the Royal Asiatic Society. 94 (2): 121–139. doi:10.1353/ras.2021.0029. ISSN 2180-4338.
  11. ↑ Weebers, Robert C. M.; Idris, Hanizah (29 Momuhau 2016). "British Hill Stations in South Asia and Mainland South East Asia: British India, Ceylon, Burma and British Malaya: A Comparative Study". Journal of Southeast Asian Studies. 21 (1): 175–190. doi:10.22452/jati.vol21no1.9. ISSN 1823-4127.
  12. ↑ Shaughnessy, Elaine (3 Manom 2020). "The 1905 ascent of Mount Tahan (Malaysia) and fate of the bird collection". Society for the History of Natural History (id boros Inggeris AS). Linoyog ontok 7 Gomot 2023.
  13. ↑ Xmpsp (17 Mikat 2008). "iNfO LiPaTaN SeJaRaH : xmpsp.com: KONSPIRASI GUNUNG TAHAN". iNfO LiPaTaN SeJaRaH. Linoyog ontok 7 Gomot 2023.
  14. ↑ Association, Natural Sciences Collections (18 Mansak 2021). "Time To Figure Out Where Specimens Are Really From". NatSCA (id boros Inggilis). Linoyog ontok 7 Gomot 2023.
  15. ↑ Federated Malay States.; States, Federated Malay; Museum, Perak State; Museum, Selangor State (1905). Journal of the Federated Malay States Museums. Kuala Lumpur: the Museums.
  16. ↑ Alan Teh Leam Seng (7 Mikat 2017). "Museum that rose from ashes". New Straits Times.
  17. ↑ "Muzium Negara". welcome-kl.com. Pinoopi mantad sand̠ad ontok 9 Mansak 2013. Linoyog ontok 16 Madas 2012.
  18. ↑ "Malaysia National Museum , Kuala Lumpur | Malaysia". malaysian-nomad.asia (id boros Inggeris British). Linoyog ontok 24 Momuhau 2022.
  19. ↑ Kuala Gandah Elephant Sanctuary (Temerloh) Archived 18 Mahas 2011 at the Wayback Machine, Tourism Pahang.
  20. ↑ Kuala Gandah Elephant Sanctuary, Endemic Guides.
  21. ↑ "Profil Tan Sri Datuk Dr. Haji Abdul Mubin Sheppard" (id boros Malayu). Arkib Negara Malaysia.
  22. ↑ 22.00 22.01 22.02 22.03 22.04 22.05 22.06 22.07 22.08 22.09 "Sejarah - Ketua Pengarah Jabatan Muzium Malaysia" (id boros Malayu). Jabatan Muzium Malaysia. Linoyog ontok 19 Milatok 2017.
  23. ↑ Noraini Abd. Razak (3 Ngiop 2011). "Muzium jadi darah daging". Utusan Malaysia (id boros Malayu). Pinoopi mantad sand̠ad ontok 18 Milatok 2017. Linoyog ontok 18 Milatok 2017.

Pambasaan potilombus

[simbanai | simbanai toud]
  • Lenzi, Iola (2004). Museums of Southeast Asia. Singapore: Archipelago Press. p. 200. ISBN 981-4068-96-9.
  • Harris, Mark (1990). National Museum, Kuala Lumpur: History and culture of Malaysia. Kuala Lumpur: Syarikat S. Abdul Majeed, Pub. Division. p. 88 pages. ISBN 978-983-9629-15-6.
  • Gold jewellery and ornaments: In the collection of Muzium Negara, Malaysia. Kuala Lumpur: Persatuan Muzium Malaysia. 1988. p. 243 pages. ISBN 978-983-9579-00-0.
  • Haji Ali, Mohamed Kassim (1988). Masks of Sarawak in the collection of Muzium Negara Malaysia. Kuala Lumpur: Museums Association of Malaysia. p. 111 pages. ASIN B0006EHZ58.
  • bin Mohd. Yatim, Othman (1981). Chinese Islamic wares in the collection of Muzium Negara (Series on the ceramics collection of Muzium Negara). Kuala Lumpur: Muzium Negara. p. 99 pages. ASIN B0006E7THM.

Noputan labus

[simbanai | simbanai toud]

Media related to National Museum (Malaysia) at Wikimedia Commons

Naanu mantad "https://dtp.wikipedia.org/w/index.php?title=Muzium_Pogun_(Malaysia)&oldid=18887"