Huw Llywelyn Davies

Huw Llywelyn Davies
Ganwyd	19 Chwefror 1945  Merthyr Tudful
Dinasyddiaeth	Cymru
Alma mater	Prifysgol Caerdydd
Galwedigaeth	cyflwynydd chwaraeon, cyflwynydd teledu
Tad	Eic Davies
Plant	Rhodri Llywelyn
llofnod

Darlledwr yw Huw Llywelyn Davies (ganed 19 Chwefror 1945). Yn fab i Eic Davies a oedd yn arloeswr wrth drafod chwaraeon yn Gymraeg ar y radio, fe anwyd Huw ym Merthyr Tudful.

Bywyd cynnar

Aeth i Ysgol Gynradd Gwaun-cae-gurwen, Ysgol Ramadeg Pontardawe, a Choleg y Brifysgol Caerdydd. Bu'n athro ac yn bennaeth yr Adran Gymraeg yng Ngholeg Llanymddyfri o 1969 tan 1974.

Gyrfa

Ymunodd â HTV yn 1974 fel cyflwynydd ar raglen newyddion Y Dydd o dan arweiniad Gwilym Owen. Ymunodd â'r BBC yn 1979 gan gweithio i BBC Radio Cymru i ddechrau, yn cyflwyno rhaglen sgwrsio yn y boreau, rhaglenni i ddysgwyr a chyfresi gemau panel, cyn dechrau gweithio yn yr adran chwaraeon. Daeth yn enwog fel sylwebydd rygbi yn Gymraeg a Saesneg a hefyd yn gyflwynwr y rhaglen deledu Dechrau Canu, Dechrau Canmol. Roedd hefyd yn cyflwyno rhaglenni teledu y BBC o'r Eisteddfod Genedlaethol.

Fe ymddeolodd fel sylwebydd ar gêmau rhyngwladol yn Mawrth 2014.

Gweler hefyd

• Rhestr o Gymry a wrthododd "Anrhydedd Brydeinig"

Cyfeiriadau

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.