Ryan Day

Ryan Day
Ganwyd	23 Mawrth 1980  Pontycymer
Dinasyddiaeth	Cymru
Galwedigaeth	chwaraewr snwcer
Chwaraeon
Gwlad chwaraeon	Cymru

Mae Ryan Day (ganwyd 23 Mawrth 1980) yn chwaraewr snwcer proffesiynol o Gymru. Fel adeiladwr pwyntiau gwych, mae wedi casglu mwy na 300 o rediadau dros gant o bwyntiau yn ystod ei yrfa.

Gyrfa

Gyrfa cynnar

Ganwyd Day ym Mhontycymer, Pen-y-bont ar Ogwr, a dechreuodd ei yrfa broffesiynol trwy chwarae yn Nhaith y DU ym 1998, a oedd ar y pryd yn daith broffesiynol ail lefel. Fe'i enwyd yn Chwaraewr Ifanc o Ragoriaeth y tymor 2000/2001 gan Gymdeithas Biliards a Snwcer Proffesiynol y Byd (WPBSA). Enillodd Bencampwriaeth Benson & Hedges 2001. Trwy ennill y gystadleuaeth hon, roedd yn gymwys i chwarae yn y Meistri yn 2002, lle y maeddodd Dave Harold, cyn colli 0-6 yn erbyn Stephen Hendry. Enillodd Taith Sialens WPBSA hefyd yn ystod tymor 2001/2002 a chafodd ei enwi'n Newydd-ddyfodiad y Flwyddyn WPBSA yn 2002. Oherwydd problemau gyda'i iau yn 2003, dioddefodd ei ganlyniadau yn wael iawn.

Yn 2004, fodd bynnag, sicrhaodd le ar gyfer Pencampwriaeth Snwcer y Byd a bu ar y blaen yn erbyn John Higgins o 9-7 yn y rownd gyntaf, gan fod y chwaraewr cyntaf i sgorio tri sgor o gant yn ei gêm gyntaf yn y Crucible, ond methodd y bel binc yn yr 17eg ffrâm a fyddai wedi golygu fod angen snwcer ar Higgins i aros yn y twrnament. Aeth Higgins ymlaen i ennill y ffrâm a'r ddwy ffram nesaf i ennill y gem. Fel rhywfaint o gysur, dywedodd Higgins fod Day "yn mynd i fod yn chwaraewr o safon uchel am flynyddoedd i ddod".

2005–2011

Cyrhaeddodd Day rownd go-gynderfynol ei dwrnamaint cartref, Agored Cymru 2005 gan drechu Allister Carter a Steve Davis ar hyd y ffordd (yn dod yn ôl o 0-4 i guro Steve Davis 5-4). Gorffennodd y tymor hwn yn y 33ain safle, ond gan nad oedd Quinten Hann yn cymryd rhan mewn unrhyw ddigwyddiadau, roedd Day bob amser ymhlith y 32 uchaf, oedd yn golygu un gêm yn llai i chwarae i fod yn gymwys, nag y byddai fel arall wedi ei wynebu.

Yn ôl yn y Crucible yn 2006, curodd Joe Perry 10-3 yn y rownd gyntaf ac roedd yn y blaen o 9-7 yn erbyn Ronnie O'Sullivan yn yr ail rownd cyn colli 10-13. O ganlyniad, methodd o drwch blewyn a chyrraedd yr 16 uchaf.

Y tymor 2006/2007 oedd y mwyaf llwyddiannus o'i yrfa hyd yn hyn. Cyrhaeddodd Day rowndiau gogynderfynol Tlws Gogledd Iwerddon yn 2006 a daeth yn ail yng Nghwpan Malta 2007, gan golli o 4-9 yn erbyn Shaun Murphy. Sicrhaodd perfformiad y flwyddyn honno iddo le yn 16 gorau yn y byd ar gyfer tymor 2007/2008, un lle yn uwch na'r flwyddyn flaenorol. Fel aelod o'r 16 uchaf, roedd yn gymwys yn awtomatig ar gyfer twrnameintiau.

