Nowa Jazorina

**Bronkow**
	Bronkow (Bramborska)
	Bronkow (Bramborska)
Zakładne daty
stat	Nimska
zwězkowy kraj	Bramborska
wokrejs	Górne Błota-Łužyca
wusokosć	118 metrow n.m.gł.
płonina	38 km²
wobydlaŕstwo	592 (31. dec 2017)
gustosć zasedlenja	16 wob. na km²
postowa licba	03103
pśedwólenje	( 49) 035751
awtowe wobznamjenje	OSL, CA, SFB
šołtowka	Simone Abt
adresa	Marktstraße 1; 03229 Stara Darbnja
Połoženje w Bramborskej
	kórta
	wikidata: Nowa Jazorina (Q589559)

51.614.083333333333

Koordinaty: 51° 36′ N, 14° 5′ O

Nowa Jazorina (nimski Neu-Seeland) jo dolnołužyska wjas a gmejna we wokrejsu Górne Błota-Łužyca na pódpołdnju Bramborskej a źěl amta Stara Darbnja. Nowa Jazorina lažy w serbskem sedleńskem rumje.

Mě gmejny źo wót Łužyskej jazoriny (nim. Lausitzer Seenland), kótaraž jo nastała pśez połnjenje z wódu wótwórjonych źěrow łužyskego brunicowego rewěra a hyšći nastawa. Toś ten proces jo měł mócny wliw na krajinu a sedleńsku strukturu w cełem regionje, dokulaž jo se wjele něgajšnych jsow how wótbagrowało. Starodarbnjojski jazor, Rański jazor, Sedlišćański jazor a Parcowski jazor granicuju pśi tom z teritoriumom gmejny.

Wejsne źěle

K gmejnje słušaju wejsne źěle:

Bobošojce (Bohnsdorf) z gmejnskimi źělami Lěska (Lieske) a bydleńskimi městnami Lindojske Pólo (Lindenfeld), Žarnojske Budy (Sornoer Buden) a Cłonica (Zollhaus)
Lindow (Lindchen) z gmejnskimi źělami Lask (Leeskow) a bydleńskimi městnami Lambownja (Dörrwolf), Chójany (Kunersdorf) a Nowy Młyn (Neue Mühle)
Lubochow z gmejnskimi źělami Górski Młyn (Bergmühle), Halankojc Młyn (Halangmühle) a Lubochojski Młyn (Lubochowmühle)
Rašyn (Rassen).