Elsie Effah Kaufmann
Elsie Akosua Biraa Effah Kaufmann (FGA, FBSE, FGhIE, PE) (be ni dɔɤi so silimiin gɔli September biɛra ayɔpoin, yuuni 1969) [1][2]
Elsie Akosua Biraa Effah Kaufmann nyɛla Gana shikuru baŋsim yaɣili ŋɔ shikuru baŋsim kpema, biomedical engineer, ka lahi nyɛ ŋun mali National Science and Maths Quiz n tiri salo. Yuuni 2020 burunya goli ni, be daa pii Elsie Kaufmann associate professor n zaŋ ti University of Ghana, ka daa lahi piigi o n lee shikuru bihi toondana August tuuli dali, yuuni 2022
O shikuru baŋsim mini o piligu
[mali niŋ | mali mi di yibu sheena n-niŋ]Karimba nim dapala, o yila Assin na, din be Central Region la, Gana. O ba, Yusuf K. Effah daa nyɛla karimba kpema n zaŋ ti T.I. Ahamadiyya Senior High Shikuru din be Kumahi la, ka daa ti lahi nyɛ Shikuru baŋsim director Western Region ni. Kaufmann pili O Secondary Shikuru Aburi Girls Senior High Shikuru, ka daa chaŋ United World College of the Atlantic n ti karim deei o International Baccalaureatw Diploma, yuuni 1988. O daa lahi tuɣi chaŋ University of Pennsylvania n ti karim deei o Bachelor of Science Engineering puuni (BSE), Masters of Science Engineering (MSE), ni doctorate(PhD) bioengeneering ni.
O TUMA
[mali niŋ | mali mi di yibu sheena n-niŋ]Prof. Kaufmann daa nyɛla vihigu vihigu kpema(research Supeevisor) Chemistry bɔhimbu yaɣili Rutgers University din be Nee Jersey, United States of America, zaŋ gbaai May yuuni 1998 hali ni June yuuni 2001. O daa lahi nyɛla karimba paa bioengeneering bɔhimbu yaɣili University of Pennsylvania, United States of America puuni. O daa lahi nyɛla lexturer kpema ni tuuli kpema n zaŋ ti Biomedical Engineering bɔhimbu yaɣili, University of Ghana (yuuni 2006 zaŋ chaŋ yuuni 2012, nyɛla yuuni 2014 zaŋ chaŋ yuuni 2016). Elsie Effah Kaufmann nyɛla visiting scholar ni zuɣ' lana n zaŋ ti orthoti s mini prosthetics bɔhimbu yaɣili University of Health and Allied Sciences, Ho yaɣili, Gana. O lahi nyɛla university council member zaŋ ti Ghana Communication Technology University. O lahi bɛla board of African Gifted Foundation Ghana (African Science Academy) n ti pahi British International Shikuru, Gana.
O nyɛla tuuli paɣa bɛ ni pii shikuru bihi toondana n zaŋ ti Engineering Sciences yaɣili, University of Ghana, o ni daa kuli pili di tuma August tuuli dali, yuuni 2022. O daa lahi bɛla ninvuɣ' shɛba ban kuli piligi Engineering Sciences shikuru. Ti ni ʒi saha shɛli ŋɔ o nyɛla zaɣ' lana n zaŋ ti Ghana Society of Biomedical Engineers laɣingu.
O KPAŊMAŊ' PINA
[mali niŋ | mali mi di yibu sheena n-niŋ]Kaufmann daa nyɛla ŋun pahi International Womens Forum Leadership Foundation. Yuuni 2009, O daa deei kpaŋmaŋ' pini din wuhi ni ŋuni n nyɛ karimba so niŋ kpaŋ o maŋ nyaŋ karimba kam University of Ghana, di yi ti kana Science polo.
O lahi nyɛla tuuli paɣ' so ŋun deei 2018 Golden Torch pini, din nyɛ dunia karim baŋsim toontali pini, din daa yi National Society of Black Engineers (NSBE) nim sani na, din daa kuli niŋ ka be ʒini yuuni kam ʒinahigu din pahiri pihinahi ni anahi United States of America tingbani ni. O daa lahi deei National Society of Black Engineers nim Golden T.O.R.C.H(Technical OutReach and Community Help) pini shɛli din wuhiri o kpaŋmaŋa zaŋ chaŋ karim baŋsim yaɣili dunia ni, n ti lahi pahi o ni daa zaŋ zaɣa pam n zaŋ ti tabibi tabibi karim baŋsim yaɣili bɛ ni mi shɛli Science, Technology, Engineering and Mathematics(STEM) la.
Yuuni 2022 Exclusive Mem of the Year ʒinahigu la ni, o daa lahi deei pini shɛli din wuhiri ŋun daa nyɛ paɣ' so ŋun gaŋdu yuuni maa zaa.
O nyɛla ŋun mali PMP shɛhira gbaŋ din yi Institute of Project Management Professionals nim sani na.
Elsie Kaufmann daa lahi nyɛla ŋun mali nuu timbu Executive Education program nim Havard Business Shikuru mini INSEAD.
O DAŊ
[mali niŋ | mali mi di yibu sheena n-niŋ]Kaufmann nyɛla ŋun mini o yidana che taba. O malila bihi ata, bipuɣinsi ayi ni bidibiga ŋun yuli booni Augustus Kofi Effah Kaufmann. O lahi mali o tizo paɣa ŋun yuli booni Belinda Yaa Dankwaa Effah ŋun nyɛ United Bank of Africa (UBA) Ghana Limited banki zuɣ' lana.
Elsie Effah Kaufmann | |
|---|---|
 | |
| Born | 7 September 1969 Accra, Ghana |
| Nationality | Ghanaian |
| Education | |
| Occupations |
|
| Employer(s) | University of Ghana, Legon |
| Known for | Quiz Mistress for the National Science and Maths Quiz (2006 – present) |
| Awards | Fellow of the International Women's Forum Leadership Foundation |