FIG

International Gymnastics Federation

Logo
Talfyriad	FIG
Sefydlwyd	23 Gorffennaf 1881 (1881-07-23)
Pencadlys	Avenue de la Gare 12
Lleoliad	Lausanne, Swistir
Rhanbarth a wasanethir	Bydeang
President	Morinari Watanabe
Cysylltir gyda	Longines, VTB, Cirque du Soleil
Gwefan	gymnastics.sport

Sefydlwyd Ffederasiwn Gymnasteg Rhyngwladol (a adnebir yn aml wrth ei dalfyriad Ffrangeg, FIG, Fédération Internationale de Gymnastique) ar 23 Gorffennaf 1881 yn Liège yng Ngwlad Belg gan Nicolaas Cuperus. Dyma'r ffederasiwn chwaraeon rhyngwladol hynaf. Fe'i gelwir gyntaf yn Bureau des fédérations européennes de gymnastique, gan fabwysiadu'r enw swyddogol cyfredol ym 1922.

Mae pencadlys yr FIG wedi ei lleoli yn Lausanne yn y Swistir ers Gorffennaf 2008. Yn 2017, roedd gan FIG 31 o weithwyr.

Cyfrifoldeb

Mae'r FIG yn llywodraethu wyth camp: Gymnasteg i Bawb, Gymnasteg Artistig Dynion a Merched, Gymnasteg Rhythmig, Trampolîn - gan gynnwys Dwbl-trampolîn Dwbl a Thymbl -, Aerobeg, Acrobateg, a Parkour. Mae'n cyfrif 148 o ffederasiynau aelodau cenedlaethol ac mae ganddo ei bencadlys ym Mhrifddinas Olympaidd, Lausanne. O gymryd holl aelodaeth cymdeithasau gymnasteg cenedlaethol a holl gampau sydd o dan adain yr FIG, gwelwyd bod gan y sefydliad 34,263 o aelodau anuniongyrchol yn oddeutu 2009.

Hanes

Sefydlwyd Bureau des fédérations européennes de gymnastique ar 23 Gorffennaf 1881, dan arweinyddiaeth cynrychiolwyr tair gwlad; Ffrainc, Gwlad Belg a'r Iseldiroedd. Newidiwyd yr enw i'r Fédération Internationale de Gymnastique yn 1922.

Mae pencadlys y FIG wedi newid sawl gwaith yn ystod ei hanes: gan ddechrau yn Liège ac yna ym Mhrâg, symudodd FIG i'r Swistir ar ôl yr Ail Ryfel Byd, yn gyntaf yng Ngenefa, cyn agor ysgrifenyddiaeth barhaol yn Lyss ym 1973, yna i symud i Moutier (ill dau yn canton Bern) ym 1991 ac yn olaf i Lausanne o Orffennaf 2008 2. Daeth yn 36ain sefydliad chwaraeon rhyngwladol i eistedd ar y Pwyllgor Olympaidd Rhyngwladol. Er mwyn agor y Gemau Olympaidd i ddisgyblaethau newydd, yn 1996 fe amsugnodd yr FIG y Ffederasiwn Trampolîn Rhyngwladol sy'n reoli gweithgareddau: trampolîn, tumbling ac acrosport.

Strwythur

Cydnebir y Ffederasiwn gan y Pwyllgor Olympaidd Rhyngwladol fel y prif awdurdod ar gymnasteg ryngwladol. Mae ei strwythur yn hierarchaidd ac yn ymreolaethol, hynny yw, rhaid i ei endidau weithio gyda'i gilydd.

Awdurdodau a chynrychiolwyr

Pencadlys y Ffederasiwn Gymnasteg Rhyngwladol, yn Lausanne, 2016

Mae'r FIG yn cynnwys ffederasiynau cenedlaethol a chyfandirol, sy'n cael eu cydnabod fel y rhai sy'n gwneud penderfyniadau yn eu priod wledydd. Dim ond un ffederasiwn i bob gwlad sy'n cael ei gydnabod a rhaid iddo hefyd gael ei gydnabod gan awdurdodau cenedlaethol ym maes addysg gorfforol a chwaraeon.