Dechreuodd tymor 2007/2008 Day gydag ymddangosiad yn rownd derfynol Meistri Shanghai; Roedd Day ar y blaen i'w bartner ymarfer Dominic Dale 6-2 ar ôl y sesiwn gyntaf, ond yn y pen draw fe'i trechwyd o 6-10. Ar ôl methu â symud ymlaen i'r 16 olaf yn y tair twrnamaint nesaf, fe gyrhaeddodd rownd cyn-derfynol Twrnament Agored Tsieina, gan guro Matthew Stevens, Ken Doherty a Mark Williams cyn iddo gael ei guro gan Stephen Maguire 5-6, a wadodd lle iddo yn y rownd derfynol. Fe wnaeth Day fynd i'r rownd go-gynderfynol Pencampwriaeth y Byd am y tro cyntaf yn ei yrfa trwy faeddu Michael Judge o Iwerddon 10-6 a'r pencampwr amddiffynnol John Higgins 13-9 yn un o enillion gorau ei yrfa cyn colli 7 -13 i Stephen Hendry. Gwnaeth ei berfformiadau cyson sichau'r 8fed safle iddo.

Cyrhaeddodd Day rownd derfynol Grand Prix 2008 lle collodd i John Higgins, gan drechu Ricky Walden, Mark Selby, Jamie Cope ac Ali Carter. Daeth y flwyddyn i ben ar nodyn siomedig pan gollodd yn y rownd gyntaf ym Mhencampwriaeth y DU i Matthew Stevens. Fe gyrhaeddodd rownd go-gynderfynol Pencampwriaeth y Byd yn 2009, cyn colli 11-13 i Mark Allen. Fodd bynnag, parhaodd i ddringo'r safleoedd, gan gyrraedd rhif 6, y chwaraewr yn y safle uchaf a oedd heb ennill unrhyw gystadleuaeth.

Roedd tymor 2009/2010 yn un siomedig gan iddo gyrraedd dim ond un chwarter olaf (yn Agored Cymru), gan arwain at golli yn y rownd gyntaf o 8-10 ym Mhencampwriaeth y Byd i Mark Davis. Parhaodd hyn i mewn i'r tymor nesaf lle cafodd ei drechu nifer o weithiau yn y rowndiau cynnar a oedd yn golygu, yn yr adolygiad cyntaf o dan y system graddio newydd, ei fod yn gadael yr 16 uchaf, a disgyn i lawr i rif 20.

Tymor 2011/2012

Sicrhaodd Day le ar gyfer pump o'r wyth twrnamaint safle yn ystod tymor 2011/2012, gan golli yn y rownd gyntaf mewn pedair ohonynt. Daeth ei berfformiad gorau ar ddiwedd y tymor yn y digwyddiad mwyaf ar galendr y twrnamaint, Pencampwriaeth y Byd. Daeth yn ôl o 3-7 i lawr yn ei gêm i fod yn gymwys i chwarae, yn erbyn Gerard Greene i ennill 10-8, i chwarae yn gêm y rownd gyntaf yn erbyn rhif 1 Tsieina, Ding Junhui. Daeth Day yn ôl, y tro hwn o fod ar ei hôl hi 6-9 i ennill y 4 ffram olaf a symud ymlaen i'r ail rownd. Yno enillodd yn erbyn Cao Yupeng 13-7 a buodd ar y blaen o 5-2 yng nghyfnodau cynnar ei gêm go-gynderfynol yn erbyn ei gyd Gymro Matthew Stevens. Fodd bynnag, dioddefodd figrein ar ddechrau'r sesiwn nesaf ac aeth ymlaen i golli 11 ffram yn olynol i adael y twrnamaint 5-13. Gorffennodd Day y tymor yn rhif 30 yn y byd.

