Abdullah II, brenin Iorddonen

Abdullah II, brenin Iorddonen
Ganwyd	30 Ionawr 1962  Amman
Man preswyl	Raghadan Palace
Dinasyddiaeth	Gwlad Iorddonen
Alma mater	Academi Filwrol Frenhinol Sandhurst Ysgol Gwasanaeth Dramor Edmund A. Walsh Academi Deerfield Coleg Penfro, Rhydychen St Edmund's School Eaglebrook School
Galwedigaeth	gwleidydd, llenor, swyddog milwrol, teyrn
Swydd	etifedd eglur, etifedd eglur, Custodian of the Holy Sites of Jerusalem, Brenin Gwlad Iorddonen
Tad	Hussein, brenin Iorddonen
Mam	Princess Muna Al-Hussein
Priod	Y Frenhines Rania o'r Iorddonen
Plant	Hussein bin Abdullah, Tywysog Gwlad Iorddonen, Y Dywysoges Iman bint Abdullah, Y Dywysoges Salma bint Al Abdullah, Y Tywysog Hashem bin Al Abdullah
Perthnasau	Talal, brenin Iorddonen, Mohammed bin Rashid Al Maktoum
Llinach	Hashimiaid
Gwefan	http://www.kingabdullah.jo
llofnod

Brenin Gwlad Iorddonen yw Abdullah II bin Al-Hussein (Arabeg: الملك عبد الله الثاني بن الحسين‎, al-Malik ʿAbdullāh aṯ-ṯānī bin al-Ḥusayn; ganwyd 30 Ionawr 1962). Daeth i'r orsedd ar 7 Chwefror 1999 wedi marwolaeth ei dad, y Brenin Hussein. Mae'n perthyn i'r teulu Hashemite, teulu sydd wedi llywodraethu Gwlad Iorddonen ers 1921, ac sy'n hannu o linach merch Muhammad, sef Fatimah.

Ganed Abdullah yn Amman yn blentyn cyntaf i'r Brenin Hussein a'i ail wraig, y Dywysoges Muna a aned yn Chelmondiston, Suffolk, Lloegr. Fel mab hynaf y Brenin, roedd Abdullah yn etifedd amlwg nes i Hussein drosglwyddo'r teitl i'r tywysog Hassan, ewythr Abdullah, ym 1965. Dechreuodd Abdullah ei addysg yn Amman, gan barhau â'i addysg dramor. Dechreuodd ei yrfa filwrol yn 1980 fel swyddog hyfforddi yn Lluoedd Arfog yr Iorddonen, gan gymryd cyfrifoldeb o Lloedd Arbennig y wlad yn 1994, a daeth yn uwchfrigadydd (major general) yn 1998. Ym 1993 priododd Rania Al-Yassin (o dras Balesteinaidd), ac mae ganddynt bedwar o blant: y Tywysog Hussein, y Dywysoges Iman, y Dywysoges Salma a'r Tywysog Hashem. Ychydig wythnosau cyn ei farwolaeth yn 1999, enwodd Abdullah yn etifedd y goron, a dilynodd Abdullah ei dad.