Mae'r FIG yn cael ei lywodraethu gan gyngres, cyngor, pwyllgor gweithredol a chomisiwn arlywyddol. Mae'r awdurdodau hyn yn uniongyrchol o dan orchymyn yr arlywydd. Mae yna hefyd saith pwyllgor technegol sy'n cyfarwyddo eu disgyblaethau priodol, ac mae'r Ysgrifennydd Cyffredinol yn cael ei ethol gan y Pwyllgor Gweithredol.

Strwythur Fewnol yr FIG

Mae'r Cyngor FIG yn cynnwys 44 aelod, sy'n diweddaru'r rheoliadau bob blwyddyn. Mae'r Pwyllgor Gweithredol, sy'n cwrdd dair gwaith y flwyddyn, yn cynnwys 22 aelod, gan gynnwys Llywyddion yr Undebau Cyfandirol. Mae yna hefyd saith pwyllgor technegol (un ar gyfer pob disgyblaeth: gymnasteg artistig, gymnasteg rhythmig, ac ati) a sawl comisiwn i fyfyrio a chynnig ar bob pwnc sy'n gofyn am newidiadau.

Sefyllfa Cymru

Yn achos Cymru, er bod gan Gymru gymdeithas Gymnasteg Cymru a thîm genedlaethol sy'n cystadlu yng Ngemau'r Gymanwlad, dim ond British Amateur Gymnastics Association (a elwir bellach yn "British Gymnastics") a sefydlwyd yn 1888 a gydnabyddir gan yr FIG ac sydd â sedd a llais yn ei gweinyddiaeth. Ymunodd y BAGA gyda'r FIG yn 1936.

Fel aelod o'r strwythur Brydeinig a thîm Olympaidd Prydain, mae gymnastwyr a sefydliad Cymru yn derbyn rheolau'r FIG.

Cynghorau'r FIG

Ymhlith y prif benderfyniadau a gymerwyd gan gyfarfodydd i Gyngor yr FIG mae:

Rhif	Blwyddyn	Dinas letyol	Cymdeithas letyol	Prif benderfyniad
1	2001	Lausanne SUI	UEG	Codi'r terfyn oedran mewn Gymnasteg Rhythmig i 16 (er 2005)
2	2002	Chiba JPN	AGU	24 gymnastwyr yn ART Comp II
3	2003	San Juan PUR	PAGU	Fformat newydd i gystadleuaeth Gymnasteg Rhyddmig
4	2004	Windoeck NAM	UAG	Commission TUE
5	2005	Helsinki FIN	UEG	Llw beirniaid ac athletwyr
6	2006	Kuala Lumpur MAS	AGU	Nid yw'r sgorau bellach yn fanwl
7	2007	Orlando USA	PAGU	Côd disgyblu newydd
8	2008	Le Cap RSA	UAG	Trwyddedau ar gyfer gymnastwyr
9	2009	Lillestrom NOR	UEG	Beirniaid Cyfeirio
10	2010	Chiba JPN	AGU	Amser hediad ar trampolîn
11	2011	San Jose USA	PAGU	Dyrannu digwyddiadau dros 6 oed
12	2012	St Petersburg RUS	UAG	Rheolau newydd ar gyfer cysylltiadau
13	2013	Liverpool GBR	UEG	Egwyddorion y system gymhwyso Olympaidd newydd
14	2014	Kuwait City KUW	AGU	Cwotâu newydd ar gyfer gymnasteg rhythmig
15	2015	Melbourne AUS	OCE	Cwotâu newydd ar gyfer Timau Gymnasteg Artistig
16	2016	Bangkok THA	AGU	Amserlen newydd ar gyfer cymhwyster Olympaidd
17	2017	Baku AZE	UEG

Dolenni allanol

• Gwefan swyddogol yr FIG
• Apparatus Norms Archifwyd 2014-01-09 yn y Peiriant Wayback ar wefan yr FIG
• Gwefan Swyddogol Gymasteg Cymru