Tymor 2012/2013

2012 Paul Hunter Classic

Collodd Day wrth gymhwyso ar gyfer digwyddiad safoni agoriadol tymor 2012/2013 y Wuxi Classic 0-5 i Robert Milkins. Yna cafodd ei guro yn ail rownd Pencampwriaeth Goldfields Agored Awstralia a Meistri Shanghai, 3-5 i Matthew Selt a 0-5 i John Higgins yn y drefn honno. Cafodd Day ei drechu 3-6 gan Neil Robertson yn rownd agoriadol y Pencampwriaeth Ryngwladol, ond wedyn daeth y canlyniad gorau o'i dymor ym Mhencampwriaeth y DU. Maeddodd Ding Junhui 6-4 yn y rownd gyntaf mewn gem o safon uchel, ac er iddo fod ar y blaen o 3-0 yn erbyn Mark Selby, rhif dau y byd, colli a wnaeth o 4-6. Chwaraeodd Day mewn naw o'r deg digwyddiad Pencampwriaeth Chwaraewyr Mân-Safle yn ystod y tymor gyda'i ganlyniadau gorau pan gollodd ddwywaith yn y rowndiau go-gynderfynol i fod yn safle 32 y Rhestr Teilyngdod, ychydig y tu allan i'r 26 uchaf a oedd yn gymwys ar gyfer y Rowndiau Terfynol. Cafodd Day hi'n anodd yn ail hanner y tymor gan ei fod wedi methu â chymhwyso ar gyfer pedair o'r pum digwyddiad a oedd yn weddill, gan golli 2-5 yn rownd gyntaf Pencampwriaeth Agored y Byd i Mark Allen yn yr un a gyrhaeddodd. Methodd â bod yn gymwys ar gyfer Pencampwriaeth y Byd am y tro cyntaf ers 2006, gan golli o drwch blewyn i Ben Woollaston 9-10 yn y bedwerydd a'r rownd derfynol i fod yn gymwys. Gorffennodd y tymor yn rhif 31 y byd.

Tymor 2013/2014

Meistri'r Almaen 2014

Cafodd Day ei guro yn yr ail rownd unwaith ac yn y rownd gyntaf dair gwaith yn y pedwar digwyddiad agoriadol yn ystod tymor 2013/2014, ond yna cyrhaeddodd y rowndiau chwarter olaf am y tro cyntaf am dros blwyddyn yn y Bencampwriaeth Ryngwladol. Enillodd Day y ffrâm gyntaf yn erbyn Joe Perry ond fe'i curwyd yn drom o 6-1. Aeth un cam ymhellach ym Meistri'r Almaen ac, mewn ymgais i chwarae yn ei rownd derfynol gyntaf ers 2008, daeth yn ol o 5-3 i lawr yn erbyn Ding Junhui i fod yn gyfartal, ond collodd y ffrâm olaf. Dilynodd triawd o golledion ail rownd a cholli'r rownd gyntaf ym Mhencampwriaeth Agored Tsieina. Ym Mhencampwriaeth y Byd, daliodd ati pan ddaeth Stephen Maguire yn gyfartal o 8-4 a 9-6 ar ei hôl hi yn y rownd gyntaf, i ennill y ffrâm derfynol a symud ymlaen i'r ail rownd. Yna daeth ei dymor i ben pan gollodd o 13-7 yn erbyn Judd Trump, ond dringodd10 safle i fod yn rhif 21 yn y byd, y safle gorau iddo ers pedair mlynedd.

Tymor 2014/15

Meistri'r Almaen 2015

Am yr ail dymor enillodd Day ei le ar gyfer pob digwyddiad safoni. Cael ei orchfygu yn y 16 olaf yn y Wuxi Classic a Meistri Shanghai oedd ei ganlyniadau gorau yn ystod hanner cyntaf y flwyddyn. Yn yr Haining City Open, llwyddodd i ennill ei rediad swyddogol mwyaf am y tro cyntaf yn ei gêm 32 olaf yn erbyn Cao Yupeng. Aeth Day ymlaen i gyrraedd y rowndiau chwarteri olaf, ond collodd o 4-2 yn erbyn Oliver Lines. Ar ôl i Day ennill y ddwy ffram olaf yn ei gêm rownd gyntaf yn erbyn rhif un byd, Ding Junhui, ym Meistri'r Almaen i'w drechu o 5-4, dywedodd ei fod yn gweithio ar ei gysondeb gan anelu i fod ymhlith y goreuon unwaith eto. Yna trechodd Alfie Burden 5-2 i wynebu Liang Wenbo yn unig ymddangosiad Day yng nghwarteri-olaf y tymor a chafodd ei guro o drwch blewyn o 5-4. Ym Mhencampwriaeth Agored Cymru collodd Day yn annisgwyl i'r amatur Oliver Brown o 4-1yn yr ail rownd. Roedd Day yn ennill o 3-1 yn erbyn Mark Allen yn rownd gyntaf Pencampwriaeth y Byd, ond yna collodd naw ffram yn olynol i gael eu faeddu o 10-3.

