Тĕрĕк хаканлăхĕ
Тĕрĕк хаканлăхĕ (552—745) — Азири вăтам ĕмĕрсенчи тĕрĕк йăхĕсен пĕрлĕхлĕ пысăк патшалăхĕ. Хăват аталану тапхăрĕнче ( VI ĕмĕр вĕçĕ) патшалăх шутне Çурçĕр-Тухăç Китай, Маньчжури, Монголи, Алтай, Синьцзян, Вăтам Ази, Çурçĕр Кавказ çĕрĕсем кĕнĕ.
Кун-çулĕ
[тӳрлет | кодне тӳрлет].PNG)
Хаканлăх йĕркеленни
[тӳрлет | кодне тӳрлет]Усуньсен хăвачĕ сӳнсе пынă çем Çичшыв таврашĕнчи çĕрсем вăрçăсен уй-хирĕ пулса тăрать. V ĕмĕрте кунта шушаньсен текĕрчĕсем çитнĕ те усуньсене çеçенхирсенчен Тянь-Шань çине хӳтерсе янă. Пушанса юлнă çĕрсене юечжи йăхĕсен юлашкийĕсем йышăнма пикеннĕ, анчах та 418-419 çулсенчи шушаньсемпе вăрçнă хыççăн вĕсен Вăтам Азине кайма тивнĕ, унта вĕсем перссемпе эфталитсемпе тытăçса кайнă. Чупа Талас юханшывĕсен пуçламăшĕсенче канкăрсем пурăннă,çавăнпа шушаньсен анăç еннелле каяс çулĕ хупăннă.
Çичшывпа Тухăç Казахстан çĕрĕсем шушаньсен патшалăхĕн хĕррисен аяккинче пулнă, çавăнпа ĕнтĕ кунта шушаньсем сахал килсе çӳренĕ, çапла вара çакăнта ĕнтĕ, Алтай таврашĕнче, шушаньсене хирĕç тăрса çапăçма пултаракан вăй-хăват пуçтарăнма тытăннă. Çичшывĕн çурçĕр-тухăçĕнче тата Иртышпа Джунгари улăхĕсенче пурăнакан чылай ĕрчеллĕ теле халăх йăхĕсем, 482 çулта шушаньсене хирĕç пăлхава çĕкленсе хăйсен патшалăхне никĕсленĕ. Унăн тытăмĕ нумаях пыман, 516 çулта теле йăхĕсем каллех шушаньсен тăранне лекеççĕ. Алтайри ашин йăхĕсенчен пĕр йăхĕ шушаньсем валли тимĕр шăратса пурăннă. Çак ăрăва ĕнтĕ Еврази халăх-йăхĕсен кун-çулĕнче пысăк ертӳ ĕçĕ тивет. Ашин ăрăвĕн шутĕнчи йăхсем малалла тĕрĕк халăхĕсем ятпа палăрма пуçлаççĕ.
"Тĕрĕк" сăмахĕ хăй çирĕп, вăйлă тени пулать. А. Кононов çырнине шансан, малтан çак палăрту политикă терминĕ пулнă, вăл Ашин ăру çеçенхир аристократии çемйине пĕлтернĕ, кайран çеç вара тĕрĕк хаканне пăхăннă йăхĕсен ятне куçать.
545 çулта теле йăхĕсем каллех шушаньсене хирĕç пăлханма тытăннă, çĕнĕ патшалăх туса хунă, тăрăн вырăнне Ашин тĕрĕкĕ Пăман илнĕ. 551 çулта вăл Китайпа тамăрлă пулса, шушаньсене çĕмĕрсе тăкнă, ăна «Ильхан» титул панă. 552 çулта Паман вилнĕ, астул çине унăн ывăлĕ Хура Иссык хан ларнă, вăл шушаньсене пĕтĕмле çапса аркатнă. Çак çĕнтерӳ хыççăн хан асăмлă пулăм-иртӳре вилет, патшалăха унăн пиччĕшĕ Мăкань хан тытма пуçлать. 553 çулта шушаньсене каллех аркатаççĕ, вара тĕрĕксем Алтайран тухăç енчи çеçенхирсенче хуçасем пулса тăраççĕ. Тепĕр çулĕнче тĕрĕксем анăçалла харçа каяççĕ, вĕсене Пăманăн шăллĕ Истеми хакан ертсе пырать. Шушаньсен харçисенчен пĕрмаях хĕн курса хавшакланнă усуньсем, Истемин текĕрчисене хирĕç тăрайман – пăхăннă: 555 çулта вара Истеми хакан çарĕ Арал тинĕсĕпе Ташкент патне çитет. Çапах та Аралтан çурçĕрелле пурăннă уар, хионит йăхĕсем, вĕсемпе хытă çапăçнă, вĕсене 558 çулта кăна пăхăнтарма май килнĕ. Тĕрĕксем Атăла çитнĕ , анчах урлă каçман.
