Cymdeithas Bêl-droed Latfia
| UEFA | |
|---|---|
[[File: |225|Association crest]] | |
| Sefydlwyd | 19 Mehefin 1921 |
| Aelod cywllt o FIFA | 1922 |
| Aelod cywllt o UEFA | 1992 |
| Llywydd | Vadims Ļašenko |
| Gwefan | www.lff.lv |
Cymdeithas Bêl-droed Latfia (Latfieg: Latvijas Futbola federācija, LFF, yn llythrennol Ffederasiwn Pêl-droed Latfia) yw'r corff llywodraethu pêl-droed yn Latfia gyda'i bencadlys wedi'i leoli ym mhrifddinas Canolfan Chwaraeon Elektrum yn Riga. Mae ei weithgareddau'n cynnwys trefnu pencampwriaeth bêl-droed Latfia (Optibet Virslīga), Cynghrair Gyntaf Komanda.lv ac Ail Gynghrair Latfia yn ogystal â phencampwriaethau cynghrair is a Chwpan Pêl-droed Latfia. Mae'r ffederasiwn hefyd yn rheoli tîm pêl-droed cenedlaethol dynion Latfia a'r timau pêl-droed cenedlaethol eraill.
Cyfnod Annibyniaeth Gyntaf - 1918—1940
[golygu | golygu cod]Sefydlwyd yr LFF ar 19 Mehefin 1921 yn fuan wedi'r Rhyfel Byd Cyntaf ac annibyniaeth gyntaf Latfia. Yr enw wreiddiol oedd Undeb Pêl-droed Latfia (Latfieg: Latvijas Futbola savienība) ac roedd yn weithredol tan 1940 pan gafodd ei gau i lawr ar ôl meddiannaeth yr Undeb Sofietaidd o Latfia.
Ym 1922, roedd Pencampwriaeth Latfia a drefnwyd gan Undeb Pêl-droed Latfia yn cynnwys 12 cymdeithas, 22 tîm a 479 o chwaraewyr pêl-droed. Flwyddyn ynghynt, cyhoeddwyd rheolau pêl-droed yn Latfia am y tro cyntaf ac ym mis Mai 1923 derbyniwyd Latfia i mewn i FIFA. Herberts Baumanis oedd cynrychiolydd Latfia yn y seremoni dderbyn yn Ffrainc. Ym 1925, sefydlodd Undeb Pêl-droed Latfia undebau pêl-droed yn rhanbarthau’r wlad ac ym 1927 lansiwyd cystadleuaeth lefel uchaf Virslīga. Roedd yn cynnwys tri o'r timau cryfaf o Riga a chlwb o Liepāja tra bod eraill yn chwarae mewn twrnameintiau yn eu rhanbarthau. Roedd y system hon ar waith hyd at 1940, a chynyddodd nifer y timau yn y Virslīga i wyth.[1] Diddymwyd yr undeb yn ffurfiol gan yr awdurdodau galwedigaethol Sofietaidd ar 11 Tachwedd 1940.[2]
Ad-ennill Annibyniaeth - 1990 ymlaen
[golygu | golygu cod]Adnewyddodd LFF ei weithrediadau ar 19 Awst 1990 o dan ei enw cyfredol ar ôl i Latfia adennill annibyniaeth, roedd hyn yn yr adeg pan oedd Latfia wedi datgan annibyniaeth ond heb dderbyn cydnabyddiaeth swyddogol yn fyd-eang (ddigwyddodd hynny yn 1991). Adferwyd ei aelodaeth yn FIFA ym 1992 ac yn yr un flwyddyn ymunodd ag UEFA.[3][4]
Yn 2015, roedd gan y ffederasiwn staff o 47 o bobl, a'r swydd uchaf oedd Llywydd y LFF.
Ar 17 Hydref 2019, ar ôl cyfres barhaus o ganlyniadau rhyngwladol gwael gan dîm cenedlaethol Latfia a honiadau am reolaeth wael o’r ffederasiwn gan ffracsiwn o’i aelodau, cynhaliwyd cyngres frys gyda’r nod o dynnu Gorkšs o’r swydd, gyda a Mae angen mwyafrif o 65 pleidlais er mwyn i'r cynnig basio. Mewn pleidlais agos o 67 i 60 gyda dau yn ymatal, pleidleisiwyd Gorkšs allan o'i swydd. Yn gynharach yn 2019, bu nifer o alwadau gan grŵp o aelodau LFF i symud Gorkšs o’u swydd, ac eto roeddent i gyd yn aflwyddiannus. Yn ôl rheolau LFF, mae disgwyl i etholiad nesaf llywydd y corff gael ei gynnal yn 2020.[5][6]
Etholwyd Vadims Ļašenko yn llywydd Ffederasiwn Pêl-droed Latfia yn ystod cyngres y ffederasiwn ar 3 Gorffennaf 2020. Pleidleisiodd 96 o gynrychiolwyr i'r gyngres dros Ļašenko, llywydd Cymdeithas Futsal Latfia, tra bod yr ymgeisydd arall, y Gweinidog Mewnol Sandis Ģirģens (KPV LV) gyda chefnogaeth 26 o gynrychiolwyr. Ymataliodd chwe chynrychiolydd rhag pleidleisio.[7][8]
Cadeirydd/Llywyddion y Ffederasiwn
[golygu | golygu cod]- Vladimirs Ļeskovs (1990–1995)
- Modris Supe (1995–1996)
- Guntis Indriksons (1996–2018)
- Kaspars Gorkšs (2018–2019)
- vacant (2019–2020; Is-Lywydd Gyntaf Artūrs Zakreševskis fel pennaeth dros-dro)
- Vadims Ļašenko (ers 2020)
Dolenni
[golygu | golygu cod]- Gwefan Swyddogol
- Latfia Archifwyd 2018-04-12 yn y Peiriant Wayback ar wefan FIFA
- Latfia ar wefan UEFA
Cyfeiriadau
[golygu | golygu cod]- ↑ Rubenis, Miķelis (2000). Latvijas futbola vēsture. Rīga: Jāņa sēta. ISBN 9789984072180.
- ↑ "PAZIŅOJUMS [Periodika LNDB]". LPSR AP Prezidija ziņotājs. 1940-11-18. Archifwyd o'r gwreiddiol ar 2020-02-03.
- ↑ UEFA.com (2018-07-09). "Latvian football survives setbacks | Inside UEFA". UEFA.com (yn Saesneg). Cyrchwyd 2020-03-09.
- ↑ "Vēsture" [History]. LFF.lv (yn Latfieg). Cyrchwyd 2020-03-09.
- ↑ "Latvian football loses its head as Gorkšs ousted from federation chair". BNN (yn Latfieg). 2019-10-18. Cyrchwyd 2019-10-21.
- ↑ "Gorkšs sacked as head of soccer governing body after just a year". LSM.lv (yn Saesneg). 2019-01-18. Cyrchwyd 2020-03-09.
- ↑ "Latvian football loses its head as Gorkšs ousted from federation chair". BNN (yn Latfieg). 2019-10-18. Archifwyd o'r gwreiddiol ar 2020-07-06. Cyrchwyd 2019-10-21.
- ↑ "Vadims Lasenko was elected president of the Latvian Football Federation". LETA.lv (yn Saesneg). 2020-07-03. Cyrchwyd 2020-07-03.