Tymor 2015/2016

[[Delwedd:Nodyn:Alias baner gwlad 2|22x20px|Nodyn:Alias gwlad 2|link=2]]

Collodd Day o 5-4 yn erbyn Ding Junhui yn ail rownd Meistri Shanghai, Daeth yn ol o'r un sgor yn y Bencampwriaeth Ryngwladol gan ei guro o 6-5. Cafodd Day ei drechu o 6-4 gan David Gilbert yn y rownd ganlynol. Fodd bynnag, yn ei ddigwyddiad nesaf, trechodd Mark Selby o 4-0 yn rowndiau chwarter olaf Pencampwriaeth Agored Bwlgaria gan guro Sam Baird 4-2 i chwarae yn y rownd derfynol o ddigwyddiad oedd yn cario pwyntiau safle am y tro cyntaf ers 2008, ond cafodd ei drechu 4-0 gan Mark Allen. Collodd 6-2 i Dechawat Poomjaeng yn ail rownd Pencampwriaeth y DU, ond enillodd yn erbyn y pencampwr byd, Stuart Bingham, o 5-3 i gyrraedd rowndiau chwarter olaf y Meistri Almaeneg. Collodd Day y tair ffram olaf yn erbyn Kyren Wilson i gael ei drechu o 5-4. Gwnaeth ddwy rediad o dros gant ac enillodd y ffrâm derfynol ar y bel ddu olaf yn erbyn John Higgins i gyrraedd chwarter olaf arall yn Grand Prix y Byd. Cafodd ei drechu 4-2 gan Bingham, gan golli'r ffrâm derfynol er ei fod 56-0 o bwyntiau i fyny, ar ôl i Bingham gwneud rhediad o 64. Ar ôl cael ei drechu 10-3 gan Higgins yn rownd gyntaf Pencampwriaeth y Byd, dywedodd Day y byddai'n gweithio ar ei ffitrwydd yn ystod y tymor rhydd mewn ymgais i wella ei ganolbwyntio yn ystod gemau.

Tymor 2016/17

Aeth Day ymlaen i chwarteri olaf Meistri Shanghai trwy drechu Neil Robertson a Mei Xiwen o 5-2 a cholli o 5-3 yn erbyn Mark Selby. Enillodd y pedair ffram gyntaf yn erbyn Mark Allen yn nhrydedd rownd Pencampwriaeth y DU, ond aeth ymlaen i golli 6-5. Daeth ei ail gem yng nghwarteri olaf y tymor ym Meistri'r Almaen a chafodd ei orchfygu 5-2 gan Martin Gould. Yng Ngrand Prix y Byd, maeddodd Day Stuart Bingham, Michael White a Shaun Murphy o 4-2 ymhob gem. Yn y rownd derfynol roedd 4-3 ar ei hôl hi i Marco Fu, ond daeth yn ol o angen pedwar snwcer yn yr wythfed ffrâm i fod yn gyfartal ac aeth ymlaen i ennill 6-4. Yn y rownd derfynol ar gyfer digwyddiad cyntaf safoni Day ers 2008 roedd ar ei hôl hi o 9-3 yn erbyn Barry Hawkins ac, er ei fod wedi llwyddo i gyrraedd 9-7, cafodd ei orchfygu o 10-7. Collodd Day yn rownd derfynol Cynghrair Pencampwriaeth 3-0 i John Higgins. Ar ol ennill o 4-2 yn erbyn Neil Robertson cyrhaeddodd Day rownd derfynol Pencampwriaeth Agored Gibraltar a chafodd ei guro 4-2 gan Judd Trump ar ôl iddo fod ar y blaen o 2-0. Roedd Day yn chwaraewr dethol ar gyfer Pencampwriaeth y Byd, ond collodd o 10-4 yn erbyn Xiao Guodong yn y rownd gyntaf ac unwaith eto beiodd ei ddiffyg canolbwyntio am fynd allan yn gynnar.

Bywyd personol

Priododd Day chwaer ei lys-fam, Lynsey, yn ystod Haf 2008. Dywedodd Lynsey - sy'n bedair blynedd yn hŷn na Day - wrth bapur newydd 'The Sun' eu bob wedi bod yn gariadon ers pan oedd Day yn yn 13 oed. Mae gan y cwpl ddwy ferch, Francesca, a anwyd yn 2006 a Lauren, yn 2010. Mae ei frawd iau, Rhys, wedi chwarae pêl-droed i Manchester City ac i dim o dan 21 Cymru.