Çапла вара, кĕске тапхăртах Атăлпа Кĕçĕн Хинган тăвĕсем хушшинчи çĕрсенче куçса çӳрекен йăхсен мăн импери пĕтĕленсе йĕркеленет.
Тĕрĕксен империйĕ хăпарни
[тӳрлет | кодне тӳрлет]Çĕнĕ патшалăх тытăмĕ хакан аллинче пулать, иккĕмĕш çынĕ хаканăн тăванĕ шутланнă, ăна "ябгу" титулпа тивĕçтернĕ. Çӳлти тăрăнсем шутне çаплах шатсем (шады), эльтеберы и тутуки кĕнĕ. Хаканăн тăванĕсен "тегин" титулĕ пулнă. Вĕсене тĕрĕксем тепĕр ятпа "тегин" тенĕ, аялтарах 24 шайсенчисене, - "буюрук" тенĕ.
Кăнарĕсем пиччĕшĕнчен шăллĕне, кĕçĕн куккăшĕнчен аслă племянникне куçнă. Астула кĕтнĕ вăхăтра шады шатсем утел тăрăнĕсем пулнă. 568 ç. тĕрĕксен тытăмлăхĕ тăватă пая уйрăлса тăнă, 576 ç. - саккăра. Хаканăн тĕп вырăнĕ Алтайра шутланнă. Тĕрĕксен виçĕ шайлă тăрăнсем - беки, карабудун – тĕпписем тата тат-чурасем çартыткăнĕсем. Тĕрĕксене пăхăннă теле йăхĕсене огузсем тенĕ. Тĕрĕк хаканлăхĕ тӳрех хăй вăхăтĕнчи тĕнчери империсемпе пĕр танра пулать. VI ĕмĕрĕн 60-мĕш çулĕсенче тĕрĕксем Китай патшалăхĕнчи Бэи-Ци тата Бэи-Чжоу кĕрешĕвне хутшăннă та иккĕшне те ясак тӳлеттермелле йĕрке туса хунă.
Хакан Тобо хан çапла каланă: «Çав кăнтăрти икĕ каччă (Чжоупа Ци) пире пăхăннă пулĕччĕ, вара ун чух эпир чухăн пурнăç пĕлмĕпĕр» (Гумилёв Л. Н. С. 35).
Вăтам Азире эфталитсемпе 560 çулта вăрçнă хыççăн тĕрĕксем Ташкентпа Зеравшан улăхне туртса илнĕ. 565 çулта Несеф патĕнчи çапăçура тĕрĕксем Истеми хакан ертсе пынипе çĕнтернĕ, Сăкăта хаканат шутне илнĕ. 570-576 çç. тĕрĕксем Çурçĕр Кавказа, 576 ç. - Боспора çĕнтерсе илнĕ. Çак чаплă çĕнтерӳсем хыççăн хаканлăх Аслă пурçăн çулĕн сумлă пайĕсене сыхласа тăнă, çак ĕç тĕрĕксен паллă çыннисене караван сутă-илĕвĕн чылай тупăçне туянтарнă. Анчах тĕрĕк патшалăхĕн мăнаçлăхĕ тепĕртакран хăйсем хушшинчи хирĕçӳсене пула сӳнме тытăнать.
Хаканлăх арканни
[тӳрлет | кодне тӳрлет]581 ç. Китайра астулшăн кĕрешӳ пулса иртнĕ, Çурçĕр Чжоу ăрăвне Суй ăрăвĕ çĕнтернĕ. Çĕнĕ тăранĕ китайсене тĕрĕксемпе хутшăнма пăрахтарнă, пурçăна çеçенхире илсе тухма чарнă, çакăн хыççăн тӳрех тĕрĕксен паллă çыннисен Пурçăн çулĕнчи сутă-илӳ тупăшĕнчен килекен мăнаçлăхĕ ӳкнĕ. Çав вăхăтрах Тобо хан вилнĕ, хаканăн тăванĕсем хушшинче тавлашусем, кăнар тиккисем хушшинче кĕрешӳсем хĕрсе кайнă.
