igitur esse volumus universis, ad quos pervenerit presens scriptum, quod nos libera
voluntate et consensu heredum nostrorum proprietatem duorum mansorum in Bronstorp
et aream cum omni iure in campis et in villa prenotata, quemadmodum Arnoldus de
Gerenrode a nobis tenuit titulo feodali, donavimus conventui sanctimonialium in Hedesleve perpetuo possidendos. Ut autem hec donatio robur obtineat perpetue firmitatis,
dari fecimus predicto conventui in testimonium presentem paginam sigillorum nostrorum
munimine roboratam. Testes huius sunt: Jordanus miles de Nendorp pincerna nec non
Jordanus filius eiusdem, Rese de Blankenborch miles, Conradus de Quenstede miles,
Arnoldus de Gerenrode famulus, et alii quam plures layci fide digni.
Datum Blankeborch, anno Domini millesimo trecentesimo quinto, in vigilia conversionis
beati Pauli apostoli.
1305. Januar 25. Schloss Brücken. Fürst Otto II von Anhalt nimmt die Aebtissin und den Klosterconvent zu Nemzen in seinen Schutz.
Otto dei gracia princeps de Anhalt et comes Ascharie omnibus presens scriptum intuentibus in omnium salvatore salutem. Ut Deo dilecte et nobis filie abbatissa totusque conventus sanctimonialium in Nemzen Deo liberius deservire ac pro nobis Dominum libencius exorare valeant, ipsas cum omnibus earum bonis in nostram recipimus protectionem, precipientes universis nostris officialibus ac precipue nostro advocato in Nuenhofe, ne predictas sanctimoniales in ullis offendant, sed in omnibus studeant promovere. Datum in Brucken castro nostro, anno Domini mo.cococovo, in die beati Pauli conversionis.
1305. April 8. Konrad, Edler von Warberg, entschädigt die Magdeburger Kirche für Güter, welche diese den Klöstern Riddagshausen und Volkerode sowie ihm selbst überlassen, durch andere Besitzungen, darunter auch solche zu Buggenrode und Schortewitz.
Nos Conradus nobilis de Werberghe recognoscimus tenore presentium protestantes, quod pro proprietate septem mansorum, videlicet in Reynstorp sitorum, quam venerabilis in Christo pater dominus noster Borchardus sancte Magdeburgensis ecclesie archiepiscopus de consensu unanimi eiusdem ecclesie capituli dedit viris religiosis domino abbati et conventui monasterii in Riddagehusen, et pro proprietate duodecim mansorum in Brucschoven sitorum, quam idem dominus noster archiepiscopus de consensu unanimi
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 66. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_066.jpg&oldid=- (Version vom 31.7.2018)