Amserlen perfformiad a safleoedd

Tournament	1997/ 98	1998/ 99	1999/ 00	2000/ 01	2001/ 02	2002/ 03	2003/ 04	2004/ 05	2005/ 06	2006/ 07	2007/ 08	2008/ 09	2009/ 10	2010/ 11	2011/ 12	2012/ 13	2013/ 14	2014/ 15	2015/ 16	2016/ 17	2017/ 18
Ranking			UR	UR			69	45	33	17	16	8	6	12	28	30	31	21	20	23	19
Ranking tournaments
Riga Masters	Tournament Not Held																	Minor-Rank.		1R	W
China Championship	Tournament Not Held																			NR	2R
Paul Hunter Classic	Tournament Not Held							Pro-am Event						Minor-Ranking Event						2R	A
Indian Open	Tournament Not Held																1R	1R	NH	1R	A
World Open	A	A	LQ	LQ	A	2R	LQ	1R	1R	2R	2R	F	1R	LQ	LQ	1R	2R	Not Held		3R	2R
European Masters	Tournament Not Held				A	LQ	LQ	1R	LQ	F	NR	Tournament Not Held								LQ	1R
English Open	Tournament Not Held																			4R	1R
International Championship	Tournament Not Held															1R	QF	2R	3R	1R	2R
Shanghai Masters	Tournament Not Held										F	QF	QF	1R	1R	2R	2R	2R	2R	QF	1R
Northern Ireland Open	NH	A	Tournament Not Held																	1R	4R
UK Championship	A	A	LQ	LQ	A	LQ	LQ	2R	1R	2R	1R	1R	1R	2R	1R	2R	1R	2R	2R	3R	SF
Scottish Open	A	A	LQ	2R	A	1R	2R	Tournament Not Held								MR	Not Held			2R	1R
German Masters	A	NR	Tournament Not Held											1R	1R	LQ	SF	QF	QF	QF	QF
Shoot-Out	Tournament Not Held													Variant Format Event						1R	1R
World Grand Prix	Tournament Not Held																	NR	QF	F	1R
Welsh Open	A	A	3R	LQ	A	LQ	LQ	QF	3R	1R	3R	1R	QF	2R	LQ	LQ	2R	2R	3R	2R	1R
Gibraltar Open	Tournament Not Held																		MR	SF	W
Players Championship	Tournament Not Held													DNQ	DNQ	DNQ	2R	1R	2R	1R
China Open	NR	A	LQ	LQ	A	Not Held		2R	LQ	LQ	SF	SF	2R	2R	LQ	LQ	1R	2R	2R	LQ	LQ
World Championship	LQ	LQ	LQ	LQ	LQ	LQ	1R	LQ	2R	1R	QF	QF	1R	1R	QF	LQ	2R	1R	1R	1R
Non-ranking tournaments
Champion of Champions	Tournament Not Held																A	A	A	A	QF
The Masters	LQ	A	LQ	LQ	1R	LQ	LQ	A	LQ	LQ	1R	1R	QF	A	A	A	A	A	A	A	QF
Championship League	Tournament Not Held										SF	RR	RR	2R	RR	RR	2R	RR	RR	F	RR
Romanian Masters	Tournament Not Held
Variant format tournaments
Six-red World Championship	Tournament Not Held											A	2R	A	NH	A	A	1R	2R	2R	1R
Former ranking tournaments
Malta Grand Prix	Non-Rank.		LQ	NR	Tournament Not Held
Thailand Masters	A	A	LQ	LQ	A	NR	Not Held			NR	Tournament Not Held
British Open	A	A	LQ	LQ	A	LQ	LQ	1R	Tournament Not Held
Irish Masters	Non-Ranking Event					WD	LQ	LQ	NH	NR	Tournament Not Held
Northern Ireland Trophy	Tournament Not Held								NR	QF	3R	3R	Tournament Not held
Bahrain Championship	Tournament Not Held											2R	Tournament Not Held
Wuxi Classic	Tournament Not Held											Non-Ranking Event				LQ	1R	3R	Not Held
Australian Goldfields Open	Tournament Not Held														1R	2R	1R	1R	A	Not Held
Former non-ranking tournaments
Masters Qualifying Event	LQ	A	LQ	QF	W	LQ	2R	NH	3R	QF	A	A	A	Not Held
European Open	Tournament Not Held				Ranking Event						RR	Tournament Not Held								Ranking
Wuxi Classic	Tournament Not Held											SF	RR	QF	A	Ranking Event			Not Held
World Grand Prix	Tournament Not Held																	1R	Ranking
Former variant format tournaments
Shoot-Out	Tournament Not Held													3R	3R	2R	SF	1R	QF	Ranking