Чылай вăхăт хушши пынă кĕрешӳсем хыççăн аслă хан вырăнне Хура Иссык хан ывăлĕ – Шету - йышăннă, ăна Ышбар хан титулне тивĕçтернĕ. Иккĕмĕш хан Истеми Хура Чурин ывăлĕ –Тĕрĕк пулса тăнă, Мăкăнь хан ывăлне Торемена вара Або хан (старейший) титулне панă та ăна патшалăхăн çурçĕр пайĕсен тăрăнĕ пулса тăнă.
Суй дипломатийĕ питĕ чее пулнă: тем тĕрлĕ меслетсемпе тĕрĕксене вăрçтарса-хирĕçтерсе яма тăрăшнă, хансене тавлаштарас енĕпе ĕçленĕ. Çакăнта китайсене ăнăçу килнĕ, 584 çулта вара, китайсен ултавĕпе Ышбара Або хана сутăнчăк тесе ун çине тапăнать. Або хан Хура Чурин патне тарать те иккĕшĕ пĕрле çарсемпе аслă ханпа вăрçă пуçлаççĕ. Темиçе çапăçу хыççăн Або хан Бухара тĕлнелле чакнă. Ышбара хан 587 çулта çапăçура вилет, тăранĕ шăллĕне Чуло хана куçать. Пур тĕрĕк кнеçĕсем çĕнĕ хакана килĕшсе тупалаççĕ, Або хана тăр-пĕчченех хăвараççĕ. Çав çултах ăна Бухара патĕнче аркатаççĕ, анчах тĕрĕксен пĕрлĕхĕн тапхăрĕ нумай пыман.
558 çултанпах Хура Чурин ханпа (вăл анăç çĕрсене тытса тăнă) аслă хан хушшинчи хирĕçӳсем каллех чĕрре кĕрсе кайнă пулнă. Хура Чурин никама та пăхăнасшăн пулман, çавăнпа та вăрçă 593 çулчен тăсăлнă. Вара Ышбара хан ывăлĕ Юн Йоллыг хакан шутланать, Хура Чурин патшалăх тăранĕ пулать. Çапах та анăç тĕрĕкĕсемпе тухăç тĕрĕкĕсем хушшинчи уйрăмлăхĕ çав тери пысăк пулни 598 çулта Китайпа вăрçма пуçланă чух палăрать: тухăç тĕрĕксем Жангар ертсе пынипе Суйсен Империйĕ майлă çапăçма тытăнаççĕ. Хура Чурина вĕлернĕ, анчах Тĕрĕк хаканлăхĕ çавах пĕрлешĕнеймен. 604 çулта Анăç Тĕрĕк хаканлахĕн астулне пĕчĕк ача Таман - Хура Чуринăн мăнукĕн ывăлĕ йышăнать, Тухăçĕнне - Жангар. Пĕрлĕхлĕ Тĕрĕк патшалăхĕ пĕтсе ларать.
Анăç Тĕрĕк хаканлăхĕ
[тӳрлет | кодне тӳрлет]Анăç Тĕрĕк хаканлăхĕнче тĕрĕксен шучĕ сахал пулнă. Çавăнпа тăрăнĕсем Çичшыв çеçенхирĕсенче пурăнакан йăхĕсем (усуньсен нĕселĕсем) çине таянса патшалăха ертсе пынă. Çак йăхсене икĕ пĕрлĕх тытăмланă пулнă: Тулă пĕрлĕхĕ – Жетысупа Джунгари çĕрĕсенче, оншадпыт пĕрлĕхĕ - Тянь-Шань çĕрĕсенче. Кашни пĕрлĕхĕнче пилĕк йăх-ăру шутланнă, çавăнпа пĕтĕмлетсе пур халăха "вунă сăнă халăхĕ" тенĕ.
