Arca

Arca Harihara Majapahit, piomungan do a Siwa om Wisnu sabagaai do popokito Kertarajasa. Poingion id Candi Simping, Blitar, dondo nopo nga' nosiliu koleksi Muzium Nasional Republik Indonesia.

Arca nopo diti nga' istilah id boros Indonesia ii sumuku do patung di kaanu popokito iso-iso entiti poimbida, koubasan nopo nga' tulun, kinaantakan, tayam, toi ko' kakamot falsafah. Tudu nopo nga' montok do panakalambang. Id Malaysia, istilah patung om murti nopo nga' lobi insaru do gunoon.

Tudu kinapamansayan

Kinapamansayan do arca nopo nga' kitudu sabaagi do media kotumbayaan, toi' ko' sarana montok sumambayang kumaa kinorohingan toi ko'dewa-dewi. Id Indonesia, arca nopo nga' notumbayaan do kiharo rati di poimbida mantad patung suai i koubasan do kibontuk asil seni ii kirati do iso kolumison. Mantad dii, proses momonsoi iso arca nopo nga' okon ko' osuhatan miagal do momonsoi iso patung koubasan.

Arca Bodhisattvadevi Prajnaparamita - Dewi Buddha kebijaksanaan, kakamot koleksi id Muzium Nasional Republik Indonesia. Prajñāpāramitā kirati do "Kesempurnaan Transenden Kebijaksanaan" id suang do Mahāyāna Buddha ii minaganu do gamut om sinumuni id suang do dinasti Jawa kuno; Sailendra maamaso abad ko-8.

Iso-iso arca nogi nga' kaanu popokito riwayat sajara toi ko' kinaantakan di nokoindalan id timpu di laid. Poomitanan nopo nga' Arca Airlangga ii popokito do koposion di Raja Airlangga ii minomiduo do kerajaan Kahuripan maamaso di toun 1045 kumaa duo entiti karajaan ii otutunan sabaagi do Jenggala om Kediri (otutunan nogi sabaagi do Dhaha toi ko' Panjalu). Iti nopo nga' winonsoi do raja di kingaran do i Abdullah. Kisah Airlangga diti nopo nga' pinosiliu do arca sabaagi do i Wisnu ii sinumakai do Garuda id suang do Arca Airlangga: popokito do Airlangga nopo nga' nosiliu sabaagi do moningolig om mantamong do pomogunan (kowoowoyoon di Wisnu), om Garuda di sasakayon di Wisnu sabaagi lambang kobibasan montok karajaan Kediri om nosiliu do simbol kerajaan Kediri ii otutunan sabaagi do "Garudamukha".HOI

Poristilahan

Etimologi

Tumanud etimologi, istilah arca nopo diti nga' gunoon montok sumuku kumaa patung ii naanu mantad istilah id suang do boros Jawa Kuno ꦉꦕ (rêca) ii kirati do "kohoroon" toi ko' "imej" ii popokito do iso-iso entiti poimbida ii winonsoi mantad do watu. Koubasan nopo, arca nopo nga' kopokitanan do tulun, tayam, kinaantakan toi ko' kakamot falsafah.

Pomogunaan

Pomogunaan istilah arca nopo nga' koubasan kopio gunoon do tinaru Hindu om Buddha id Indonesia. Tinaru Hindu, Buddha om Jain id India om pogun-pogun suai m(kohompit no Malaysia om Singapura) oubas do momoguno istilah diti tumanud do Sanskrit ii otutunan sabaagi do मूर्ति (mūrti) dan प्रतिमा (pratima) ii kirati do "timot", "koulayan", toi ko' "kopokitanan do gusod toi diwa".

Hindu

Id suang do kotumbayaan Hindu, arca nopo nga miagal do Murti (Dewanagari: मूर्ति), toi ko' murthi, i sumuku kumaa citra i popokito do Sunduan Kinorohingan (murta). Kirati do "penubuhan", murti nopo nga kaharaan aspek kinorohingan (dewa-dewi), koubasan nopo nga winonsoi mantad watu, kayu, toi ko' logam, i kifungsi sabaagi sarana om ontokon konsentrasi kumaa Kinorohingan id suang do panambayangan. Tumanud kotumbayaan do Hindu, nuru sambayangan o murti sabaagi fokus pamarayahan kumaa Kinorohingan kalapas olohou o sunduan om poingion id suang dau, miampai tudu montok manahak persembahan toi ko' sesaji. Perwujudan dewa atau dewi, baik sikap tubuh, atribut, atau proporsinya harus mengacu kepada tradisi keagamaan yang bersangkutan.

Koubasan nopo, arca diti nopo nga aiso id candi. Candi nopo nga milo haro iso arca, nga iso arca nopo nga au po oilaan haro id candi. Kiwaa tolu kawo arca tumanud do kualiti mamarayou dau miagal do:

• Arca Istadewata, arca di sinanganu do soosongulun, gisom kaanu oiton id nonggo-nonggo.
• Arca Kuladewata, arca di sinanganu do isoiso paganakan, koubasan haro id walai.
• Arca Garbadewata, arca i royohon do tongotulun, id konteks do tulun ginumuan.

