Yuŋ' Suurili

Yuŋ' Suurili

surah

Pahi la	Alikuraan
Zuliya wuhibu	الليل
Japan zuliya (yuli kana) sabbu ni	よる
Siɣili-lana yuli	yuŋ
Be lɛbigili zuliya nima ni	92. The Night, Q31204765
Balli tuma bɛi balli yuli	laribanchi
Tuma ŋɔ maa zaa bɛla URL maa ni	https://quran.com/92
Nahingbaŋ	Meccan surah

Yuŋ' Suurili (Al-Layl ٱللَّيْل)

Suurili ŋɔ maa wuhirila kali mini binnamda sunsuuni, ni ninsala bahigu ni yεn ti nyɛ shɛm n-zaŋ jɛndi o tuuntumsa, ni Naawuni ni wolgi binyɛra din viɛla ni din bi viɛla shɛm.

Aaya nima

Aaya nima:

• 1. M (Mani Naawuni) po yuŋ, di yi ti zibgi.
• 2. N-lahi po wuntaŋ ni, di yi ti neei.
• 3. Yaha! M (Mani Naawuni) po binshɛɣu din nam doo ni paɣa.
• 4. Achiika! Yi tuuntumsa nyɛla koŋkoba.
• 5. Amaa! Ninvuɣu so ŋun ti pini, ka zo Naawuni.
• 6. Ka ti yɛlimaŋli ni yɛltɔɣa suŋ (Laa’ilaaha illallahu).
• 7. Tɔ! Ni baalim, Ti (Tinim’ Naawuni) ni balgi faako soli n-ti o.
• 8. Yaha! Amaa! Ŋun ti niŋ biɛm, ka o nini tiɣi o buni (ka che Naawuni dolibu).
• 9. Ka labsi yɛltɔɣa suŋ maa ʒiri.
• 10. Tɔ! Ni baalim, Ti ni balgi miisim soya n-ti o.
• 11. O mi liɣiri ku niŋ o anfaani, o yi yɛn kpe hallaka (buɣum) ni.
• 12. Achiika! Dolsigu bela Ti (Tinim’ Naawuni) sani.
• 13. Yaha! Chiyaama mini Dunia nyɛla Ti dini.
• 14. Dinzuɣu, mani (Muhammadu) niŋdi ya la wa’azu ni yi zom buɣum shɛli din dabri dabɛm.
• 15. So ku kpe li naɣila zuɣubɛɣulana.
• 16. Ŋun labsi Chiyaama ʒiri, ka lԑbi biri.
• 17. Yaha! Ni baalim, ninvuɣu so ŋun zɔri Naawuni (ti toondana Abubakar) ni niŋ li katiŋa.
• 18. Ŋuna n-nyɛ ŋun tiri o liɣiri, ka niŋdi li kasi.
• 19. So mi n-kani o sani mali ni’ima shɛli ka bɛ ni bɔri di sanyoo o sani.
• 20. Naɣila o Duuma So Ŋun dula yɛdda bobu zuɣu.
• 21. Yaha! Ni baalim, O ni saɣi ti (bɛ ni yɛn ti yo o sam shɛli maa)