Тĕнче патшалăхĕсем хушшинчи пурçăн çулĕ çинче хуçаланасшăн хĕрĕçӳсене пула V ĕмĕрĕн 20-мĕш çулĕсенче икĕ коалиции йĕркеленнĕ. Пĕрин шутне Анăç Тĕрĕк хаканлăхĕ, Китай, Висанти кĕнĕ, теприне – Тухăç Тĕрĕк хаканлăхĕ, Иран тата Авар хаканлăхĕ кĕнĕ. Икĕ ушкăн хушшинче вăрçă тапраннă, нихăшĕ те çак кĕрешӳре çĕнтереймен. Вĕçĕ-хĕррисĕр пынă вăрçă халăхсен çав тери нумай вăй-хăвалне пĕтернĕ, çарти чылай çын çапăçусенче вилнĕ. Çавна пула ĕнтĕ 630 çулта Тулă йăхĕсем хăйсен хаканне хирĕç пăлханнă, вĕлернĕ. Хăйсен тăранĕ вырăнне Çĕпĕр хана суйланă. Кун хыççăн вара Тулă ăрăвĕн çумĕнчи йăхсем оншадпыт йăхĕсемпе тăранлăхшăн чылай çапăçнă. Çакна кура, пăлхарсемпе Урал укăрĕсем Анăç Тĕрĕкрен уйрăлса тухнă. 635 çулта хаканлăхри çак йăх пĕрлĕхĕсем хăйсем майлă тăранлăха çĕнтерсе илнĕ, вĕсен чиккине Шу юханшыв тăрăх палăртса хунă. Уйрăлу-пайлану ĕçĕсене пула тĕрĕксем хăйсен çĕрĕсене çухатма тытăннă.
Тухăç хаканлăхне Китай пăхăнтарнă, унăн çарĕсем Жетысу чиккисем патне пырса тăнă. 640-648 çç. вăрçăра тĕрĕксем выляса янă, ун хыççăн хаканлăхран казарсем уйрăлса тухнă. Анăç Тĕрĕк хаканлăхĕн юлашки тăранĕ Ышбара хан патшалăх пĕрлĕхне, пăхăнманлăхне сыхласа хăварма тăрăшнă пулсан та, китайсен агрессийĕ чарăнман, тĕрĕк йăхĕсем татах хаяррăн вăрçса пынă. Юлашкинчен оншадпытсемпе тулăсем 656 çулта Китайăн тăрăнлăхне парăннă. Ышбара хан, хăйне майлă çыннисемпе Или шыв леш енне каçнă. Ташкент ертӳçи ăна китайсена тытса панă, вара тĕрĕксен хаканĕ 659 çулта тыткăнра вилет. Анăç Тĕрĕк хаканлăхĕн çĕрĕсене икĕ кĕпернетлĕхе пайланă. Кĕпернетлĕх округсене, уессене уйăрса вакланă. Çапах та Жетысу тĕрĕк йăхĕсем китайсене пăхăнса пурăнма шутламан.
Хронологи
[тӳрлет | кодне тӳрлет]- 552 — Тĕрĕк хаканĕ Пăман шушаньсене хирĕç пăлхав çĕклет. Шушань патшалăхĕ сӳнсе ларать. Алтай таврашĕнче Тĕрĕк хаканлăхĕ йĕркеленет. Пăман вилĕмĕ. Астула Кара Иссык Хан çĕнтерсе илет.
- 553 — Хура Иссык Хан вилĕмĕ. Астула Мăкань Хан ларать.
- 567 — 571 — Тĕрĕк хаканлăхĕ хасарсемпе протопăлхарсене пăхăнтарать.
- 572 — Мăкань Хан вилĕмĕ. Астула Тобо Хан йышăнать.
- 603 — Тĕрĕк хаканлăхĕ Анăçпа Тухăç хаканлăхĕсене пайланать.
