Dehak
| Zerduştiye |
|---|
 Fırwehar, sembolê dinê Zerduştiye |
| Mewzuyê seri |
| Meleki u Feleki |
| Nuştey u İbadet |
| Pêgırewtey u Destani |
| Tarix u kultur |
| Muridi |
Dehak mitolociya İranıcan de karaktero şeytanio. Dehak be xo Ewısta miyan de zi ravêreno. Dehak lacê Ehrimenio, duşmenê Ahura Mazdao u des hezar estorê cı estê.
Dehak qıralo pancıno ke hukumdar Cemşid ra tepeya textê İran u Turani ra ronışeno. Efsaneye vano ki, Dehak zulım u xırabi siyeno, coka serê xo de zey serê mari u ejderha dı gemugi veciyenê. O taw doktoran nêşenê sebebê veciyayışê gemugan bızanê. Rocan ra yew roce şeytan kıncê merdumi dano xo u yeno vera Dehaki. Şeytan Dehaki rê vano ki çarey nêweşiya to, mezgê merdumi dırbetiya xo sero tırakerdışo. Qalkerdışê şeytani ra tepeiya Dehak her roce dı merdıman kışeno u mezganê inan dırbetiya xo sero tıra keno. Decê xo kemi beno, heta peyinyevênayışê dırbetiya xo, merdumê ke Dehak wezifa daya, ê her roce dı merduman kışenê.
Zulımê Dehaki bes benê, merduman ser darenê we. Yew merdumo ke Dehak kar dano, nêşeno karê xo biyaro ro cı, her dı merdumê ke o tepışenê, yewê inan serbest ca verdeno u herunda cı de serê bıze bırneno u ey ano vera Dehaki. Merdımê ke zulımê Dehaki ra remayê, u ê zerrey koy de kom benê. Merdıman serdariya Kaveh Ahangari de arê benê, şınê seraya Dehaki. İnan uca de Dehak anê cêr, ey kışenê. Zulımê Dehaki qediyenê.