Performance Table Legend
LQ	lost in the qualifying draw	#R	lost in the early rounds of the tournament (WR = Wildcard round, RR = Round robin)	QF	lost in the quarter-finals
SF	lost in the semi-finals	F	lost in the final	W	won the tournament
DNQ	did not qualify for the tournament	A	did not participate in the tournament	WD	withdrew from the tournament

NH / Not Held				means an event was not held.
NR / Non-Ranking Event				means an event is/was no longer a ranking event.
R / Ranking Event				means an event is/was a ranking event.
RV / Ranking & Variant Format Event				means an event is/was a ranking & variant format event.
MR / Minor-Ranking Event				means an event is/was a minor-ranking event.
PA / Pro-am Event				means an event is/was a pro-am event.
VF / Variant Format Event				means an event is/was a variant format event.

Rowndiau terfynol ei yrfa

Ranking finals: 6 (2 titles, 4 runners-up)

Outcome	No.	Year	Championship	Opponent in the final	Score
Runner-up	1.	2007	Malta Cup	Murphy, ShaunShaun Murphy	4–9
Runner-up	2.	2007	Shanghai Masters	Dale, DominicDominic Dale	6–10
Runner-up	3.	2008	Grand Prix	Higgins, JohnJohn Higgins	7–9
Runner-up	4.	2017	World Grand Prix	Hawkins, BarryBarry Hawkins	7–10
Winner	1.	2017	Riga Masters	Maguire, StephenStephen Maguire	5–2
Winner	2.	2018	Gibraltar Open	Yupeng, CaoCao Yupeng	4–0

Minor-ranking finals: 1 (1 runner-up)

Outcome	No.	Year	Championship	Opponent in the final	Score
Runner-up	1.	2015	Bulgarian Open	Allen, MarkMark Allen	0–4

Non-ranking finals: 5 (1 title, 4 runners-up)

Outcome	No.	Year	Championship	Opponent in the final	Score
Winner	1.	2001	Benson & Hedges Championship	Abernethy, HughHugh Abernethy	9–5
Runner-up	1.	2001	Challenge Tour - Event 2	Leo Fernandez	3−6
Runner-up	2.	2002	Challenge Tour - Event 4	David Gilbert	3−6
Runner-up	3.	2010	Beijing International Challenge	Tian Pengfei	3−9
Runner-up	4.	2017	Championship League	Higgins, JohnJohn Higgins	0–3

Pro-am finals: 7 (4 titles, 3 runners-up)

Outcome	No.	Year	Championship	Opponent in the final	Score
Winner	1.	2003	EASB Open Tour - Event 1	James Reynolds	5–4
Winner	2.	2003	EASB Open Tour - Event 2	Gray, MarkMark Gray	5–3
Runner-up	1.	2006	Pontins Pro-Am Event 2	Judd Trump	1−4
Runner-up	2.	2006	Pontins Pro-Am Event 4	Ricky Walden	1−4
Runner-up	3.	2006	Pontins Pro-Am Event 6	Dave Harold	1−4
Winner	3.	2006	Pontins Autumn Open	Cope, JamieJamie Cope	5–2
Winner	4.	2008	Austrian Open	Cope, JamieJamie Cope	6–3

Dolenni allanol

• Nodyn:World Snooker
• Nodyn:CueTracker player
• Profile on Global Snooker Archifwyd 2009-07-22 yn y Peiriant Wayback
• Profile on Pro Snooker Blog
• Profile on Yahoo! Archifwyd 2008-12-26 yn y Peiriant Wayback Sport Archifwyd 2008-12-26 yn y Peiriant Wayback