Ертӳçисем
[тӳрлет | кодне тӳрлет]- Тĕп статья: Ашин ăрăвĕ
| Ят | Тĕрĕк Ячĕ[1] | Астулри ячĕ (кивĕ, китайла)[2] | Китай çул çырăвĕсенчи астулри ячĕ | Китай çул çырăвĕсенчи пайăр ячĕ | Пайăр ячĕ (кивĕ, китайла)[2] | Астулри çулсем |
|---|---|---|---|---|---|---|
| Бумын хакан | Бумын Иль-хан | Или-хан Тумынь | 伊利可汗 — Иликэхань | 阿史那 土门 — Ашина Тӳмен | Тумынь | 542-552 (552 çултанпа хакан) |
| Кара Иссык Хан | Кара Иссык-хан[3] | Исиги-хан Коло | 乙息记 — Исицзи | 阿史那 科罗 — Ашина Кэло | Коло | 553-554 |
| Мукан-хакан | паллă мар | Муюй-хан Кигинь | 木杆可汗 — Муганькэхань | 阿史那 俟斤 — Ашина Сыцзинь 燕都 — Яньду |
Кигинь Яньду |
554-572 |
| Тобо Хан | Тапу-Хан Арслан[4] | Тобо-хан | 佗缽可汗 — Тобокэхань | 阿史那 佗鉢 — Ашина Табо | паллă мар | 572-581 |
| Амрак | Амрак | Яньло Диэр-кэхань[5] |
阿史那庵逻- Ашинааньло | 阿史那 庵逻- Ашина Аньло | Яньло | 581 |
| Бага-Ышбара хан | Эр-бег-шад[6] Иль-кюлюг шад Бага Ышбара-хан[7] |
Илигюйлу Ше Мохэ Шиболо-хан Нйету | 沙缽略可汗 — Шаболюекэхань | 阿史那 摄图 — Ашина Шэту | Нйету | 581-587 |
| Чоллыг-Джагбу-Бага хан | Чоллиг[8] джабгу-хан Бага-хан | Шеху-хан Чулохэу | 莫何可汗 — Мохэкэхань | 阿史那处罗侯 — Ашина Чулохоу | Чулохэу | 587-588 |
| Юн-Улуг | Юн улуг[9][10] | Гйегя Шидонь Дулань-хан Юнюйлюй | 都藍可汗 — Доуланькэхань | кит. 阿史那雍虞闾, пиньинь ashina yongyulu — Ашина Юнюйлу | Юнюйлюй | 588-599 |
| Кара-Чурин-Тюрк | Кара Чурин Тюрк[11][12] Тардуш-хан[13][14] Боке-хан[15][16] |
Бугя-хан Дату | кит. 达头可汗, пиньинь datoukehan — Датоукэхань | кит. 阿史那玷厥, пиньинь ashinadianjue — Ашина Дяньцзюе | Дату, Данькю, Дяньгу//Дяньгю | 599-603 |
Вуламалли
[тӳрлет | кодне тӳрлет]- Гумилёв Л. Н., "Древние тюрки", СПб., 2002.
- Николаев В. В., "Чуваши. Этническая история и традиционная культура.", Мускав, 2000.
- Николаев В. В., "История предков чувашей. XXX в. до н.э. — XV в.н.э.", Шупашкар, 2005.
Асăрхавсем
[тӳрлет | кодне тӳрлет]- ^ Л. Н. Гумилёв. Авалхи тĕрĕксем
- ^ 1 тата 2 Бичурин куçарăвĕпе. Собрание сведений…
- ^ «Хура кăра хан».
- ^ çаплах Арсила
- ^ Гумилёвăн. Лăпкă пĕлтерĕшлĕ
- ^ Мужественный
- ^ Державы славный князь божественный могучий хан
- ^ «Чуллă пушхир».
- ^ "Поднятая (вверх) судьба//доля прозвище. (Возвышенный удел).
- ^ Хан, который не был родственником Хормизда.
- ^ «Аманнăскер, прокаженный тĕрĕк».
- ^ Кара Джурин Тюрк (перс.)
- ^ Тарду (гр.)
- ^ «Патшалăхăн хĕвеланăç пайĕ». «Паттăр, маттур».
- ^ «Хĕвеланăç ен ханĕ».
- ^ Биягу (перс.)
Каçăсем
[тӳрлет | кодне тӳрлет]Казахстан историйĕ 2018 ҫулхи Нарӑс уйӑхӗн 14-мӗшӗнче архивланӑ.