Buddha

Murti nogi nga pantangon kopio id suang do ugama Buddha, lobi-lobi po mazhab Mahayana maamaso sumambayang, sabaagi ontokon do royohon toi ko' fokus meditasi. Paarayahan murti nopo nga unsubon kopio id suang do Hindu om Buddha, lobi-lobi no maamaso Dwapara Yuga, miagal do i noroitan id suang do naskah Pañcaratra. Id suang do kotumbayaan Buddha, arca Buddha Gautama nopo nga roitan sabaagi Buddharupa.

Laksana

Kopokitanan Dewa Brahma sabaagi kitulu apat

Arca dewa, dewi, toi ko' boddhisatwa koubasan no gunoon id ponginlumis di apagon om mewah, miagal do jamang, jatamakuta (mahkota), subang (nanting), cincin, golang, kelat bahu, upawita, pending, pongogos tian, pongogos tawak, pongogos pakou om golong gakod.

Au miagal do patung koubasan i winonsoi miampai obibas tumanud kosionuan do momomonsoi patung, arca dewa-dewi, buddha, bodhisattwa toi ko' makhluk spiritual pointantu nopo nga haro kowoowoyoon di roitan sabaagi laksana, i kirati do atribut toi ko' kakamot-kakamot pointantu i noit do arca diti sumiliu do kowoowoyoon dau. Laksana nopo diti nga nopogiu'upakatan no id suang do ikongrafi inus Hindu om Buddha.

Id siriba nopo nga laksana toi ko kowoowoyoon atribut dewa-dewa toi ko' lundu spiritual suai:

• Shiwa: Haro mato kotolu id budal, id mahkota dau nopo nga haro tulan misawang om tengkorak i roitan sabaagi Ardhachandrakapala, upawita (tali kasta) tulanut naga, momoguno do cawat kulit harimau i pinokito miampai ukiran tulu om tikiu do harimau id po'o dau, haro apat longon i mogoit do atribut, i otutunan sabaagi do trisula, aksamala (tasbih), camara (pongugad langau), om kamandalu (kendi). Wahana (sasakayon) nopo nga Nandi.
• Wishnu: Momoguno do mahkota abantug jatamakuta, kiwaa apat longon i mogoit atribut, i otutunan sabaagi do chakra (piringan cakram), cengkha (cangkang kakahut kitalad), gada, om tua' toi ko' kuncup bunga padma. Wahana nopo nga Garuda.
• Brahma: Haro apat tulu id monikid pisuk mato tongus, momoguno do mahkota abantugjatamakuta, haro apat longon i mogoit do atribut i otutunan sabaagi kitab, aksamala (tasbih), camara (pongugad langau), om tua' toi ko' kuncup bunga padma.Wahana nopo nga Hamsa (angsa).
• Agastya: Shiwa id kohinoon dau nopo nga sabaagi resi brahmana pertapa, kopokitanan nopo nga sabaagi kusai totuo di kiganggut om agayo tian, mongigit do aksamala, kamandalu, om trisula.
• Ganesha: Putra Shiwa i kitulu do godingon diti nopo nga pinokito sabaagi haro apat longon miampai longon tolikud nopo nga mongigit do aksamala om kampak, om longon id gulu nopo nga mongigit do mangkup i siopon do belalai dau, miampai goding di pinutul.
• Durga: Sawo di Shiwa diti nopo nga insaru koimbulai sabaagi do Mahisashuramardhini (mamatai do lembu asyura) om posisi monindas do raksasa lembu. Pokitonon isido sabaagi tondu di olundus id suang do rasuk kogoyoon miampai walu longon toi ko' hopod om dua, om mongigit do mogikaakawo senjata miagal do gayang, kolid, dangol busur pindong, tua' pindong, chakra, cengkha, om longon i mongonggom do tobuk di Mahisashura om mamagayat do tikiu dau. Wahana nopo nga Singa.
• Laksmi: Sawo di Wishnu nopo nga dewi koimogoton om kolinuudan. Pinokito sabaagi songulun tondu tolundus miampai rasuk kogoyoon om haro duo toi ko' apat longon i mongigit do padma (tolipuk taragang).
• Saraswati: Sawo di Brahma diti nopo nga dewi toilaan om koinusan. Pinokito sabaagi songulun tondu tolundus miampai rasuk kogoyoon om haro apat longon i mongigit do kakamot tuunion sitar, aksamala, om kitab lontar. Wahana dau nopo ngahamsa (angsa).
• Wairocana: Buddha ponguasa longkod zenith pinokito sabaagi Buddharupa id suang do posisi bersila toi ko' poinrikau mudra (kowoowoyoon longon) dharmachakra mudra toi ko' witarka mudra.
• Awalokiteswara: Momoguno do mahkota abantug jatamakuta i haro ukiran do Buddha Amitabha id taatanga, kilongon duo toi ko' apat i mogoit do atribut tua' toi ko' kuncup bunga padma.
• Maitreya: Momoguno mahkota abantug jatamakuta miampai ukiran stupa id taatanga.
• Prajnaparamita: Dewi kabaalan buddha diti pinokito sabaagi songulun tondu tolundus miampai rasuk kogoyoon om poinrikau id suang do posisi tolipuk miampai mudra dharmachakra (monurug ruda dharma). Longon gibang dau nopo nga maganu do guas bunga tolipuk hinonggo id sakai dau nopo nga haro naskah lontar kitab Prajnaparamita sutra.

Intangai nogi

• Patung
• Boneka