Узбекистан историйĕ |
|
|---|---|
| Аваллăх |
Андрон культури (п.эрч. XVII — п.эрч. IX ĕм.) • Бактри-Марги археологи комплексĕ (п.эрч. XXIII — п.эрч. XVIII ĕм.) • Скифсем (саксем, массагетсем, дахсем) (п.эрч. XVIII — п.эрч. IV) • Хорезм (п.эрч. VIII — п.эрч. VI ĕм.) • Сăкăт (— п.эрч. VI ĕм.) • Чач (— п.эрч. III ĕм.) • Фергана (— п.эрч. VI ĕм.) • Бактри (п.эрч. VIII — п.эрч. VI ĕм.) • Ахеменид патшалăхĕ (п.эрч. 558—330) • Александр Македонскин империйĕ (п.эрч. 334 — п.эрч. 312) • Селевкидсен патшалăхĕ (п.эрч. 312—п.эрч. 250 çç.) • Грек-Бактри патшалăхĕ (п.эрч. 250 — п.эрч. 130 çç.) |
| (П.эрч. II ĕмĕр — 1055) |
Кангюй патшалăхĕ (п.эрч. III ĕм. — п.эрч. V ĕм. варри) • Давань (п.эрч. II — п.эрч. I ĕм.) • Кушан патшалăхĕ (I — III ĕм.) • Уструшана (IV — V ĕм.) • Чаганиан (V — IX ĕм.) • Илак (V — XIII ĕм.) • Хионитсен патшалăхĕ (IV — V ĕм.) • Кидаритсен патшалăхĕ (Тохаристан) (IV — V ĕм.) • Эфталитсен патшалăхĕ (V — VI ĕм.) • Тĕрĕк хаканлăхĕ (552—603) • Анăçри хаканлăх (603—698) • Тюргеш хаканлăхĕ (698—766) • Огуз патшалăхĕ (750—1055) • Карлук хаканлăхĕ (766—940) |
| Ислам çĕнсе илни (661—750) |
Омейяд халифачĕ (661—750) • Аббасид халифачĕ (750—1258) • Тахирид эмирачĕ (821—873) • Саффарид эмирачĕ (861—1003) • Саманид эмирачĕ (875—999) |
| Тĕрĕк патшалăхĕсем (840—1221) |
Газневид султаначĕ (963—1187) • Караханид патшалăхĕ (840—1040) • Анăç-Караханид ханлăхĕ (1040—1212) • Тухăç-Караханид ханлăхĕ (1042—1212) • Сельджукидсен патшалăхĕ (1037—1194) • Хорезмшахĕсен султаначĕ (1077—1231) |
| Монголсем çĕнсе илни (1221—1269) |
Каракитай ханлăхĕ (1141—1212) • Монгол империйĕ (1206—1291) • Чагатай улусĕ (1224—1340) • Джучи улусĕ (1224—1360) |
| Çĕнĕ вăхăт |
Могулистан (Тухăç Чагатай улусĕ) (1346—1370) • Тамерлан империйĕ тата Тимуридсен патшалăхĕсем (1370—1500) • Узбек ханлăхĕ (1428—1468) • Бухара ханлăхĕ (1500—1785) • Хива ханлăхĕ (1512—1920) • Коканд ханлăхĕ (1709—1876) • Ташкент патшалăхĕ (1784—1809) • Бухара эмирачĕ (1785—1920) • Кундуз ханлăхĕ (1800—1850) • Раççей империн Вăтам Азири харпăрлăхĕсем (Сырдарья • Фергана) • Самарканд облаçĕсем • Туркестан автономийĕ (1917—1918) • Вăхăтлăх Фергана правительстви (1919—1920) |
| Çĕнĕрех вăхăт |
Туркестан АССР (1918—1924) • Бухара ХСР (1920—1924) • Хорезм ХСР (1920—1923) • Хорезм ССР (1923—1924) • Бухара ССР (1924) • Узбек ССР (1924—1991) • Узбекистан Республики (1991-па) |
Ханлăхсем |
|
|---|---|
| Хаканлăхсем | |
| Раççей/Украина | |
| Малти Ази |
Азербайджан ханлăхĕсем • (Ардебил • Баку • Гянджа • Джавад • Дербент • Зенджан • Карабах (Карадаг • Куба • Маку • Марага • Нахичевань • Сараб • Талыш • Тебриз • Урма • Хальхал • Хой • Шека • Ширван) • Ардалан ханлăхĕ • Гилян ханлăхĕ • Мазандаран ханлăхĕ • Нишапур ханлăхĕ |
| Вăта Ази |
Афган ханлăхĕсем (Абдали • Гильза • Герат • Кабул • Кандагар • Пешавар • Хатта) • Джунгар ханлăхĕ • Казах ханлăхĕ • Каракитай ханлăхĕ • Могули • Монгол хаканлăхĕ • Ойрат ханлăхĕ • Ташкент • Узбек ханлăхĕ • Узбек ханлăхĕсем (Бухара (Акчин • Андхой • Бадахшан • Балх • Бухара • Гурзиван • Дарзаб • Коканд • Кундуз • Меймен • Сарыпул • Хульм • Шибирхан • Хива |
| Кăнтăр Ази | |